2 Hoi 30
30
Ndan mber ngom ða nah Pakï
1Ejekias la ngombangkïlag kï ro Israelagt kï Judag tube. Ndang maktubg lan kïro Eprai magt kï Manaseag kad ðen kuju lo Bïraþe Jerusalem kï ngomïn go ða nah Pakï, øsïn ne gon Bïraþe Luwah lo Israel. 2Ngar kï mbaiþeg lon kï nge kawna tube ojin'na ta Jerusalemt kï tokad ngomïn go ða nah Pakï kam naht kïkõjoo 3kï asïn ngomïn go kaglot loa al kïta kor ngejanya mosï mgin arm rodl woi asï al na deg kawïn'na Jerusalem al þaitø. 4Kojta'n non maj takum ngart kï deg tube. 5Ojin'na ta kï n'lan mbera kam døning Israelt kïtaagbe ko Beer Seba mbã Dan kï kad ðen Jerusalem ngomïn go ða nah Pakï, øsïn ne gon Bïraþe Luwah lo Israel, kï deg în ngomïn go ða nah Pakï kïgo tat in ndangïn mn ngãi al. 6Ngombangkïlag awïn kï maktubg lo ngar kï mbalþeg loa kam døning Israel kï Juda kïtaagbe kïgo tat lo ngar in el an: În Israelag, i telïn kï ro Bïraþet, Luwah lo Abraham kï Isaak kï Israel kad tel kïrosït kï ndeg deg îgïn ten ji ngargt kï Asiri. 7Ot ðan nya tit'n bøwsïg kï ngankõsïg ðan majal ndoorïn ne Bïraþe Luwah lo bøwdg ad lad ta nujt tit'n i ndï oon ne. 8Ot ðan dø ngang tit'n bøwsïg ðan ne. I lan rosï ji Bïraþet, i ðen kam lot loa kïjaþat in ndah køtkokïða mbãkïnõt, i ðan kïlaber adïn Bïraþe Luwah losï kad un wong lon kï lsøkïr dosït kø. 9Îla i telïn kïro Bïraþet a ne, ngankõsïg kï ngansïg a ngahn kookumtondo ro degt în hønd þert na a telïn kï døninggt'n ðan kï Bïraþe Luwah lod i ngekamkë kï ngekokumtondo. A un kumïn ko dosït al îla i telïn kïroat. 10Ngombangkïlag lan go lo kï dø þe, dø þe kam døning Epraim kï Manase kï Jabulõ, na deg gond ta go 11na deg madg lo Aser kï Manase kï Jabulõ sølïn død, awïn Jerusalem. 12Ji Bïraþe i dø degt kï Juda ad kamd i kïða kad ngomïn go mberkïnda lo ngar kï mbaiþeg kïgo tat lo Bïraþe.
Ngonmin go ða nah Pakï
13Koosï deg kïngãi kawïn'na Jerusalem kï ða ða nah bïnã kïkanj berkasï kam naht kïkõjoo. I kawna kï bobe. 14Deg bain don, tørrïn dïngïrg tube'n lan kadkarig døt kam Jerusalem kï tube îgïn lan horr nyag kï kootmbî døt na ün ko kam man Sedrõt. 15Kamla jan ko dan ða nah Pakï dø ndøt kïkïlah gidaisøø kam naht kïkõjoo. Ngejanyamosï kï Le biag sølïn død ad arin rod na lan kadkarig kïlahorrt kam kujt lo Bïraþe. 16Ðen, ðan lokïlat lod kïgo mberkïndat lo Moij, de lo Luwah, na ngejanyamosï tudïn mosï in taan ji Lebiagt. 17Deg ngãibe kam ngékawnat în kïkar al þaitø, kï 'nten Lebiag jan kï Bïraþe. 18Deg ngãibe ku Epraimagt kï Manaseag kï Isakariag kï Jabuloniag în kïkar al, na san ða nah Pakï kanj ða kïgo tat kï ndangïn Ejekias kø kïtad an: Kï Bïraþe kï ngekamkë nyàgo majal. 19Lo deg tube'n ndahn kamd dø sah go Luwah, Bïraþe Luwah lo bøwdg, ke neni arïn rod, kïgo kar ro kïjaþat al. 20Bïraþe oo dø ko lo Ejekias, na nyàgo majal lo deg. 21Israelag în ndïn Jerusalem ngomïn go ða nah bïnã kï kanj berrkasï asï ndø tanãimïta kï ronel kï bobe. Ndø kïðen Lebiag kï ngejanya mosï ndubïn Bïraþe kï nyakug mujik na øsïn pa kï tøgd. 22Ejekias el ta kïmajmaj kï Lebiag tube, ngegergo kïlaþer lo Bïraþe. San nyasa ða nah asï ndø tanãimïta, lan kadkarig kikad kamsøl lom na ndubïn Bïraþe Luwah lo bøwdg. 23Ngekawna tube ojin'na ta kad ngomïn go ða nah asï ndø tanãimïta kïðang þaitø. Titbe tø ðan ne ða nah ndø tanãimïta 'nten kï ronel. 24Kï Ejekias ngar kï Juda ad ngékawna kadkari bøw mangg dub kï batg dubtanãimïta, mbaiþeg adïn ngékawna kadkari bøw mangg dubkïða kï batg dubkïlah na ngejanyamosï ngãibe arin rod. 25Koosï ngékawna kï Juda tube kï ngejanyamosï kï Lebiag kï deg tube'n ðen ko Israelt, kï mbahg îgïn bain døning Israelt kï îgïn ndïn døning Judat ðan ronel. 26Ðan ronel ngãibe Jerusalemt. Mba girr kaglot lo Salomõ ngon Dabid, ngar kï Israel, ronel kïtitbe goto kam Jerusalemt. 27Ngejanyamosï kï Lebiag bain don, njangin dø deg. Bïraþe oo dø ndid na takeld aw mbã londït loa kïjaþat kïdørãt.
BIBLE MBAÏ © 1980 Alliance Biblique du Tchad.