2 Ngar 5
5
Elije yoot Naama
1Naama, bïradø ngéðøøg lo ngar kï Siri, i de kïbo ro ngeent, ngah køsïgon roat tø. Kïtakula laluwahg lo 2Taa ne, Siriag tee awïn ðøø, na høn ngon kïdë kïdu kï døning Israel þert, ða ða kïlaþer ad në Naama. 3Ngon kïdë'n non el ngeen kïdë an: Aa, neni ngeem aw ro ngekelta kïta Luwaht'n ndï Samari a ne, neni a yoota dø mõi banjt loa.
4Naama aw el ngeen an: Ngon kïdë kï døning Israel elta be. 5Ngar kï Siri el an: Aw Samari na m'a m'ndang maktub m'ad ngar kï Israel. Naama aw na oi nar arjã kilo þu kï nar ør kilo døkïbojidet kï kub kïlah jint. 6Aw kï maktub ad ngar kï Israel. Ta'n ndang kamt laten: Tajigla, lon maktub tee roit a ne, a i ger ta kad m'la þer lom Naama roit kad i yoota dø banjt loa. 7Got'n hã da maktub woi ye ngar kï Israel hø kub lon til na el an: Mî Luwah hã m'a m'asï kad m'tøl de na m'tela kumkajirt gog a? Kad ngar kï Siri la kï dømt kad m'yoot de dø banjt loa. Oon maj na i gerïn girra tø, ndï sah tam.
8Lon Elije de lo Luwah oo ad ngar kï Israel til kub lon ye, la kïla ro ngart an: Kïtøði i tilïn kub loi a? I nya ada ðe romt, titbe a ger ta kad ngekelta kïta Luwaht i kam Israelt.
9Naama aw nat kï sïndag kï pusï lon na duba ta kujt lo Elije. 10Elije la kïla roat an: Aw i ndog man bah Jurrdë nja tanãimïta na roi a tel lapia, a i kïkar nyang. 11Naama þawong, na tel ndï aw gog, el an: Oo, m'el kammt m'an: A tee kï romt, î kï døa a ða nomt, a kun tø Bïraþe Luwah lon, a la jin lot'n banj i tit, yootmïn. 12Bahg kï Damasï, ad i bah Abana kï bah Parpar, majïn tøi bahg tube kï døning Israelt ale? Asï kad m'ndog man kïnu kad m'tel kï kar nyang ale? Tel ndï aw gog kï wong kïtalsøkïr.
13Na þerg loa ndøtïn kïroat elïna anan: Bøwm, îla ngekelta kïta Luwaht eli kad i ða nya mad kïngang ye, a i ða nya'n non ale? Kïtøði lon el an: I aw ndog man, a i tel kïkar nyang, tã. 14Titbe ðisï, ud kam man Jurrdët un nja tanãimïta kïgo tat lo de lo Luwah na dãroa tel tit dã, ro ngon kïkasï, i kïkar nyang. 15Naama tel aw ro det lo Luwah nat kï deg lon tube. Lon tee nu ye, duba nõat, na el an: Oo, labe kïnõt m'ger, Luwah mad kïðang goto kam døningt kïtaagbe, na kam Israelt tã. Tajigla m'køi, i taa kadkari ji þert loi. 16Elije tur an: Tit'n Bïraþe'n mî þer loa ndïn kï dõ ye, m'a m'ta al. Naama øja ta be kaa, taa jiat al.
17Kamla Naama el an: Tit'n oroi ye, i nya ad adïn m'øi ning kï loi kï asï to korrog joo kïta þer loi ndig la kadkari kïlahorr ke kadkari mad ad luwahg kïðang al, na Bïraþe tã. 18Be kaa nya kïðabe la m'ndï m'kø Bïraþe kad nyàgo kø ad þer loi. Lon ngeem and kam kujt lo yo Rimon kïta køsï døn ber na ndïna ron jimt ye, mî tø m'øsï døm ber kam kujt lo yo Rimon. Kï Bïraþe nyàgo ko ad þer loi lon m'øsïn døm ber kam kujt lo yo Rimon. 19Elije ela an: Aw kï lapia.
Banj so dø Gehajit
Lon Naama nya Elije, aw ad ðoba wo sî woi ye, 20Gehaji, þer lo Elije de lo Luwah, el kamïnt an: Oo, ngeem nya Naama de kï Siri kari, taa nya mad ku nyagt'n ðen jiat al. Tit'n Bïraþe ndïn kï døn dõ ye, m'a m'tuþa goa kad m'taa nya mad jiat. 21Gehaji tuþa go Naama. Naama oo de mad ndï ãi ngød gont ad þai kam pusït lon, ud ber, aw kï n'la taa, el an: Lapia a? 22Tur an: Lapia kari, ngeem lam an: Oo, basag joo ðen tajigla ko døning mbalt lo Epraim, în ngan ngekelta kïta Luwaht. M'køi, adïm kilo nar arjã mïta kï kub joo kïtad. 23Naama el an: Maj kad i kilo arjã døkïbojidet. Køa kï rotîn na ü nar kilo døkïbojidet kam sakt joo, ada kub joo ho na ad þerg lon joo ton nõ Gehajit. 24Lon ten dø doorlot Gehaji ta jidt, nda kam kujt kamla nya deg ad awïn.
25Gog got aw duba nõ ngeent. Elije ndïjea an: I þai ko ðah a? Tur an: Þer loi aw lo mad al. 26Na Elije ela an: Ndilm goto al lon de'n non þai kam pusït lon, ud ber, aw kï n'la tai. Kaglo asï kad i ta nar arjã, kï kub kï ndøø kag olibie kï ndøø nduu, kï batg kï mangg, kï þerg kïdïngã kï kïdë a? 27Banj kï ro Naamat a nãi kï døit kï ngankai mbãkïnõt. Titbe Gehaji tee ro Elijet kïtïga, na banj tee nda ngung roat tit nej be.
Currently Selected:
2 Ngar 5: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.