2 Hoi 9
9
Ngar kïdë kï Seba
1Ngar kïdë kï Seba oo hoi toko lo Salomõ ye na ðe Jerusalem kadki n'nã Salomõ n'o kï tandïje madg kïngang. Aw kï deg ngãibe gont kï lukumg ton non, kag kï kootmbî kï nar ør ngãi kï med køsïg kï gatd i ngãi. Lon tee ro Salomõt ye ela ta nyag tube kï ngar kamïnt. 2Salomõ turtag loa tube'n ndïje nõ, nya mad kïyaro ro Salomõt'n asï kora girra al goto. 3Lon ngar kïdë kï Seba oo terr lo Salomõ kï kuj'n ða, 4kï nyasa kïdø tablet loa kï londï þerg loa kï ngekoogo kïllag loa kï kubg lod kï ngekada nyakãi kï kubg lod kï ðiglo in ndï alïn ne kam kujt lo Bïraþe ye, roa oi siw. 5Ngar kïdë kï Seba el ngar an: Nya'n m'oo hoia kam døningt lom, ta dø kïllat loi kï terr loi, i rota. 6Lon m'ðe m'oo kï kumm al þaitø ye m'adkam tag lod al, na rota, ke nusï ta dø teert loi kïngãi ka, elmïn al. I toi ta toko tube kï m'oo dø. 7Ngéronelg la în deg loi, ngeðøønelg la în ngékïlaþerg loi îgïn ðan nõit kïndøgndøg, ndï oon dø terr loi. 8Køsïgon kïdø Bïraþe Luwaht loi in øji kamkë lon na ndai dø pongt lon kad i õþe kïta Bïraþe Luwah loi kïta Luwah loi tar Israel na ndig kad ðà bijir kïndøgndøg, Kïtø 'nten la ndain ngar døt kad i gangta kïgoðobat, 9Ad ngar talent nar ør þu kïdøjoo kï nõkag kïkootmbî ngãi ngãibe kï medkøsïg kï gatd i ngãi. De oo nõkag kïkootmbî tit'n ngar kïdë kï Seba ðen ad ngar Salomõ nõ gog al ta. 10Ngékïlaþerg lo Hiram kï ngékïlaþerg lo Salomõ îgïn oin nar ør kï døning Opir ðen kï kag sandal kï medkøsïg kï gatd i ngãi tø. 11Ngar oi kag sandal ðan ðigg kïta kuj lo Bïraþe kï kuj lo ngar kï kïndehg kï kundg kïta ngekøsïpag, De oo kag kï titbe kete døning Judat al. 12Ngar Salomõ ad Ngar kïdë kï Seba nyag tube în kama ge kï nyag tube'n ndïje, ada tøi nyag loa în ðen ad ngar, Kamla tel kï døningt lon, î kï ngékïlaþerg lon.
Nyamajg lo Salomõ
13Koi talent nar ør in ðen ne ro Salomõ kï þal kïðen i talent nar ør þu kïbojidet kïdokïbojidet gidaikïbojidet 14kïkanj tïda nya'n ngah kokïro ngeðagatgt kï ngekawgatg kï ngarg kï døning Arabie kï ngekõþeg kï døningt'n ðen kï nar ør kï nar arjã adïn Salomõ. 15Ngar Salomõ ða der nar org kï nda mbujmbuj þujoo, der kïðen ðaa kï nar ør kï nda mbujmbuj þukïbojidet, 16Ðà derg kïrãng kï nar ør kï nda mbujmbuj þumïta, der kïðen ðaa kï nar ør þumïta na ngar ndad kam kujt kï kag Libã. 17Ngar ða pong mad kïbobe kï ngang ked na ut døa kï nar ør, 18Pong'n non ðiga i kïbojidet na ða lo nda nja kï nar ør tîya'na kï pong, Ðà lo kü ji kadat ko jo, þakumta tubog kadat ko jo tø. 19Ðà þakumta tubog kïlah gidaijoo, ðan dø ðigt kïðen kïbojidet ko kadt mad, kïbojidet ko madt. Ke kam kõþet kï ðah pong kï tit sia be goto, 20Nya kãi nyag tube lo ngar Salomõ în nar ør na jøg tube kïkam kujt kï kag Libã în nar ør kïjanjoi. Kïmad kï nar arjã goto kïto kaglo lo Salomõ oon nar arjã nya kïkarit. 21Kïtø ngar aw kï tøg kïbobo kï Tarsis îgïn awïn nat kï ngékïlaþerg lo Hiram. Nja kïða þal kïkõmïta kïðen tøg kïbobo kï Tarsis ðen kï nar ør kï nar arjã kï ngang ked kï betg kï yel paong, 22Ngar Salomõ tøi ndeg ngarg tube kïdøningt kï nyangahg kï terr. 23Ngarg tube kïdøningt sahn kï n'on Salomõ kad n'oon dø terr loa in Luwah nda kamat. 24De kï ðei kudt ðe kï kadkari lon: Nyag kï ðan kï nar arjã kï nar ør, kubg kï nyakatg kï nõkag kïkootmbî kï sïndag kï korro rapaig. Ðan titbe kï þal kïðen. 25Salomõ aw kï kujkul sîndag þusøø kïta sïnda pusïg lon kï ngékalsïndag dub kïlah gidaijoo îgïn ndad kam þebogt kï pusïg lon. Kïmadg în nat kï ngar Jerusalem tø. 26Salomõ õþe dø ngargt tube, la girra kad bahbo Eprat't mbã døning lo Pilistiag kï ðobnin døning Ejipt, 27Ngar la ad nar arjã i ngãibe kam þebot Jerusalem tit køsïmbalg na kag sedïr i ngãi tit kag þølg kï hoollot. 28Ko kï Ejipt't kï døningg tube la deg ðen kï sïndag tit adïn Salomõ.
Koi Salomõ
29Ndeg kïlag lo Salomõ, kïdasa kï kïdøboia ndangïn taa kam maktubt lo Natan ngekelta kïta Luwaht kï maktub ta kï tee ta Luwaht lo Ahija kï maktub lo Jedo ngekonyakamndilt'n oo dø Jeroboamt ngon Nebat. 30Salomõ õþe Jerusalem þal døsøø dø Israelt kïtaagbe, 31kamla Salomõ to nat kï bøwïng ad duwïna kam þebot lo bøwa Dabid na ngona Roboam õþe gootat.
BIBLE MBAÏ © 1980 Alliance Biblique du Tchad.