Matayo Í bǔkù ó ndèy chuw ndèy nì lò-kpà òluw nì drò-dró ní lò
Í bǔkù ó ndèy chuw ndèy nì lò-kpà òluw nì drò-dró ní lò
Matayo ní ka íy nì li ndîy í bǔkù cho 59 ndèymí 70 mà kàó Yesu ka gòw ddiy dzzdjú. Ka îy à ddí Lawi ní. Matayo tdè Yahuddi-ddùw. À mí njí tdè mùsórò njúwdha bbalè dèddù. À kâ ngu Yesu ngá dyòw-dja ní. Matayo ndîy í bǔkù Griki ló nà ì tsì Griki ló nì Yahuddi-ddúw dhò. Í bǔkù ó Matayo ndîy bíy ní ddiy Ddrǎ-ngá nabi-kpà ndîy nì lò-ɦéy ró ndruní nga nà nì. À dhò fú lò njanja ngû dìchú.
Matayo tdrà tdè Hwî mí Lò-ɦéy mà dhò Ddrà mí pey-mí-nga djò. À tdrà tdè lò mà dhò Yesu mí gôw djò ndèymí cha à dêy Israeli ó ddiy. À tdrà mà dhò Yesu mí dhi djú lò. À tdrà mà dhò ya ŋǎchú à ngû djiy ní dhi óddù ndèymí à rà dey Ddrà nà ddíyàchú ddiy. À tdrà mà dhò Yesu rà dey dziylíy djò mí lò-tey. Matayo dhò tdè cha Yesu gwîy bbalè mí ddiy. À dhò mà dhò bíy ní ddiy cha Yesu njèy tdè nì.
Yahuddi-ddúw tdè pbǒ Ddrà rà li rò cho ì dè. Ndrǔ îy í li Masiya ní. Mí lò-tey nì Ddrà vû à déy pey ní nì li. Kristo Griki ló nà mí lò-tey nì Masiya Ebraniya ló nà.
Í bǔkù ó ndèy chuw ndèy nì lò-kpà-ónga ka kpì ddiy
Ndèy njèy ndèy Yesu ka gòw ro nì ddiy (1:1–2:23)
Yohana Batízò bbúdha-dja ngá njí (3:1-12)
Yesu lòw bàtízò ndèymí ka mb à ónga ddiy (3:13–4:11)
Yesu ngá bbalè kàó njí Galilaya ó (4:12–18:35)
Yesu ngû Galilaya óddù Yerusalemu ò ddiy (19:1–20:34)
Ndèy njèy ndèy Yesu ró chow Yerusalemu ó luwtéy yěnga ó nì ddiy (21:1–27:66)
Yesu dhò ndèy djiy ní dhi óddù ndèy ngû ddiy-dzzdjú (28:1-20)
Currently Selected:
Matayo Í bǔkù ó ndèy chuw ndèy nì lò-kpà òluw nì drò-dró ní lò: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved