1 Pie 3
3
Ta kï køj kïta dekïdëg kï ngawg
(Oo 1 Tim 2:9 teen 15; Ep 5:22 teen 33)
1I titbe tø la, în dekïdëg ngéngawg, i lan døsï girr tøgt lo ngawsïg, kïtakad, îla kïmadg kudt ndï telïn rod go tat lo Luwah al a ne, a i ngahnd kïtakul pandiasï kïmaj kïkanj kad i elïn ta. 2Kïtø a oon pandiasï kïjaþat, kï asï ta køsïgon tø. 3Ot kad i sahn ða mand kï nya pare dãro kï tïga ad i bisïdøsï kï hø numnum, kï nyakusïg kï ða kï l'ør, kï kubg kïmaj maj kï la rosït. 4Na maj kad majkoosï i majkoo de kï keme, kad i mand kï tokïnõt, ad i hal kï sayelïl, kï søllom. Îla i nya kï gata i ngãi takum Luwaht. 5I titbe la dekïdëg kï maði, ngéþool Luwah, îgïn ndan kamd dø Luwaht ða ne mand, sølïn ne død nõ ngawdgt. 6Sara i titbe, kïta tel ron go tat lo Abraham, na kuna ngeen. În ngan Sara tajigla, îla i høn nyaða kïmaj, na i nyan adïn nya mad ndasï þoolt al.
7În ngawg, kïgo gert'n i gerïn kad tøg nësïg asïna sesï al ye, øsïn gond tit kan î ne ngégana sesï dø kumkajirt lo Luwah kïðabe. I ðan titbe kïtakad nya mad lasï kag dø tat'n i ndï elïn kï Luwah al.
8Døboita la ten: Kï tagahsï i kïða, kï ta õ kamsï kïta na, kï i tarïn ngankõ, kï în ngékookumtondo lo na, kï deg kï søl. 9Ot bangirða majal kï majal gog. Na de'n tajsï how how ye, i njangïn døa. Kïtø Luwah kunsï kïta nya 'nten, ad i kïtakad i njangïn dø deg kï ngéða sesï majal. 10Ndangïn kam maktubt anan: Îla de mad ndig ndï kï dø dõ kïmaj, kam ronelt a ne, maj kad ngom tan dø keltat kïmajal, kï elta kïgo lo goolt al bat tø ho. 11Sumba kad nya ta ða majal, na kï ða maj, kad sah lapia kï høtøgbá. 12Kïtø kum Bïraþe i dø degt kïdenesew, mbia tø ða tag kïta koo køg lod ho.
13Îla i tîn rosï kat i ðan maj, kï ngarkamsï tube a ne, nõ a ndoorsï a? 14Na îla deg ndï dan kumsï ndo kïta i ndï i ðan nya kïmaj a ne, în ngéronel. Ot þoolin deg'n ndï dan kumsï ndo. 15Na kï i urïn kumsï kï dø Krist't kïðabe kad i Bïraþe losï. Kï în kï ro kï ða woi kïndøgndøg kad i turïn ne ta adïn dekïðen'n a ndïjesï ta dø nyandah kamdøt. 16Na kï i turïn ta kï kø kï søl, kï døsïr al. Adïn kamsï høsï kï ta dø nya madt al, kïtakad lon øin ta kï døsït a ne, kï rod søld. 17Kïtø i soot ngãi tøi kad i ngahn kõ kïtø maj kï ða tøi kad i dain yosï kïtø majal kï ða. 18Kïtø Krist oi kïtatøsï, ngah kõ kagdosït nja kïðabe do kïta børr majal lo deg. I de kïdenesew, oi kïta ngéðamajalg, kïtakad aw sej ro Luwaht. Deg tølïn dãroa, na Luwah ada kumkajir gog kïtakul Ndilïn. 19Kïtakul Ndil'n non la, aw lan mber ta lo Luwah ndilg'n ndïn kam dangãit ye. 20Ad i ndil deg'n maði tan ðøø Luwah, na Luwah ndïdøt, ndï ngood kaglot'n Noe ða ðan too kïbo. Deg tëbe koon la andïn kam toot'n non, ad i deg jijoo la ajïn ta man kõt ye. 21Man'n non i þakumta baptem, în ndï ajsï tajigla, ndï ar yïro kï ro det al, na i kunkø'n unïn adïn Luwah kad ngarkamsï høsï kï ta dø nyat mad al, kïtakul Jeju Krist kï þai lo koit. 22Jeju Krist aw dørãt dõ, ndï dø jikõ Luwaht, na tajigla ndï õþe dø malaikagt, kï dø ndil madgt'n ndïn kï tøg dõ dørãt.
BIBLE MBAÏ © 1980 Alliance Biblique du Tchad.