1 Sam 26
26
Sawl so ji Dabidt kam dïlalot kï Jip na Dabid tøla al
1Deg kï Jip awïn ro Sawlt Gibea, elïna anan: Dabid yaron doorlot kï tøa i Hakila'n sumba nõ dïlalo sew. I ger nya 'nten ale? 2Taa ne, Sawl þai aw kam dïlalot kï Jip kï deg dub mïta, kïmbedg lo Israel, kad sahn go Dabid kam dïlalot kï Jip. 3Sawl hølondï dø doorlot kï tøa i Hakila kad ðobt kï sumba nõ dïlalo sew. Dabid ndï kam dïlalot, na lon oo kad Sawl ndï sah goa kam dïlalot ye, 4Dabid la ngéndalog kad n'ger ta ðe Sawl køikøi. 5Dabid þai aw lot'n Sawl hølondït, na Dabid oo lon Sawl tot nat kï Abner ngon Ner, bïradø ngéðøøg loa; Sawl to ngawden lo hølondït na deg loa to gugï døa.
6Dabid elta Ahimelek kï i Hetia kï Abisai ngon Seruja, kï ngonkõ Joab an: Nõ ndig ðisï nat sem kad j'aw ro Sawlt kam lo hølondït'n non a? Abisai el an: Mî m'a m'aw nat sei.
7Taa ne, Dabid kï Abisai awïn ndø ro degt'n non. Sawl to þi ngawden lo hølondït, usï ninga lon dønt, na Abner kï degt to gugïn døa. 8Abisai el Dabid an: Luwah la madngetai jiit þone. Kïtø 'nten tajigla m'køi kï ad m'øsa kï ninga mbã ga ber ningt kï køsï kï njakïðabe koon, na m'a m'tel m'øsa gog nja joo al. 9Dabid el Abisai an: Ot tøla. Nõ asï la jin ndoorïn kï wur lo Bïraþe kïkanj kad ta i dø det'n non al a? 10Dabid nda yo an: Tit'n Bïraþe în kï døn dõ ye, Bïraþe kïðabe la asï ndaa, ke ndøa asï a ne, a oi, ke a aw ta ðøøt a ne a nujt tit. 11Kï Bïraþe øgïm la jim ndoorïn kï wur lo Bïraþe. Un ninga kï ða ko døat nõ, kï gal kut man, na ad j'aw.
12Titbe la Dabid unïn ninga kï gal kut man kï ða dø Sawlt, na în tujoo tøi awïn. De mad oo al ho, de mad ger al ho, de mad ndool dø þit al ho, în tube to þin kïta Bïraþe ad þi tøld søkïr. 13Dabid tøi aw gidt mbalt ko nu, na duba ða dø tasom mbalbot ko sãi. Mbinad wo ngãi. 14Na Dabid ko kïdø degt kï Abner ngon Ner an: Abner, a i turta mad ale? Kamla Abner tur an: De'n ða ko kïdø ngart ye i nõ a? 15Dabid el Abner an: In dekïdïngã ale? Nõ asï seikam Israelt a? Kïtøði i ngomïn ngar kï ngeei al a? Kïtø de mad kïða ku degt aw kïta tøl ngar kï ngei kø. 16Nya'n i ðà nõ majal. Tit'n Bïraþe în kï døn dõ ye, asïn koi, kïta i ngomïn ngeesï kï wur lo Bïraþe al. Tajigla oo, ninga lo ngar kï gal kut man ye, în ðah a?
17Sawl ger ndï Dabid, el an: Ngonïm Dabid 'nten i ndii? Dabid el an: Ã, i ndim ngar kï ngeem. 18El tø an: Kïtøði ngeem a tuþan go ngekïlaþer lon a? M'ða ði a? Majal kï ði oo romt a? 19Tajigla, m'køi kï ngar kï ngeem oo dø tag lo ngekïlaþer lon. Îla i Bïraþe la ndï øsi kad i ndoorïm a ne, kï Bïraþe taa kadkari mad jimt; na îla i deg a ne, kï ndøl i dødt kïnõ Bïraþet, kïta tuþamïn kø þone kad m'nyàgo nyakagþe lo Bïraþe, anan: Aw i ða kïlaþer ad luwahg kïmbah. 20Na mî taa ne, m'ndig kad m'oi sãi takum Bïraþet al, na î ngar kï Israelt kïtøði i tee aw sah go ngisa kïnja a? I tuþa gom tit'n de a tuþa go kerre dø mbalbogt be.
21Sawl el an: M'ða majal, i tel ngonïm Dabid, kïta m'a m'ða majal gog al, tit kan hã rom i nya kï gata i ngãi takumit þone. M'ða nya kï lo þoodt, m'ða nya kïgootal kïbobe. 22Dabid tur an: Oo ninga lo ngar. Ad kïkïða ku basagt ðe nëbe taa. 23Bïraþe a ba dekïðen kïgo nyaðaat kïdenesew kï kïgo nyaðaat kïro. Þone Bïraþe lai jimt, na m'ndig nda jim dø kï wurt lo Bïraþe al. 24Oo, tit'n roi i nya kï gata i ngãi takummt ye, titbe tø la rom în nya kï gata i ngãi takum Bïraþet ye ho, kïtakad ug ørrïm dan kamkølt tube. 25Sawl el Dabid an: M'njang døi, ngonïm. Rota a i ða nyag kïbobo, na maj a uri tø. Titbe la Dabid so ðobo aw, na Sawl tel kï lot lon.
BIBLE MBAÏ © 1980 Alliance Biblique du Tchad.