1 Kor Takïdøt
Takïdøt
Pol ndah girr lo kawna kï Korent't kaglo kaw mbet loa kïkõjoo kïta lamber Hoita kïmaj. Korent i kïkïða ku þegt kïbo ngãi kï døning Gresït, kï nya ngah loa i ngãi kïtakul kumkaag loa kïjoo. Þerg kï ngéndog în ngãi kamt. Pandia koosïdeg kï tit majal ngãi.
Kaglot'n non Korentiag ndulon go tagahg kïdangdang kï sah go luwag kïdangdang. Deg madg ngãi ku ngékawnat kï Korent't in kam degt ngésah go luwag kïdangdang, kamla telïn ngétaata lo Krist ye.
Pol oo hoi þut ngékawna: 1 Kor 1: 11; 7: 1. Kam ngétaata lo Krist kï Korent't dad ta paa dø tagt kï ndïje dø jindïdt nat kï ðob sah luwah kï dang ho nat kï deg ho. Pol turtag'n non kam maktubt kïdasa'n ndang ad Korentiag.
Kam ðob nina 1 teen 4, Pol elta lo ngétaata lo Krist kï Korent't kï kïlo deg'n land mber hoita kïmaj. Gakïnag ton ad ngékawnag gangïn na. Dekïdë'n køt kun go ngendoon na ndoor kïmad: Ðob nina 1: 10 teen 13; 4: 6. Na Hoita kïmaj la ndaa i tit ye: Krist kï ngekïla lo Luwah la gana kagdosït ye. Hoita kïmaj'n non tøi terr lo de: Ðob nina 1: 18 teen ðob nina 2: 16. Ngéðakïlag lo Jeju Krist tube în þerkïlag lo Luwah'n ndï ðan kïla nat: Ðob nina 3.
Ðob nina 5 teen 11 teen 16, Pol turta dø nyaðagt kï ngang, na el titbãi ngétaata lo Krist în ne deg kï tanyadõ: Ðob nina 9. Kun tø ngetaata lo Krist na ndia kïgo ðobatal, i nya kï de a ndig kam þut ngékawnat al: Ðob nina 5 teen 6. Pol turta kï ndïje lo Korentiag dø taanat: Ðob nina 7, dø jikîdt kï nyabelþeg lo ngésah luwag kïdang: Ðob nina 8 teen ðob nina 10. Kam nyagt'n non tube, Pol mër ngétaata lo Krist kad sahn maj lo deg madg na kï øsïngond.
Ðob nina 11: 17 mbã teen døboi ðob ninat kï 14, Pol elta dø ndï kï dø dõt lo ngétaata lo Krist kam þut ngékawnat lo Krist. Elta dan dø nyag'n a ðen kï gangnag. Ørr girr nyag'n a ða ad ngékawna kï lo madt în kïða. Ngetaata lo Krist kïðen aw kï ndaan. Kïtø ngétaata lo Krist în tit dãro kïkïðabe. Ngõðøø kïðen ndaa tot kïta ndegro kïtaagbe. Tar ndï ørr nõ ndï kï dø dõ lo ngékawna: Ðob nina 13.
Ðob nina 15, ga kamj dø þait'n Luwah ad Jeju þai lo koit, na ndø mad ngékoig a þain lo koit ho. Î la ngétaata lo Krist adïn kamd titbe a ne, ndï kï dø dõ kï kadkam lod i nya kï kara tot.
Tit maktub madg lo Pol, maktub 'nten tøltan kï hoitag kï lapiag: Ðob nina 16.
Currently Selected:
1 Kor Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.