2 Pie 3
3
Tel Bïraþe Jeju Krist
(Oo Mat 24:37 teen 38; 2 Tes 1:7 teen 10; Jud 17,23)
1Ngétar, tajigla i maktub kïkõjoo ta la m'ndï m'ndang madsï ye. Kam maktubt lom tujoo m'sah kad m'tøsï hangalsï kïjanjoi m'ndool dø nyandoot'n m'ndï mad kamsï gah døt. 2M'ndig kad kamsï gah dø tagt'n ngékelta kï ta Luwaht elïn kete, kï mberkïnda lo Bïraþe loj ngekaj'j'n ngombangkïlag ndoosïn. 3Dasabang majkad i gerïn nya 'nten: Kam ndøgt kï døboit ngégool deg a ðen kï køl, a telïn rod go nyurkõgt lod kïmajal kïkøsïdød, a gon døsït, 4na anan: Jeju un kø'n an: N'a n'tel n'ðe ale, na ðe al, i ða a? Bøwjg oin, na nyag tube ðan loðadt tit'n în ne lo yaþood ndah døningt nu.
5Deg'n non adïn kamd oi dø nyat 'nten kï ndang: Kïtakul ta kï ta Luwaht la ndah'n dørã kï døning maði nu. Døning tee kam mant; na kïtakul man la Luwah þaha'n ye. 6Na kïtakul man, ad i mankõ kïbobe la døning kï maði nujïn kø ye. 7Na dørã kï døning nge 'nten kïtakul ta lo Luwah'n non tø la mbond ne kï nat kïtakad horr nujd kø, ngomïnd kïta ndø'n Luwah a gangta nuj kø dø degt kï ngéðanya kïgo lo Luwaht al.
8Na ngétar, sumba kad kamsï oi dø nya madt 'nten al: Ro Bïraþet ndø kïða tit þal dub be, na þal dub tit ndø kïða be. 9Bïraþe ndï køkï dø tølkon kunkøt'n un al, tit'n deg madg oon a anan ndï køkï. Na Bïraþe ndïdøt sesï ta ndï, kama ndig kad de mad nujkø al, na kad tube ngahn lo tørr ndid dø majalt lod. 10Na ndø lo Bïraþe a ðe tit ðe ngeþoog be, ndøt'n non dørãg a tøin kø kï kah kï ko þirr þirr. Horr a õ kàd kï nah kï kïmëg mugj ad nyëmïrïn, døning kï nyag kï kamt tø tube a õn horr.
(Oo Luk 21:34 teen 36; 1 Tes 5:1 teen 10; 1 Pie 1:13 teen 16)
11Tit kan nyag tube a tøin kø titbe ye, kï i gerïn kad ðob nyaðasï asï ta ndø'n non, majkad în ngéjarosï þat kad majalt kï ða kad nyaðasï i kïgo lo Luwaht tø. 12I ðan titbe i ngoon ne ndø lo Luwah keðengë, i lan rosï kïnat kad ndø'n non ðe kanangbe tø. Ndøt'n non dørãg a õn horr ad nyëmïrïn, na kàd kï kïmëg tø horr a õd mugj. 13Na kïgo kunkøt lo Luwah ndï kï ngoo dørã kï kij kï døning kï kij'n ðadenesew a ndï tit.
Oon go rosï
14Kïtø 'nten ngétar, tit kan i ndï i ngoon ne nyag 'nten keðengë ye, i lan rosï kï nat kad Luwah ngahsï kï lapia, kïkanj yerr ke majal nont. 15Maj kad oon ndïdøt lo Bïraþe'n ndïdøt i ðøb kï la kïtasï kad ajïn ne, tit'n ngonkõj Pol kï ngetar ndangïn ta mad døt adsï, kïgo terrt'n Luwah ada. 16Pol elta'n non kam maktubgt tube'n ndang. Ta madg ton kam maktubt loa nõ, în ngangïn ngãi kad de ger girrd. Deg madg kï ngégernya al kï ngéðabijïr al ndï ørrïn girrd ar nyang al, tit'n ndï ðan ne kï ndeg maktubg lo Luwah. Titbe la ndï ørrïn ne nujkø kï dødt ye.
17Na în taa, ngétar, i gerïn nyag 'nten kete woi, kïta 'nten oon go rosï maj na þeta deg kï ngéþool Luwah al golsïn ad i ndomïn, ad i son kø dø ða bijïrt losï. 18Na i soot kad i tøgïn kam majkurrt kï kam nyagert lo Bïraþe loj, ngekaj'j Jeju Krist. Kï køsïgon i loa tajigla, kï mbãkïnõt. Amin.
BIBLE MBAÏ © 1980 Alliance Biblique du Tchad.