Matayo 19
19
Yesu gwîy ków ónga ndòdha ró lò
(Mak 10:1-12)
1Yesu sî tdè í lò-tdràdha ro, à bba Galilaya mí ngòw ndèymí à rà Yuddeya mí ngòw ò, Yorddani mí pbèydha ní ju-ddà mí dzisángó nga là djò. 2Bíy ní bbalè mí njuw dyòw tdè à, ndèymí à djì ndrǔ rónga fungá.
3Njàddí Farisayo ní kpa rà Yesu dè ndèymí ndrǔ ddêy tdè ì kí à. Ndrǔ dhîy, “Musa-ngá yǎdha ǔw ŋà kpatss̀-ní-li ndǒ ków ónga nděyngá dza-yà nà wánì lò-tey nà?”
4Yesu ngù lò, “Nyì zǒw nzá Ddrǎ-ngá ndíydha-ní-lò ó, njitsò djú Ddrà tdyà kpatss̀-ní-li ndèymí ɦìytss-ní-li nà?#19:4 Lò-tsò ngàdha 1:27. 5Ddrà tdrà, ‘Í lò dhò, kpatss̀-ní-li rà djǎnì bbà ndèymí yânì nà ndèymí à rà ndèy gba dza-yà nà, ndèymí ndrǔ rwo tú rà ngu ddì nì li-rónga ní.’#19:5 Lò-tsò ngàdha 2:24. 6Fú ddiy dhò, ndrǔ nì ngǎ rwo ddíyàchú, chú ddì. Ddrà gbâ ddìngaó nì ddiy, nzǐ li rò ndǒ ǒnga.”
7Farisayo ní kpa dhîy à, “Ya í lò nì dìchú, ddudhò Musa jǎ ka bbú ków ónga ndòdha mí ndíydha-ní-lò kpatss̀-ní-li dhò à dǐy ndanà nděyngá dza-yà gu?”
8Yesu ngù lò, “Musa ùw tdè nyì ndǒ ków ónga nyìdhí dhì nà, ddiydhò nyì gwíydha tdè klǒw. Chú à tdè ngǎ fǔchú dziylíy tsò ngà ndèy mí nga djúddù. 9Ma nì tdrǎ nyì dhò, ndèy dìy nděyngá dza-yà nì kpatss̀-ní-li ngǎ bbǎlà njèydha djú, ndèymí à kòw ngéy ní ɦìytss, fúnì fú li njèy bbǎlà.”
10Yesu kodjú kpa tdrà, “Ya à nì ǐchú kpatss̀-ní-li mà kàó ndèymí nděyngá dza-yà nà, à nì lǎní nzǐ ka kǒw li!”
11Yesu ngù lò, “Í lò nì ngǎ bbalè wánì dhò, chú cha Ddrà kwô ì tso tso nì ndrǔ dhò chúddì. 12Ma nì í lò tdrǎ, ddiydhò ngéy-ngéy ní lò-tey nì ney kpa dho ndanà nzǐ dhì kòw nì. Njàddí kpa ka gòw ngù ní, njàddí ngù nì bbalè lêy ndey nì, njàddí kpa kòw dhì nzá rakpa mí pey-mí-nga mí lò dhò. Ndèy dho í lò ùw nì li, bba ndey li njěy fǔchú.”
Yesu bbû bû dùdú ní nzòw dhò
(Mak 10:13-16; Lwk 18:15-17)
13Bbalè mbà dùdú ní nzòw Yesu dè, ndaní à léy ndèy-dhokpa ndrǔ djú ndèymí à nzž Ddrà ndrǔ dhò. Chú Yesu kodjú kpa chò fú bbalè tsò.
14Yesu tdrà, “Nyì bba dùdú ní nzòw rǎ ma dè, ndèymí nzǐ nyì cho ndrǔ tsò, ddiydhò rakpa mí pey-mí-nga nì fǔchú ní ndrǔ dhî.” 15À kâ ndèy-dhokpa ley ndrǔ djú ndèymí à rà fungá ddù.
Ndèy-dhokpa ó ddiy nà nì kpatss̀-ní-ngba
(Mak 10:17-31; Lwk 18:18-30)
16Ddì nì kpatss̀-ní-li shì Yesu dè ndèymí à dhîy, “Li-gwíydha-dja, ma njey ná ddu lǎní nì ma chǔw ndanà ndru-tey ró nì djiy?”
17Yesu ngù lò, “Ddudhò nyi ní ma dhiy lǎní ddiy ró? Lǎní li nì nú Ddì. Pbo yǎdha rónga ya nyi jì nyi tsǔw djiy ò.”
18À dhîy, “Ŋá yǎdha?”
Yesu ngù lò, “ ‘Nzǐ hwi bbalè, nzǐ nyi ddǔ ngǎ ndèy nì nyìmí ków mí li nà, nzǐ tduw nga, nzǐ tdra mbwa mí lò njàddí li ró, 19njey djǎ-nyi ndèymí yâ-nyi dò,’#19:19 Ngbídha 20:12-16; Yǎdha 5:16-20. ndèymí ‘Ji nyi dyási, gbè nyi jì nyi níchú.’#19:19 Lawi 19:18.”
20Kpatss̀ ní ngba kâ tdrà, “Ma pbò fú yǎdha rónga wá. Ddu mǎ ndey ma dhò?”
21Yesu ngù lò, “Ya nyi jì nyi déy lǎní wánì ddiy ó, ra nyi nì ndanà nì ddiy ó nga dzz ndèymí nyi bbú mí mb zòw-djá dhò. Ya nyi njèy fǔchú, nyi ra dey léydha ní ddiy nà rakpa ò. Fú ddiy-dzzdjú, ra ndèymí nyi ká ma dyòw.” 22Kpatss̀ ní ngba rr̀ í lò ro, à rà tdè gu zòw nà, ddiydhò à tdè ddiy nà bíy.
23Yesu kâ tdrà ndèy kodjú kpa dhò, “Manì nyì dhò dìchú ní lò tdrǎ, à nì klǒw ndèy-dhokpa ó ddiy nà nì li dhò, à tsǔw rakpa mí pey-mí-nga ò. 24Ma nì tdrǎ nyì dhò ddíyàchú, à nì vu-ká-vu ngàmíyà dhò tsùwdha nà sìndánì-nyú òluw à da ndèy-dhokpa ó ddiy nà nì li dhò tsùwdha nà Ddrà mí pey-mí-nga ò.”
25Yesu kodjú kpa rr̀ í lò mí nga nà, ndrǔ ónga ꞌwìy wá. Ndèymí ndrǔ dhîy, “Ya à nì dìchú, áyì kǎ ndey ndèy pa?”
26Yesu njà nga ndrǔ dè ndèymí à kâ tdrà, “Í lò nì klǒw bbalè dhò, chú Ddrà dho ddiy wánì njèy.”
27Petro tdrà à dhò, “Mà bbà ddiy wánì nyi dyòwdha dhò. Mà rá ddu chùw?”
28Yesu tdrà ndrǔ dhò, “Manì nyì dhò dìchú ní lò tdrǎ, ddiy wánì rà ngu tdey nì ní ro, ma Ndrǔ-Ddùw ma rà dòw màtsá pey nyùdha mí ddrǒngó-ní-nga mí thìynga djú ro, nyì cha nyì dyòw ma nì ndrǔ ddí, nyì rà dòw dri ndèy djú rwo nà nì thìynga djú Israeli mí pbúw djú lò ndòdha dhò. 29Ndèymí ya li rò bbà bba ǐngí djúní ǐngí víní ǐngí djǎnì ǐngí yânì ǐngí nzòw ǐngí nza màtsá lò dhò, à rà ddiy chùw dàkì ddì ngà nà ndèymí ka rà à dhò ndru-tey ró nì djiy bbu. 30Chú, bíy nì bbalè cha ì nì njitsó nì rà nguw luwtò ndèymí cha ì nì luwtò nì ndrǔ rà ngu njitsó.
Currently Selected:
Matayo 19: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 19
19
Yesu gwîy ków ónga ndòdha ró lò
(Mak 10:1-12)
1Yesu sî tdè í lò-tdràdha ro, à bba Galilaya mí ngòw ndèymí à rà Yuddeya mí ngòw ò, Yorddani mí pbèydha ní ju-ddà mí dzisángó nga là djò. 2Bíy ní bbalè mí njuw dyòw tdè à, ndèymí à djì ndrǔ rónga fungá.
3Njàddí Farisayo ní kpa rà Yesu dè ndèymí ndrǔ ddêy tdè ì kí à. Ndrǔ dhîy, “Musa-ngá yǎdha ǔw ŋà kpatss̀-ní-li ndǒ ków ónga nděyngá dza-yà nà wánì lò-tey nà?”
4Yesu ngù lò, “Nyì zǒw nzá Ddrǎ-ngá ndíydha-ní-lò ó, njitsò djú Ddrà tdyà kpatss̀-ní-li ndèymí ɦìytss-ní-li nà?#19:4 Lò-tsò ngàdha 1:27. 5Ddrà tdrà, ‘Í lò dhò, kpatss̀-ní-li rà djǎnì bbà ndèymí yânì nà ndèymí à rà ndèy gba dza-yà nà, ndèymí ndrǔ rwo tú rà ngu ddì nì li-rónga ní.’#19:5 Lò-tsò ngàdha 2:24. 6Fú ddiy dhò, ndrǔ nì ngǎ rwo ddíyàchú, chú ddì. Ddrà gbâ ddìngaó nì ddiy, nzǐ li rò ndǒ ǒnga.”
7Farisayo ní kpa dhîy à, “Ya í lò nì dìchú, ddudhò Musa jǎ ka bbú ków ónga ndòdha mí ndíydha-ní-lò kpatss̀-ní-li dhò à dǐy ndanà nděyngá dza-yà gu?”
8Yesu ngù lò, “Musa ùw tdè nyì ndǒ ków ónga nyìdhí dhì nà, ddiydhò nyì gwíydha tdè klǒw. Chú à tdè ngǎ fǔchú dziylíy tsò ngà ndèy mí nga djúddù. 9Ma nì tdrǎ nyì dhò, ndèy dìy nděyngá dza-yà nì kpatss̀-ní-li ngǎ bbǎlà njèydha djú, ndèymí à kòw ngéy ní ɦìytss, fúnì fú li njèy bbǎlà.”
10Yesu kodjú kpa tdrà, “Ya à nì ǐchú kpatss̀-ní-li mà kàó ndèymí nděyngá dza-yà nà, à nì lǎní nzǐ ka kǒw li!”
11Yesu ngù lò, “Í lò nì ngǎ bbalè wánì dhò, chú cha Ddrà kwô ì tso tso nì ndrǔ dhò chúddì. 12Ma nì í lò tdrǎ, ddiydhò ngéy-ngéy ní lò-tey nì ney kpa dho ndanà nzǐ dhì kòw nì. Njàddí kpa ka gòw ngù ní, njàddí ngù nì bbalè lêy ndey nì, njàddí kpa kòw dhì nzá rakpa mí pey-mí-nga mí lò dhò. Ndèy dho í lò ùw nì li, bba ndey li njěy fǔchú.”
Yesu bbû bû dùdú ní nzòw dhò
(Mak 10:13-16; Lwk 18:15-17)
13Bbalè mbà dùdú ní nzòw Yesu dè, ndaní à léy ndèy-dhokpa ndrǔ djú ndèymí à nzž Ddrà ndrǔ dhò. Chú Yesu kodjú kpa chò fú bbalè tsò.
14Yesu tdrà, “Nyì bba dùdú ní nzòw rǎ ma dè, ndèymí nzǐ nyì cho ndrǔ tsò, ddiydhò rakpa mí pey-mí-nga nì fǔchú ní ndrǔ dhî.” 15À kâ ndèy-dhokpa ley ndrǔ djú ndèymí à rà fungá ddù.
Ndèy-dhokpa ó ddiy nà nì kpatss̀-ní-ngba
(Mak 10:17-31; Lwk 18:18-30)
16Ddì nì kpatss̀-ní-li shì Yesu dè ndèymí à dhîy, “Li-gwíydha-dja, ma njey ná ddu lǎní nì ma chǔw ndanà ndru-tey ró nì djiy?”
17Yesu ngù lò, “Ddudhò nyi ní ma dhiy lǎní ddiy ró? Lǎní li nì nú Ddì. Pbo yǎdha rónga ya nyi jì nyi tsǔw djiy ò.”
18À dhîy, “Ŋá yǎdha?”
Yesu ngù lò, “ ‘Nzǐ hwi bbalè, nzǐ nyi ddǔ ngǎ ndèy nì nyìmí ków mí li nà, nzǐ tduw nga, nzǐ tdra mbwa mí lò njàddí li ró, 19njey djǎ-nyi ndèymí yâ-nyi dò,’#19:19 Ngbídha 20:12-16; Yǎdha 5:16-20. ndèymí ‘Ji nyi dyási, gbè nyi jì nyi níchú.’#19:19 Lawi 19:18.”
20Kpatss̀ ní ngba kâ tdrà, “Ma pbò fú yǎdha rónga wá. Ddu mǎ ndey ma dhò?”
21Yesu ngù lò, “Ya nyi jì nyi déy lǎní wánì ddiy ó, ra nyi nì ndanà nì ddiy ó nga dzz ndèymí nyi bbú mí mb zòw-djá dhò. Ya nyi njèy fǔchú, nyi ra dey léydha ní ddiy nà rakpa ò. Fú ddiy-dzzdjú, ra ndèymí nyi ká ma dyòw.” 22Kpatss̀ ní ngba rr̀ í lò ro, à rà tdè gu zòw nà, ddiydhò à tdè ddiy nà bíy.
23Yesu kâ tdrà ndèy kodjú kpa dhò, “Manì nyì dhò dìchú ní lò tdrǎ, à nì klǒw ndèy-dhokpa ó ddiy nà nì li dhò, à tsǔw rakpa mí pey-mí-nga ò. 24Ma nì tdrǎ nyì dhò ddíyàchú, à nì vu-ká-vu ngàmíyà dhò tsùwdha nà sìndánì-nyú òluw à da ndèy-dhokpa ó ddiy nà nì li dhò tsùwdha nà Ddrà mí pey-mí-nga ò.”
25Yesu kodjú kpa rr̀ í lò mí nga nà, ndrǔ ónga ꞌwìy wá. Ndèymí ndrǔ dhîy, “Ya à nì dìchú, áyì kǎ ndey ndèy pa?”
26Yesu njà nga ndrǔ dè ndèymí à kâ tdrà, “Í lò nì klǒw bbalè dhò, chú Ddrà dho ddiy wánì njèy.”
27Petro tdrà à dhò, “Mà bbà ddiy wánì nyi dyòwdha dhò. Mà rá ddu chùw?”
28Yesu tdrà ndrǔ dhò, “Manì nyì dhò dìchú ní lò tdrǎ, ddiy wánì rà ngu tdey nì ní ro, ma Ndrǔ-Ddùw ma rà dòw màtsá pey nyùdha mí ddrǒngó-ní-nga mí thìynga djú ro, nyì cha nyì dyòw ma nì ndrǔ ddí, nyì rà dòw dri ndèy djú rwo nà nì thìynga djú Israeli mí pbúw djú lò ndòdha dhò. 29Ndèymí ya li rò bbà bba ǐngí djúní ǐngí víní ǐngí djǎnì ǐngí yânì ǐngí nzòw ǐngí nza màtsá lò dhò, à rà ddiy chùw dàkì ddì ngà nà ndèymí ka rà à dhò ndru-tey ró nì djiy bbu. 30Chú, bíy nì bbalè cha ì nì njitsó nì rà nguw luwtò ndèymí cha ì nì luwtò nì ndrǔ rà ngu njitsó.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved