2 Hoi 35
35
Josias kï deg ngomïn go ða nah Pakï
1Josias ngomgo ða nah Pakï ad Bïraþe Jerusalemt na tølïn ngon bat Pakï ndø kï kõkïlah gidaisøø lo nah kïdasa. 2Osias nda ngejanyamosï lo kïlat lod, eld kad høn rod ba, ðan kïlaþer kam kujt lo Bïraþe, 3Lebiag, ngendoo Israelag îgïn ndand køtkokïða kïta Bïraþe an: I ndan sund kunkø kïjaþat kam kujt'n Salomõ ngon Dabid, ngar kï Israel ða. A i ton sund kunkø dø bøgsït gog al ta. Tajigla i ðan kïlaþer adïn Bïraþe Luwah losï kï deg loa Israel. 4I ðan rosï woi kïgo girrnoojt lo bøwsïg kï þut kïlag losï tit'n Dabid ngar kï Israel ndang'n, kï ngona Salomõ. 5I ðan kam lot kïjaþat kïgo girrnoojt lo bøw ngankõsïg, kïgo girrnoojt lo bøw Lebiag. 6I jan ko ngon bat Pakï, i jan rosï bat, i ðan go ða nah Pakï kï ngankõsïg, i ðan kïgo tat lo Bïraþe in el kïtakul Moij. 7Josias ad deg tube'n ðan lot'n non batg kï binyag asïn 30000, tube kï ðan ða nah Pakï. Ad'd mangg asïn 3000 to îgïn øind kam nyamajgt lo ngar. 8Mbaiþeg loa adïn deg kadkari kamndig, adïn ngéjanyamosï kï Lebiag tø. Bïradøg kïdø kujt lo Luwah Hilkija, Jakari kï Jehiel adïn ngejanyamosï batg asïn 2600 kï mangg asïn 300 kï ðan ða nah Pakï. 9Konania, Semaja kï Netanel ngankõag, kï Hasabia, Jelel kï Jojabad, kïbog lo Lebiag adïn Lebiag batg asïn 5000 kï mangg asïn 500 kï ðan ða nah Pakï. 10Lon ðan go nyag tube kï kïlaþer woi ye, ngejanyamosï ðan lot lod a Lebiag ðan kïgo þutdit kïgo tat lo ngar. 11Tølïn ngon bat ða nah Pakï, ngejanyamosï tudïn mosï'n taan ji Lebiagt na Lebiag tørrïn ngïra dã kadkari'non. 12Ndan kadkari kïlahorrt tadang kï kad adïn deg kïgo girrnoojt lo bøwdg kad lan adïn Bïraþe tit'n ndang'n kam maktubt lo Moij. Ðan titbe kï mangg tø. 13Tïngan ngon bat Pakï horro kïgo mberkïndat na ndirrïn nyag kïjaþat kam baigt kï kam jogt kï gajog, awïn ne kïdønt luþon deg tube. 14Got gog Lebiag ðan go ða nah Pakï lod kï kïlo ngejanyamosï kï ngejanyamosï, ngan Aarõ, lan kadkari kïlahorrt kï mboola mbã ko ndø. 'Nten Lebiag kïdød ðan nah Pakï lod kï kïlo ngejanyamosï, ngan Aarõ, ho. 15Ngekøsïpag, ngan Asap, ndin lot lod kïgo tat lo Dabid, ad i Asap kï Heman kï Je dutun. Ngekonyakamndilt in ndï ro ngart. Ngengom tabitg ðan kï tabit kïðen, nyan ta kïlaþer lod al kï ngankõd Lebiag ðan go ða nah Pakï kï di. 16Titbe ðan go kïlaþer lo Bïraþe ndøt'n non kï ngomgo ða nah Pakï kï la kadkari kïlahorrt dø di ngirt lo Bïraþe kïgo tat lo ngar Josïas. 17Ndøt'n non Israelag kï ndin nõ ngomïn go ða nah Pakï kï ða nah bïnã kïkanj berrkasï ndø tanãimïta. 18Ðan ða nah Pakï kï tit 'nten kam Israelt nja kïða al bat mba gira kaglo lo Samuel ngekelta kïta Luwaht. Ngar mad ku ngargt kï Israel ða ða nah Pakï tit Josias ðan goto, kï ngejanyamosï kï Lebiag kï Judag kï Israelag tube kï în lot'n non kï ngéndï Jerusalem. 19Ngom go ða nah Pakï kam þalt kï kõkïlah gidaijijoo lo kõþe lo Josias.
Koi Josias
20Go nyagt 'nten tube, lon Josias ða kïla kuj lo Bïraþe woi ye, Neko ngar kï Ejipt aw kï ro þebo Karkemis kad bah Eprat't. Josias tee aw kad ðøø sia. 21Neko la ngo mbangkïlag kad elïna anan: Ta ði to mbïnajit sei, in ngar kï Juda a? Þone m'ðe kï ro sei al na m'ndï m'aw ðøø kï kõþe mad in ta i kujt sia na Luwah elïm kï m'ða kïdønt. I ða gasï, ot ro kï Luwah în i nat sem na þeta a nuji. 22Na Josias nyàa al. Tel ron ngankodang kad n'ðøø sia kanj koo dø ta lo Neko in elta kïta Luwaht. Aw kï ro kam hoollot kï Megido. 23Ngekurrkïrãg urïn ngar Josias kï kïðan na ngar el þerg lon an: I teen sem ko kï m'ngah dòo ngãibe. 24Þerg loa unïn na kam pusït loa ko, ndana kam pusït loa kïkõjoo, awïn sia Jerusalem. Nu la woi ad duwïna kam døþad bøwagt. Judag tube kï deg kï Jerusalem nõn Josias. 25Jeremi ndang pa nõ høndo dø Josiast na ngekøsïpa kïdïngã kï kïdë tube øsïn pa dø Josiast kam toi pa nõt lod mbã þone na ngomïn nyabelþe 'nten kam Israelt. Pag 'nten în kïndang kam maktub non ho ndot. 26Ndeg kïlag lo Josias kï kïla kamkëg loa tit'n ndangïn ne kam mberkïndat lo Bïraþe, 27kïlag loa kïdasa kï kïdøboit, ndangïn taa kam maktubt lo ngarg kï Israel kï Juda.
BIBLE MBAÏ © 1980 Alliance Biblique du Tchad.