Matayo 18
18
Áyì ní ndey ddrǒngó rakpa mí pey-mí-nga ò?
(Mak 9:33-37; Lwk 9:46-48)
1Fú nga nà Yesu kodjú kpa shì à dè ndèymí ndrǔ dhîy, “Áyì ní ndey ddrǒngó tǐ rakpa mí pey-mí-nga ò?”
2À îy drá ní ngba ndèymí à lêy à dèy ndrǔ kàó. 3Ndèymí à tdrà, “Manì nyì dhò dìchú ní lò tdrǎ, ya nzá nyì lî nyì ndèymí nyì ngû dùdú ní nzòw níchú, nyì rà tsùw nzǐ rakpa mí pey-mí-nga ò. 4Fú ddiy dhò, ya ndèy djôw ndèy ndèymí ndèy ngû dùdú ní nzòw níchú nì li, nì ddrǒngó tǐ rakpa mí pey-mí-nga ò.
5“Ndèy kwô drá ní ngba gbè í ngba níchú ma ró dho nà nì li, fúnì à kwô ma.
Yesu ddù ndèy kodjú kpa nyú nzǐ ndrǔ léy li rò chěy cherr ò
(Mak 9:42-48; Lwk 17:1,2)
6“Ndèy lêy cha ì ùw ma nì ndrǔ kàó ddì nì drá ní li chèy cherr ò, à rà dey lǎní fú li dhò ka chěy kyele ní djuw à chuwtéy ndèymí ka ngbǒ fú li kpliy ní ju-ddà ò. 7Zòw í dziylíy djú nì bbalè djú, ddiydhò ndrǔ nì cha ndèy léy nì bbalè chěy cherr ò nì ddiy njěy. Fǔchú ní ddiy kà à njěy ndèy, chú zòw rà dey ndeyli djú cha ndèy lêy fǔchú ní ddiy njěy ndèy nì.
8“Ya nyi-dhokpa ǐngí nyi-koko mbà nyi cherr ò, tdey à ndèymí nyi ngbǒ à gu. À nì lǎní drǒ nyi dhò nyi tsǔw djiy ò ngǎ nyi-dhokpa ní ǐngí nyi-koko ní, à da nyi déy nyi-dhokpa rwo nì nà ǐngí nyi-koko rwo nì nà, cha ka rà ngbò ndru-tey ró nì li sàdha mí kàss ò nì. 9Ya nyi nyú mbà nyi cherr ò, ddá à gu nyi róddù. À nì lǎní drǒ nyi dhò nyi tsǔw djiy ò ddì nì nyi nyú nà, à da nyi déy nyi nyú nà rwo cha ka ra ngbò ndru-tey ró nì li sàdha mí kàss ò nì.
Lò-ngbòdha ndèy vîy nì towmbù ró
(Lwk 15:3-7)
10“Nyì déy nyì nyú nà í drá ní ì ùw nì ndrǔ kàó ddì li njàdha nà vúní ddiy ní. Manì tdrǎ nyì dhò, ddiydhò ndrǔdhí malayika-kpà rakpa ó nì, nì màtsá Djǎnì nyú djú rakpa ò wánì nganà. 11Ma Ndrǔ-Ddùw rà ì vîy nì ndrǔ pa.#18:11 Njàddí ndíydha-ní-lò ó í versi nì ngǎ.
12“Nyì ní ddu ddey? Ya ddì li nì towmbù nà dàkì ddì, ndèymí ddì nì vîy ndrǔ kà-óddù, à rá nzǐ drì-drínga drrdhiy ndèy djú drrdhiy nì nà nì bbà ngòw djò, ndaní ndèy rǎ cha ndèy vîy nì mèy? 13Manì nyì dhò dìchú ní lò tdrǎ, ya à chùw fú ddì nì towmbù, à rà déy hwî nà fú ddì nì ró à da drì-drínga drrdhiy ndèy djú drrdhiy nì nà cha nzá ì vîy nì djòluw. 14Fú ddì nì tuw nà, nyì Dja rakpa ó nì jì nzá í drá ní ndrǔ kàó ddì li víy.
Li kàónga gbádha ndèy njèy ngǎjìní nyi dhò nì li nà
15“Ya djû-nyi ndèy ùw nì njèy cherr nyi dhò, ra à dè ndèymí nyi dhǒ à dhò àmí cherr. Chú nyì njey fú lò nyì kàó nyì bbalè rwo. Ya à rr̀ nyìmí lò, fú nì nyi ngù jǐ ví à dè. 16Chú ya à rr̀ nyi nzá, tdúw ddì li ǐngí bbalè rwo, ndaní ‘wánì lò ka tděy bbalè rwo nì nyú djú ǐngí bbalè gbow nì nyú djú cha ì tsì fú lò ró lò nì.’#18:16 Yǎdha 19:15. 17Ya à gù ndrǔ rr̀dha, tdra mí lò ì ùw nì ndrǔ dhí njuwdha dhò. Ya à gù ndrǔ chuw rr̀dha nà, ka bbǎ à déy nzá ndèy tsì Ddrà nì li ní ǐngí mùsórò njúwdha-dja ní.
18“Manì nyì dhò dìchú ní lò tdrǎ, ddiy wá cha nyì chèy dziylíy djú nì rà dey chèydha ní rakpa ò, ddiy wá nyì ngâ dziylíy djú nì rà déy ngádha ní rakpa ò.
19“Manì nyì dhò dìchú ní lò tdrǎ ddíyàchú, ya nyì bbalè rwo í dziylíy djú nì ùw nyì dhîy nì ddiy djú, màtsá Djǎnì rakpa ó nì rà fú ddiy njèy nyì dhò. 20Ya bbalè rwo ǐngí gbow nì njûw ì ddìngaó ma ró dho nà, manì ndrǔ nà.”
Nzǐ ndèy bba nì lò nì nokpa mí lò-ngbòdha
21Petro shì Yesu dè ndèymí à dhîy, “Ddrǒngóli, ya li rò njèy cherr ma dhò, ma kà ná ma bbǎ cherr à dhò thi ngà nà? Zargbòw ngà nà?”
22Yesu ngù lò, “Ma nì tdrǎ nyi dhò, ngǎ zargbòw ngà nà, chú drì-drínga zargbòw, zargbòw ngà nà.
23“Ma nì í lò tdrǎ, ddiydhò rakpa mí pey-mí-nga nì gbè pey níchú cha ndèy nì jǐ ndèy zǒw ndèymí ddiy ónga ndèymí nokpa nà nì. 24Cha à lòw dey ndèymí ddiy ónga zǒw mí nga nà, ka mbà ddì li à dè cha ndèy nyù àmí ddrǒngó ní bi tàlántù#18:24 Tàlántù. Í bǔkù ka ndîy ddiy ó tàlántù tdè ney Israeli mí ngòw ó. Tàlántù ddì nì tdè chow-chow ddì li mí njí kobì, cho drì-drínga rwo nì dhò. lówfù dri nì. 25Fú bi ddádha shì à djòluw mí nga nà, ddrǒngóli jà, à ndèymí ǎngá dza-yà nà, ǎngá nzòw nà ndèymí ǎngá wánì ddiy ka dzź ǒnga ka ddá ndanà fú bi.
26“Nokpa kâ chèy ndèy tdyòw-tey djú pey nyú dju. À kwô, ‘Déy bbò ma nà, ndèymí ma rà wánì bi ngù.’ 27Zòw lòw nokpa ngá ddrǒngóli ro, à tdèy mí bi ndèymí à bbà à rǎ.
28“Fú nokpa kâ rà, ndèymí à chùw ddì nì nokpa ní ndèy dyási cha ndèy zz̀ drá ní bi ndèy ká dìnárì#18:28 Dìnárì. Dìnárì ddì nì tdè, ddì nì ddu mí njí mí li kobì. dàkì ddì nì. À chèy à djò ndèymí à lòw à chuwtèy kprà, à tdrà, ‘Ddá màtsá bi.’
29“Àmí dyànìsi nokpa chèy ndèy tdyòw-tey djú ndèymí à kwô à, ‘Déy bbò ma nà, ndèymí ma rà fú bi dda.’
30“Chú à gù. Fú ddiy rr̀djá, à ngbò fú li ngiy-dzà ò, pbǔw fú li rà bi dda ddiy ò. 31Njàddí nokpa njà wánì ddiy cha ndèy njèy ndèy nì ro, ddrǒngó ní zòw lòw ndrǔ ndèymí ndrǔ rà mí lò tdrà ìdhí ddrǒngóli dhò.
32“Ddrǒngóli kâ nokpa iy ndèy dè. À tdrà, ‘Nyi ngǎjìní nokpa, ma bbà wánì bi nyi dhò, nyi kwô ma ddiydhò. 33Nyi kà nyi déy zòw-lò nà nyi dyási nokpa ró, gbè ma njèy nyi dhò níchú.’ 34Ddrǒngóli tdè thǒw nà ndèymí à ngù nokpa ví ngiy-dzà ò, ndrǔ bbú fú li dhò nzadha, pbǔw fú li rà fú bi dda wá ddiy ò.”
35Yesu tdyâ ndèymí lò tsò, “Ma-Dja rakpa ó nì rà njèy nyì dhò ddí fǔchú, ya nzá nyì bbà njàddí ndrǔ dhò nyì thíy nà wá ro.”
Currently Selected:
Matayo 18: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 18
18
Áyì ní ndey ddrǒngó rakpa mí pey-mí-nga ò?
(Mak 9:33-37; Lwk 9:46-48)
1Fú nga nà Yesu kodjú kpa shì à dè ndèymí ndrǔ dhîy, “Áyì ní ndey ddrǒngó tǐ rakpa mí pey-mí-nga ò?”
2À îy drá ní ngba ndèymí à lêy à dèy ndrǔ kàó. 3Ndèymí à tdrà, “Manì nyì dhò dìchú ní lò tdrǎ, ya nzá nyì lî nyì ndèymí nyì ngû dùdú ní nzòw níchú, nyì rà tsùw nzǐ rakpa mí pey-mí-nga ò. 4Fú ddiy dhò, ya ndèy djôw ndèy ndèymí ndèy ngû dùdú ní nzòw níchú nì li, nì ddrǒngó tǐ rakpa mí pey-mí-nga ò.
5“Ndèy kwô drá ní ngba gbè í ngba níchú ma ró dho nà nì li, fúnì à kwô ma.
Yesu ddù ndèy kodjú kpa nyú nzǐ ndrǔ léy li rò chěy cherr ò
(Mak 9:42-48; Lwk 17:1,2)
6“Ndèy lêy cha ì ùw ma nì ndrǔ kàó ddì nì drá ní li chèy cherr ò, à rà dey lǎní fú li dhò ka chěy kyele ní djuw à chuwtéy ndèymí ka ngbǒ fú li kpliy ní ju-ddà ò. 7Zòw í dziylíy djú nì bbalè djú, ddiydhò ndrǔ nì cha ndèy léy nì bbalè chěy cherr ò nì ddiy njěy. Fǔchú ní ddiy kà à njěy ndèy, chú zòw rà dey ndeyli djú cha ndèy lêy fǔchú ní ddiy njěy ndèy nì.
8“Ya nyi-dhokpa ǐngí nyi-koko mbà nyi cherr ò, tdey à ndèymí nyi ngbǒ à gu. À nì lǎní drǒ nyi dhò nyi tsǔw djiy ò ngǎ nyi-dhokpa ní ǐngí nyi-koko ní, à da nyi déy nyi-dhokpa rwo nì nà ǐngí nyi-koko rwo nì nà, cha ka rà ngbò ndru-tey ró nì li sàdha mí kàss ò nì. 9Ya nyi nyú mbà nyi cherr ò, ddá à gu nyi róddù. À nì lǎní drǒ nyi dhò nyi tsǔw djiy ò ddì nì nyi nyú nà, à da nyi déy nyi nyú nà rwo cha ka ra ngbò ndru-tey ró nì li sàdha mí kàss ò nì.
Lò-ngbòdha ndèy vîy nì towmbù ró
(Lwk 15:3-7)
10“Nyì déy nyì nyú nà í drá ní ì ùw nì ndrǔ kàó ddì li njàdha nà vúní ddiy ní. Manì tdrǎ nyì dhò, ddiydhò ndrǔdhí malayika-kpà rakpa ó nì, nì màtsá Djǎnì nyú djú rakpa ò wánì nganà. 11Ma Ndrǔ-Ddùw rà ì vîy nì ndrǔ pa.#18:11 Njàddí ndíydha-ní-lò ó í versi nì ngǎ.
12“Nyì ní ddu ddey? Ya ddì li nì towmbù nà dàkì ddì, ndèymí ddì nì vîy ndrǔ kà-óddù, à rá nzǐ drì-drínga drrdhiy ndèy djú drrdhiy nì nà nì bbà ngòw djò, ndaní ndèy rǎ cha ndèy vîy nì mèy? 13Manì nyì dhò dìchú ní lò tdrǎ, ya à chùw fú ddì nì towmbù, à rà déy hwî nà fú ddì nì ró à da drì-drínga drrdhiy ndèy djú drrdhiy nì nà cha nzá ì vîy nì djòluw. 14Fú ddì nì tuw nà, nyì Dja rakpa ó nì jì nzá í drá ní ndrǔ kàó ddì li víy.
Li kàónga gbádha ndèy njèy ngǎjìní nyi dhò nì li nà
15“Ya djû-nyi ndèy ùw nì njèy cherr nyi dhò, ra à dè ndèymí nyi dhǒ à dhò àmí cherr. Chú nyì njey fú lò nyì kàó nyì bbalè rwo. Ya à rr̀ nyìmí lò, fú nì nyi ngù jǐ ví à dè. 16Chú ya à rr̀ nyi nzá, tdúw ddì li ǐngí bbalè rwo, ndaní ‘wánì lò ka tděy bbalè rwo nì nyú djú ǐngí bbalè gbow nì nyú djú cha ì tsì fú lò ró lò nì.’#18:16 Yǎdha 19:15. 17Ya à gù ndrǔ rr̀dha, tdra mí lò ì ùw nì ndrǔ dhí njuwdha dhò. Ya à gù ndrǔ chuw rr̀dha nà, ka bbǎ à déy nzá ndèy tsì Ddrà nì li ní ǐngí mùsórò njúwdha-dja ní.
18“Manì nyì dhò dìchú ní lò tdrǎ, ddiy wá cha nyì chèy dziylíy djú nì rà dey chèydha ní rakpa ò, ddiy wá nyì ngâ dziylíy djú nì rà déy ngádha ní rakpa ò.
19“Manì nyì dhò dìchú ní lò tdrǎ ddíyàchú, ya nyì bbalè rwo í dziylíy djú nì ùw nyì dhîy nì ddiy djú, màtsá Djǎnì rakpa ó nì rà fú ddiy njèy nyì dhò. 20Ya bbalè rwo ǐngí gbow nì njûw ì ddìngaó ma ró dho nà, manì ndrǔ nà.”
Nzǐ ndèy bba nì lò nì nokpa mí lò-ngbòdha
21Petro shì Yesu dè ndèymí à dhîy, “Ddrǒngóli, ya li rò njèy cherr ma dhò, ma kà ná ma bbǎ cherr à dhò thi ngà nà? Zargbòw ngà nà?”
22Yesu ngù lò, “Ma nì tdrǎ nyi dhò, ngǎ zargbòw ngà nà, chú drì-drínga zargbòw, zargbòw ngà nà.
23“Ma nì í lò tdrǎ, ddiydhò rakpa mí pey-mí-nga nì gbè pey níchú cha ndèy nì jǐ ndèy zǒw ndèymí ddiy ónga ndèymí nokpa nà nì. 24Cha à lòw dey ndèymí ddiy ónga zǒw mí nga nà, ka mbà ddì li à dè cha ndèy nyù àmí ddrǒngó ní bi tàlántù#18:24 Tàlántù. Í bǔkù ka ndîy ddiy ó tàlántù tdè ney Israeli mí ngòw ó. Tàlántù ddì nì tdè chow-chow ddì li mí njí kobì, cho drì-drínga rwo nì dhò. lówfù dri nì. 25Fú bi ddádha shì à djòluw mí nga nà, ddrǒngóli jà, à ndèymí ǎngá dza-yà nà, ǎngá nzòw nà ndèymí ǎngá wánì ddiy ka dzź ǒnga ka ddá ndanà fú bi.
26“Nokpa kâ chèy ndèy tdyòw-tey djú pey nyú dju. À kwô, ‘Déy bbò ma nà, ndèymí ma rà wánì bi ngù.’ 27Zòw lòw nokpa ngá ddrǒngóli ro, à tdèy mí bi ndèymí à bbà à rǎ.
28“Fú nokpa kâ rà, ndèymí à chùw ddì nì nokpa ní ndèy dyási cha ndèy zz̀ drá ní bi ndèy ká dìnárì#18:28 Dìnárì. Dìnárì ddì nì tdè, ddì nì ddu mí njí mí li kobì. dàkì ddì nì. À chèy à djò ndèymí à lòw à chuwtèy kprà, à tdrà, ‘Ddá màtsá bi.’
29“Àmí dyànìsi nokpa chèy ndèy tdyòw-tey djú ndèymí à kwô à, ‘Déy bbò ma nà, ndèymí ma rà fú bi dda.’
30“Chú à gù. Fú ddiy rr̀djá, à ngbò fú li ngiy-dzà ò, pbǔw fú li rà bi dda ddiy ò. 31Njàddí nokpa njà wánì ddiy cha ndèy njèy ndèy nì ro, ddrǒngó ní zòw lòw ndrǔ ndèymí ndrǔ rà mí lò tdrà ìdhí ddrǒngóli dhò.
32“Ddrǒngóli kâ nokpa iy ndèy dè. À tdrà, ‘Nyi ngǎjìní nokpa, ma bbà wánì bi nyi dhò, nyi kwô ma ddiydhò. 33Nyi kà nyi déy zòw-lò nà nyi dyási nokpa ró, gbè ma njèy nyi dhò níchú.’ 34Ddrǒngóli tdè thǒw nà ndèymí à ngù nokpa ví ngiy-dzà ò, ndrǔ bbú fú li dhò nzadha, pbǔw fú li rà fú bi dda wá ddiy ò.”
35Yesu tdyâ ndèymí lò tsò, “Ma-Dja rakpa ó nì rà njèy nyì dhò ddí fǔchú, ya nzá nyì bbà njàddí ndrǔ dhò nyì thíy nà wá ro.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved