1 Jã 4
4
Ta lo Ndil rota kï ndil kï ngekü deg mut
(Oo Det 13:1 teen 3; 1 Jã 2:18 teen 27; 2 Jã 7,11)
1Ngétar, ot nelïn mbisï koon ne dø ta lo deg'n anan: Ndïn kï Ndil Luwah, na maj kad i nán ndilg oon ke în kï lo Luwah je a? M'ndï m'elsï ta 'nten kïta ngékelta kï ta Luwaht kï ngom ngãibe teen kï kam døningt. 2Oon titbãi a i gerïn ne de'n aw kï Ndil Luwah; dekïðen ndï elta kï tïga wakïsï an: Jeju Krist ðe kam dãro det a ne, de'n non aw kï Ndil Luwah. 3Dekïðen elta kï tïga wakïsï dan dø Jeju titbe al a ne, aw kï Ndil Luwah al, ndil'n awïn i ndil ngendoor Krist, în oon hoi ðea, tajigla kaa ne, i kam døningt ne woi. 4În taa, nganïm, în kï lo Luwah, i tetïn ðøø ngékeltag kï ta Luwaht kï ngom woi, kïta Ndil Luwah'n ndï kamsït, i kïbo tøi ndil ngendoor'n ndï kam degt kï duniat. 5Ngékeltag kï ngom'n non, în kï lo dunia, kïta 'nten la ndï elïn ne ta kïgo lo duniat ye, na deg kï duniat ndï nelïn mbid oon ne dø ta lod. 6Na jî ta, jî ngan Luwah. De'n ger Luwah a ne, maj kad nel mbin oon dø ta loj, na de'n i ngon Luwah al a ne, ndï nel mbin oon dø ta loj al. I kïgo ðobt 'nten la, kï ndï kï gerïn Ndil rota kï ndil ngekü deg müt ye.
Luwah i tar
7Ngétar, ad kï tarïn na, kïta tar ndï ðe ko ro Luwaht. De'n ndï tar deg a ne, i ngon Luwah ho ger Luwah tø. 8De'n tar loa goto a ne, ger Luwah al, kïta Luwah i tar. 9Kïgo ðobt 'nten la, Luwah øj'jïn tar lon kï tïga wakïsï ye, Luwah la kï Ngonïn kï kooj kïðabe ad ðe døningt kïtakad kï ngahn kumkajir kïtakula. 10Ðob tar laten: I jî hã kï tar Luwah dasa al, na Luwah la tarj kete ad la ngonïn kad i kadkari kïjamosï kïta nyàgo majalg loj. 11Ngétar, îla Luwah tarj titbe a ne, maj kad jî kaa ne, kï tarïn na ho. 12De mad kï oo Luwah kï kumïn nja kïða goto. Îla kï ndï kï tarna a ne, Luwah i kamjt, tar loa asïnatap kamjt tø.
13Kïgo ðobt 'nten la kï gerïn kad Luwah ndï kï kamjt, na jî kï ndï kï kamat ho ye. Kïtø adj Ndil'n kïkunjðang. 14Na jî j'ooa kï manaja. Bøwj la kï Ngonïn kam døningt kad aj deg. 15De'n ndï elta kï tïga wakïsï nõ degt an: Jeju i Ngon Luwah a ne, Luwah ndï kï kamat, î tø ndï kï kam Luwaht. 16Jî kï ger kad Luwah tarj, kï ndah kamj dø tart 'nten, Luwah i tar, de'n ndï kïkam tart a ne, ndï kï kam Luwaht, Luwah tø ndï kï kamat ho. 17Kïgo ðobt 'nten, kï ger kad tar kï þai ko ro Luwaht i kï kasïnatap kamjt, kïtakad kï ndïn kï kam kï misïmisï ndøt'n Luwah a gangïn ta dø degt; kïta ndïj kï døj dø døningt ne i tit kï lo Krist. 18Þool goto kam tart, na tar kï kasïnatap ndï tuþa þool kø. De'n ndï þool a ne, i kï kasïnatap kam tart al, kïta ndï þool ndakøj. 19Jî taa, ndï kï tar Luwah kï deg, kïta Luwah tarj dasa. Kïtø 'nten, 20îla de mad an: N'ndï n'tar Luwah, na ndï øsïta ngonkõ a ne, i ngetakïbal; kïta de'n oo ngonkõ kï kumïn, na tara al ye, titbãi a asï tar Luwah'n ooa kï kumïn al a? 21Mberkïnda'n Krist adj laten: De'n tar Luwah a ne, maj kad tar ngõnkon tø ho.
Currently Selected:
1 Jã 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.