1 Sam 7
7
1Deg kï þebo Kirjat Jearim ðe unïn sund lo Bïraþe awïn ne kam kujt lo Abinadab kï i dø doort, na ndan ngona Eleajar køtko kïða kïta koo go sund lo Bïraþe.
Samuel gangta ku Israelagt
2Ndan sund Kirjat Jearimt, ndøg ngãibe tøin, asï þal døjoo. Kamla ngékïþe lo Israel tube kon kïdø Bïraþet. 3Kamla Samuel el ngékïþe lo Israel tube an: Îla i telïn kï ro Bïraþet kï kamsï kïkïða a ne, ørrïn luwahg kïmbah kø dansït kï yo Astarte. I ndan kamsï dø Bïraþet, i ðan kïlaþer loa kïðabe, na a ajsï ji Pilistiagt. 4Kamla Israelag ørrïn yo Baalg kï yo Astarteg kø dandt, na ðan kïlaþer lo Bïraþe kïðabe. 5Samuel el an: I kawïn Israelag tube kïnat kam þebot kï Mispa, na m'a m'kø Bïraþe kïtatøsï. 6Israelag kawïn na kïnat Mispa, ødïn man, ün kïnõ Bïraþet, na øgïn rod nyasa ndøt'n non, elïn anan: Jî kï ða majal kï ndoorïn Bïraþe, na Samuel gangta ku Israelagt Mispa.
7Lon Pilistiag oon hoi Israelag kawïn na kïnat Mispa ye, ngarg lo Pilistiag awïn kad'n ðøøn kï Israelag. Go hoita'n non Israelag þool'n Pilistiag,
8na elïn Samuel anan: Ot nya ta ko kïdø Bïraþe Luwaht loj kïtatøji kad aj'j ji Pilistiagt.
9Samuel un kõ bat kï ða il mba þaitø, laa kadkari kïlahorrt kïtaagbe ad Bïraþe. Kamla Samuel ko kïdø Bïraþet kïta Israelag, na Bïraþe oo dø ko loa. 10Lon Samuel ða la kadkari kïlahorrt þaitø ye, Pilistiag ndøtïn kïta ðøø kï Israelag, na Bïraþe ndáng nya kï ndáng ndii kïbobe kïdø Pilistiagt ndøt'n non ad ãin na, Israelag tetïnd ðøø. 11Israelag teen Mispat, tuþan go Pilistiag, ndand mbã teen sed þe Bet Kar. 12Samuel un mbal mad nda mbïna Mispat kï Sen, na ndah tøa Eben Ejer an: Mbã lot 'nten Bïraþe ða sej.
13Titbe la taan tøg Pilistiag ad ðe tøin ðobnin døning Israelt gog al. Ji Bïraþe ndoor Pilistiag ndø'n Samuel ndïn kï døn dõ tube. 14Þebog'n Pilistiag taan ji Israelagt ye, telïn ji Israelagt gog, þebo Ekrõ mbã kï þebo Gat. Israelag teltaan døning lod ji Pilistiagt gog, na Israelag kï Amoriag ndïn kï na kï lapia tø.
15Samuel gangta ku Israelagt kaglo ndia kï dø dõ tube. 16A lago log þal kï þal, ad i log kï Betel kï Gigal kï Mispa, a gangta ku Israelagt kam logt'n non tube. 17Kamla a tel ðe gog Rama lot kï kuj loa i tit. Nu la a gangta ku Israelagt, na ða dïngïrt kïta kadkari kïjakø ad Bïraþe.
BIBLE MBAÏ © 1980 Alliance Biblique du Tchad.