1 Sam 9
9
Køtïn Sawl, ndahna ngart
1Benjamia mad i nõ, tøa i Kis, ngon Abiel, ngon Seror, ngon Bekorat, ngon Apiak, ko girr Benjamint. I gõðøø kïngang. 2Aw kï ngonïn kïdïngã mad, tøa i Sawl, i basa kïmaj ront. De mad ku Israelagt kï tøia kïmaj ron goto. Dø bøgat mbã danjat ngala tøi deg tube.
3Taa ne, korrog lo Kis, bøw Sawl, ndõmïn na Kis el ngonïn Sawl an: Un ngekïlaþer kïða nat sei, i þai aw, i sah go korrog. 4Ndan døning mbalbo kï Epraim gangïn, gangïn døning Saalim, na ngahnd al. Kamla tøin døning Saalim, na int al. Ndan døning Benjamia gangïn, ngahnd al tø. 5Lon ten døning Supt ye, Sawl el ngekïlaþer lon kï aw nat sia an: I ðe, ad kï tel gog, na þeta bøwm nya ta gah dø korrogt, na sool kïtatøj. 6Ngekïlaþer el an: Oo, kam þebot'n ðan de lo Luwah ndït nõ. I de'n deg øsïn gona, na nyag tube'n eltaa a ne, a ða nya kïrotagt. Ad j'aw nu tajigla, maja a øj'j ðob kï sumba kad j'un. 7Kamla Sawl el ngekïlaþer lon an: Îla j'aw nu a ne, ði j'a kï j'awïn ro det'n non a? Kïtø nyasa mad goto kam þølt loj, jî kï kadkari mad kïta kawïn kad de lo Luwah'n non al tø. Ka j'aw kï ði j'ada a? 8Ngekïlaþer tel tur Sawl an: Oo, mî kï gaj sïkel nar kïða ku kïsøøt jimt, na m'a m'ad de lo Luwah kïtakad øj'j ðob loj. 9Maði nu kam Israelt, lon de mad a aw ndïje ta Luwah a ne, el titbe: I ðe, ad j'aw ro ngekoonyakam ndilt. Kïtø de'n deg a kunïna ngekelta kï ta Luwaht þone ye, maði a kunïna ngekoonyakamndilt.
10Sawl el ngekïlaþer lon an: Takøj loi maj. I ðe ad j'aw. Awïn þebot'n de lo Luwah ndït. 11Lon ndï awïn kïdõ kï þebot'n non þaitø ye, ndødïn ngan kïmandg 'nten kïta kødman, ndïjend anan: Ngekoonya kamndilt i nõ? 12Turïnd anan: Ã, i nõ, Oo, i nõit nõ, na aw kanangbe. Kïtø ðe þone kam þebot kïta deg a lan kadkari kïjakø þone dø doorlot. 13Lon a i andïn kam þebot a ne, tentenbe a i ngahna kete nõ kawat dø doorlot kïta sanya. Deg a san nya al mbã kad Samuel ðe, kïta a njang dø kadkari kïjakø'n non kamla deg'n kund ye a san. Kïtø 'nten awïn kanangbe. A i ngahna tajigla.
Sawl ndødïna kï Samuel
14Awïn þebot. Lon ða kï n'andïn kam þebot ye, oon Samuel ndï tee, ndød'd dø ðob kaw dø doorlot.
15Bïraþe elta Samuel ndø kïða kete nõ ðe Sawlt an: 16Loti døkadt'n ðan m'a m'la de mad kï døning Benjamin kïroit, na a i wura kï yib kïtakad i ngekørr ta ðob deg lom Israel. A aj deg lom ji Pilistiagt. M'oo daiyog lo deg lom kïta ko lod tee romt. 17Lon Samuel oo Sawl ye, Bïraþe el Samuel an: Oo de kan hã m'eli ta loa îla a õþe dø degt lom ye.
18Kamla Sawl ndøt kï ro Samuelt ta tabit kand kam þet ela an: M'køi kï i elïm, kuj lo ngekoonyakamndilt i ðah a? 19Samuel tur Sawl an: Ngekoonyakamndilt i mî. Aw kete nomt dø doorlot. A i san nya nat sem þone. Loti kïsî m'a m'nyài m'ad aw, na m'a m'eli nyag tube kïkamit. 20Na ta lo korrog kï nãin ndø mïta ye, ot sool dødt kïta ngahnd woi. Nyamajg tube kï Israel ye, in lo nõ a? I loi kï ngékïþe lo bøwi tube ale? 21Sawl tur an: Mî girr Benjamin kïdu tøi girr Israelag tube ale? Ngékïþe lom in kïdu ku ngékïþet lo Benjamin tube tø ale? Kïtøði elïm ta kï titbe a?
22Samuel aw kï Sawl kï ngekïlaþer loa kam kujt, na ad'd londï kïdasa ku degt'n kund, asïn deg dømïta. 23Samuel el ngendïrr nya an: Un gaj nya m'adi na m'eli ta døt m'an: I ndaa køtko kïða. 24Kamla ngendïrr nya un bing dã kï tala i tit, nda nõ Sawlt, na Samuel el an: Oo nya'n m'ngoma køtko kïða, i kï nda nõit. I sah, m'ngoma kïtai mbã døkàd'n ðan kad i sa nat kï deg'n m'kund, Sawl sanya nat kï Samuel ndøat'n non. 25Lon ðisïn dø doorlot kïkam þebot ye, Samuel kï Sawl elïn'na ta dõ dø kujt.
26Þain kïsî ritit lon bijalo þai wo. Samuel kun Sawl dõ dø kujt an: I ðe ad j'aw. Sawl þai na teen kïtïga tujoo, î kï Samuel. 27Lon ðisïn mbã kï døboi þebot ye, Samuel el Sawl an: El ngekïlaþer kad tøi nõjt kete, na lon ngekïlaþer a tøi kete a ne, i duba ngon sî kïtakad m'ad i oo dø ta lo Luwah.
BIBLE MBAÏ © 1980 Alliance Biblique du Tchad.