Apocalipsis 9
9
1So' namaxasec laqáỹa piỹem lé'ec, ca'li ỹasiidíỹi jaso' laseede, qana'chi selá'a jaso' huaqchiñi 'me chiỹoqo'ot joca'li na' piỹem da' talégue jen' 'aléua. Qana'chi jaso'me qoỹanem jaso' ló'o so' nasom jega'me lapónaqa' na' napa'lpi. 2Ỹim, qana'chi jaso'me ỹ'ouáteuo so' nasom so' lapónaqa' jen' napa'lpi. Huá'a, qana'chi nenoxooséguem jaso' nemála', 'ená'am jan' nemála' jan' nauóxonaxaqui. Qana'chi jaso' nemála' taỹá'a so' n'álaxa, qaa'le ỹapadeelégue jaso' c'atena qataxa na' piỹem. 3Qana'chi jaso' nemála' chiỹaqáaue jaso' qosiiquioxoi, qana'chi huaỹolégue jen' 'aléua. Qana'chi jaso' qosiiquioxoi qoỹanem da' ledónataxanaxac 'me 'ená'am da' l'añaxac na' noxopic 'me huetalégue jen' 'aléua. 4Qana'chi qoỹamaxalégue jaso'me da' sa 'te da' 'uo ga' n'áxat na' 'auaqapi 'me huetalégue jen' 'aléua qataxa jan' 'ipaq, 'uootaxa gamachaqaiga dadála, na'chínata jen'me siỹaxadipi 'me sa 'te nétaỹi na' latap jaga' l'anaxanaqte ñi' Dios. 5Qaláxasa sa 'te da' qoỹasenem da' ỹátaqta ỹalaat, na'chidáta da' 'chi ỹa'uo da' laỹaliaxa, ỹivídaxatreegue gaua' cinco 'auóxoiqa. Dójo' naỹaliaxa 'ená'am da' laỹaliaxa ga' siỹaxaua da' 'uootaxa ỹíto ga' noxopic. 6Qana'chi jega'me nolo' jen' siỹaxadipi nimitétaaque qomle da' sétaaque ỹileu, qaláxasa sa ỹauana. Temaqaidi da' sétaaque da' ỹileu, qaláxasa da' neleuaxa cá'ai qomle na' siỹaxadipi.
7Jaso'me qosiiquioxoi 'ená'am da' lasoxoc jen' pegaq da' qoỹaqátaxata't da' nalaat. Jen' laqaic nétaỹi jan' 'ená'am jan' naxa'do ga' net'a. Jen' latáxasoxoc, qaa'le 'ená'am na' latáxasoxoc ga' siỹaxaua. 8Na' laỹoxot, qaa'le 'ená'am na' laỹoxot jan' ỹauo. Naua' lodaitel, qaa'le 'ená'am jan' lodaite jen' sáuaxaic pólio'. 9Jen' ló'oc, qaa'le nequepaxatetalégue jan' laataxaqui laicaua. Da' lesamaxa naua' láua', qaa'le 'ená'am da' lesamaxa jen' ỹátaqta jalcote lauégaxala' jan' náauenapi 'me taiỹi ga' laataqa'. 10Jen' láauenec, qaa'le 'ená'am jen' láauenec jen' noxopic, 'uo jan' lesógaxanaqte. Jen'me láauenec 'uo da' ledónataxanaxac, da' qaidi 'uo ga' ỹ'étec na' siỹaxadipi, ỹivídaxatetreegue gaua' cinco 'auóxoiqa. 11Jaso'me qosiiquioxoi na'chi lasoxola' jeso'me ỹilotalégue ga' lapónaqa' na' napa'lpi. Jeso'me nasoxola', jeso'me lenaxat Abadón jen'me l'aqtac na' hebreo lé'ecpi. Jega'me griego lé'ecpi, qaa'le 'enapéga Apolión. Jeda'me náỹi da' laataxanaxaic.
12Ỹinoxonéegue jeso'me 'uáichiiñi naỹaliaxa, qaláxasa maliaxa natra't gaua' laqáỹa' dos.
13Qataxa so' namaxasec laqáỹa piỹem lé'ec ỹasiidíỹi jaso' laseede. Qana'chi semachíỹa so' n'aqtac chimaqapíinỹi so' laiñi saua' cuatro lepeel jaso' neco'ỹoxonaxalate oro 'me néta'ña ga' nalótee'ga ñi' Dios. 14Qana'chi jeso' n'aqtac 'enapéga so' namaxasec 'me ỹaseedétapiỹi jaso' naseede, 'eet'oi:
—'Ausodéegue qomle ñaua' cuatro namaxa's piỹem lase' 'me qoỹicoindeta'salo, jiñaa'me nétra'ña di' loxogue so' ñáchi lenaxat Eufrates.
15Huá'a, qana'chi qoỹisodéegue saua' cuatro namaxa's, da' qaidi ỹalaa't ñi' 'oonolec naua' tres jen'me siỹaxadipi. Qá'a jesaa'me cuatro qoỹaqátaxata'salo, da' qaidi da' ỹivíta jega'me naloqtenec nolo' 'me huétooue ga' 'auóxoic qataxa ga' huó'e, qana'chi leuótete'. 16Semachíỹa so' 'chi nalóta so' nesoxonaqapi 'me netalégue so' pegadipi, qaa'le ỹóvi' so' doscientos millones.
17Naqaida da' 'éeta da' ỹiuoqtaxanaxac ca'li selá'a jeso'me pegadipi qataxa jeso'me netalégue. Jeso'me netalégue lapaqatalóo'te naua' letóguel naua' laataxaqui' 'me tóomaxadail, qataxa málaxadai, qataxa ỹoqovi da' l'óiỹaxac. Jeso'me pegadipi naua' laqai'go 'ená'am na' laqaic na' sáuaxaic pólio'. Qataxa naua' nedégaqa'te naỹapee'galo na' dóle', qataxa jan' nemála', qataxa jen' sega'me huosac l'atec. 18Huá'a, qana'chi ỹileu ñi' 'oonolec saua' tres jen'me siỹaxadipi ỹasouaxat jeso'me dóle', nemála', qataxa jen' sega'me huosac l'atec 'me chiỹoqótapegooue na' nedégaxat so' pegadipi. 19Qá'a dójo' l'añaxac so' pegadipi huétaaue na' nedégaxat qataxa na' láauenec. Qá'a jen' láauenec 'ená'am na' nanaic. 'Uo na' laqaicpi, da' qaidi ỹañoxot da' detoxon.
20Qaláxasa jen'me qapiỹáñi siỹaxadipi 'me sa 'te da' ỹileema jesaa'me nalaatagueco, taqadíta sa 'te da' ỹaxadíñi naua' sa n'oi'n 'me ỹ'étet'ape. Qataxa sa 'te da' ỹaxañi da' netameetapecot na' sa di'ỹoq nataqtáqaicpi, qataxa na' niqui'ipi 'me chiỹaqaỹi qoỹin jan' oro, plata, bronce, qa', 'uootaxa jen' 'ipaq 'me sa 'te da' dec'atenaxan, 'uootaxa demachíỹaac, 'uootaxa ỹiuo. 21Nataq'en sa 'te da' ỹaxañi da' dalaataxan, qataxa da' ledánaxanaxac, qataxa da' nequeséeguetaxa, qataxa da' lecacháxac.
Currently Selected:
Apocalipsis 9: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 9
9
1So' namaxasec laqáỹa piỹem lé'ec, ca'li ỹasiidíỹi jaso' laseede, qana'chi selá'a jaso' huaqchiñi 'me chiỹoqo'ot joca'li na' piỹem da' talégue jen' 'aléua. Qana'chi jaso'me qoỹanem jaso' ló'o so' nasom jega'me lapónaqa' na' napa'lpi. 2Ỹim, qana'chi jaso'me ỹ'ouáteuo so' nasom so' lapónaqa' jen' napa'lpi. Huá'a, qana'chi nenoxooséguem jaso' nemála', 'ená'am jan' nemála' jan' nauóxonaxaqui. Qana'chi jaso' nemála' taỹá'a so' n'álaxa, qaa'le ỹapadeelégue jaso' c'atena qataxa na' piỹem. 3Qana'chi jaso' nemála' chiỹaqáaue jaso' qosiiquioxoi, qana'chi huaỹolégue jen' 'aléua. Qana'chi jaso' qosiiquioxoi qoỹanem da' ledónataxanaxac 'me 'ená'am da' l'añaxac na' noxopic 'me huetalégue jen' 'aléua. 4Qana'chi qoỹamaxalégue jaso'me da' sa 'te da' 'uo ga' n'áxat na' 'auaqapi 'me huetalégue jen' 'aléua qataxa jan' 'ipaq, 'uootaxa gamachaqaiga dadála, na'chínata jen'me siỹaxadipi 'me sa 'te nétaỹi na' latap jaga' l'anaxanaqte ñi' Dios. 5Qaláxasa sa 'te da' qoỹasenem da' ỹátaqta ỹalaat, na'chidáta da' 'chi ỹa'uo da' laỹaliaxa, ỹivídaxatreegue gaua' cinco 'auóxoiqa. Dójo' naỹaliaxa 'ená'am da' laỹaliaxa ga' siỹaxaua da' 'uootaxa ỹíto ga' noxopic. 6Qana'chi jega'me nolo' jen' siỹaxadipi nimitétaaque qomle da' sétaaque ỹileu, qaláxasa sa ỹauana. Temaqaidi da' sétaaque da' ỹileu, qaláxasa da' neleuaxa cá'ai qomle na' siỹaxadipi.
7Jaso'me qosiiquioxoi 'ená'am da' lasoxoc jen' pegaq da' qoỹaqátaxata't da' nalaat. Jen' laqaic nétaỹi jan' 'ená'am jan' naxa'do ga' net'a. Jen' latáxasoxoc, qaa'le 'ená'am na' latáxasoxoc ga' siỹaxaua. 8Na' laỹoxot, qaa'le 'ená'am na' laỹoxot jan' ỹauo. Naua' lodaitel, qaa'le 'ená'am jan' lodaite jen' sáuaxaic pólio'. 9Jen' ló'oc, qaa'le nequepaxatetalégue jan' laataxaqui laicaua. Da' lesamaxa naua' láua', qaa'le 'ená'am da' lesamaxa jen' ỹátaqta jalcote lauégaxala' jan' náauenapi 'me taiỹi ga' laataqa'. 10Jen' láauenec, qaa'le 'ená'am jen' láauenec jen' noxopic, 'uo jan' lesógaxanaqte. Jen'me láauenec 'uo da' ledónataxanaxac, da' qaidi 'uo ga' ỹ'étec na' siỹaxadipi, ỹivídaxatetreegue gaua' cinco 'auóxoiqa. 11Jaso'me qosiiquioxoi na'chi lasoxola' jeso'me ỹilotalégue ga' lapónaqa' na' napa'lpi. Jeso'me nasoxola', jeso'me lenaxat Abadón jen'me l'aqtac na' hebreo lé'ecpi. Jega'me griego lé'ecpi, qaa'le 'enapéga Apolión. Jeda'me náỹi da' laataxanaxaic.
12Ỹinoxonéegue jeso'me 'uáichiiñi naỹaliaxa, qaláxasa maliaxa natra't gaua' laqáỹa' dos.
13Qataxa so' namaxasec laqáỹa piỹem lé'ec ỹasiidíỹi jaso' laseede. Qana'chi semachíỹa so' n'aqtac chimaqapíinỹi so' laiñi saua' cuatro lepeel jaso' neco'ỹoxonaxalate oro 'me néta'ña ga' nalótee'ga ñi' Dios. 14Qana'chi jeso' n'aqtac 'enapéga so' namaxasec 'me ỹaseedétapiỹi jaso' naseede, 'eet'oi:
—'Ausodéegue qomle ñaua' cuatro namaxa's piỹem lase' 'me qoỹicoindeta'salo, jiñaa'me nétra'ña di' loxogue so' ñáchi lenaxat Eufrates.
15Huá'a, qana'chi qoỹisodéegue saua' cuatro namaxa's, da' qaidi ỹalaa't ñi' 'oonolec naua' tres jen'me siỹaxadipi. Qá'a jesaa'me cuatro qoỹaqátaxata'salo, da' qaidi da' ỹivíta jega'me naloqtenec nolo' 'me huétooue ga' 'auóxoic qataxa ga' huó'e, qana'chi leuótete'. 16Semachíỹa so' 'chi nalóta so' nesoxonaqapi 'me netalégue so' pegadipi, qaa'le ỹóvi' so' doscientos millones.
17Naqaida da' 'éeta da' ỹiuoqtaxanaxac ca'li selá'a jeso'me pegadipi qataxa jeso'me netalégue. Jeso'me netalégue lapaqatalóo'te naua' letóguel naua' laataxaqui' 'me tóomaxadail, qataxa málaxadai, qataxa ỹoqovi da' l'óiỹaxac. Jeso'me pegadipi naua' laqai'go 'ená'am na' laqaic na' sáuaxaic pólio'. Qataxa naua' nedégaqa'te naỹapee'galo na' dóle', qataxa jan' nemála', qataxa jen' sega'me huosac l'atec. 18Huá'a, qana'chi ỹileu ñi' 'oonolec saua' tres jen'me siỹaxadipi ỹasouaxat jeso'me dóle', nemála', qataxa jen' sega'me huosac l'atec 'me chiỹoqótapegooue na' nedégaxat so' pegadipi. 19Qá'a dójo' l'añaxac so' pegadipi huétaaue na' nedégaxat qataxa na' láauenec. Qá'a jen' láauenec 'ená'am na' nanaic. 'Uo na' laqaicpi, da' qaidi ỹañoxot da' detoxon.
20Qaláxasa jen'me qapiỹáñi siỹaxadipi 'me sa 'te da' ỹileema jesaa'me nalaatagueco, taqadíta sa 'te da' ỹaxadíñi naua' sa n'oi'n 'me ỹ'étet'ape. Qataxa sa 'te da' ỹaxañi da' netameetapecot na' sa di'ỹoq nataqtáqaicpi, qataxa na' niqui'ipi 'me chiỹaqaỹi qoỹin jan' oro, plata, bronce, qa', 'uootaxa jen' 'ipaq 'me sa 'te da' dec'atenaxan, 'uootaxa demachíỹaac, 'uootaxa ỹiuo. 21Nataq'en sa 'te da' ỹaxañi da' dalaataxan, qataxa da' ledánaxanaxac, qataxa da' nequeséeguetaxa, qataxa da' lecacháxac.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.