Apocalipsis 10
10
Jeso'me namaxasec piỹem lé'ec qataxa jaso' nede c'oqte
1Ỹim, qana'chi selá'a so' namaxasec laqáỹa piỹem lé'ec ỹátaqta 'uañaxaic, chiỹoqo'ot na' piỹem, huétaaue so' ló'oc, qataxa so' huosac coleesop na' laqaic. Qataxa na' latáxasoxoc, 'ená'am na' l'edáxa jañi' c'atena. Qataxa naua' lichil 'ená'am na' dóle' l'edáxa. 2Nataq'en lasóqot'a jaso' nede c'oqte ỹ'ouátetaỹi. Qana'chi na' lápia' 'me ỹaỹáten petalégue qa'en jaso' huaxai, qataxa so' lápia' n'emaq, qaa'le petalégue qa'en na' 'aléua. 3Qana'chi n'áloxodenec da' laviliỹáxac da' detaqa. Dójo' laviliỹáxac 'ená'am da' 'uootaxa doqo na' sáuaxaic pólio'. Ca'li ỹ'alaq, qana'chi saua' siete qasoxonaxa, qana'chi detaqai'. 4Ca'li ỹim da' letaxaỹaxa'j saua' siete qasoxonaxa, qana'chi jaỹim sétaaque sidíñi. Qaláxasa jaỹim semachíỹa so' n'aqtac chimaqpecot di' piỹem, jaỹim 'enapéga, 'eet'oi:
—Sa 'te qomle da' 'audíñi da' l'aqta'j saua' siete qasoxonaxa, qaidi sa 'te da' 'uo ga' ỹaỹáten.
5Ỹim, qana'chi jeso'me namaxasec piỹem lé'ec 'me selótapega petalégue na' noxop qataxa jen' 'aléua, jeso'me ỹaloxonot na' piỹem na' louaq ỹaỹáten. 6Qana'chi ỹanot da' l'aqtac jiñi'me na'chi 'eeta't da' nec'alétaiỹi, jiñi'me l'onatac na' piỹem qataxa jen' 'aléua, jan' huaxai, qataxa ỹima jen'me huetalquéna, 'eet'oi:
—Naỹi ma'le sa 'te da' ỹitaxa 'uo ga' qoỹiuatá'a. 7Qá'a qomle ỹivíta ga' lalóqo' da' ỹasiidíỹi jaga' laseede ga' p'áteegue saua' siete namaxa's piỹem lase', huá'a, qana'chi ỹipaquíchiỹi ỹima jen'me sa di'ỹoq 'me detaqátapega josii'chi ñi' Dios. Huá'a, qana'chi ỹipaquíchiỹi da' ỹ'aqtáxanaxanec jiñi'me jen'me lamaxa'spi l'aqtáxanaxanecpi.
8Qana'chi so' n'aqtac 'me semachítapega chimaqpecot di' piỹem ỹitaxa v'iỹílaxalégue da' jaỹim 'enapéga, 'eet'oi:
—'Ausómt'a qomle, 'auacona jada' nede c'oqte ỹ'ouátetaỹi 'me huétaỹi da' louaq laiñi jeda'me namaxasec piỹem lé'ec 'me pétanỹi jan' huaxai qataxa na' 'aléua.
9Ỹim, qana'chi sec, qana'chi siỹaxanot so' namaxasec, da' qaidi jaỹim ỹanem jaso' nede c'oqte. Qana'chi jeso'me jaỹim 'enapéga, 'eet'oi:
—Na, na'chi 'amatáuo qomle da' 'aualic. Qana'chi na' 'andégaxat qomle ỹátaqta jama, 'ená'am na' ma'ague lí'i. Na' 'adauel qomle, qaa'le ỹátaqta chimiỹi.
10Qana'chi sacona jaso'me nede c'oqte 'me huétaỹi na' louaq so' namaxasec. Ỹim, qana'chi salic. Huá'a, qana'chi jen' ñidégaxat ỹátaqta jama, 'ená'am na' ma'ague lí'i da' lamaic. Qaláxasa ca'li copaỹi'nỹi da' salic, qana'chi ỹátaqta chimiỹi qa'en jen' ỹiuel. 11Ỹim, qana'chi jaỹim qoỹinapéga, qoỹíitojo':
—'Am ỹitaxa 'av'iỹílaxalégue qomle da' 'au'axátem da' l'aqtac ñi' Dios na' ỹodapecachi siỹaxadipi 'me nataq'en ỹodapecachi na' l'aqtacpi, nataq'en na' jalcote net'alpi.
Currently Selected:
Apocalipsis 10: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 10
10
Jeso'me namaxasec piỹem lé'ec qataxa jaso' nede c'oqte
1Ỹim, qana'chi selá'a so' namaxasec laqáỹa piỹem lé'ec ỹátaqta 'uañaxaic, chiỹoqo'ot na' piỹem, huétaaue so' ló'oc, qataxa so' huosac coleesop na' laqaic. Qataxa na' latáxasoxoc, 'ená'am na' l'edáxa jañi' c'atena. Qataxa naua' lichil 'ená'am na' dóle' l'edáxa. 2Nataq'en lasóqot'a jaso' nede c'oqte ỹ'ouátetaỹi. Qana'chi na' lápia' 'me ỹaỹáten petalégue qa'en jaso' huaxai, qataxa so' lápia' n'emaq, qaa'le petalégue qa'en na' 'aléua. 3Qana'chi n'áloxodenec da' laviliỹáxac da' detaqa. Dójo' laviliỹáxac 'ená'am da' 'uootaxa doqo na' sáuaxaic pólio'. Ca'li ỹ'alaq, qana'chi saua' siete qasoxonaxa, qana'chi detaqai'. 4Ca'li ỹim da' letaxaỹaxa'j saua' siete qasoxonaxa, qana'chi jaỹim sétaaque sidíñi. Qaláxasa jaỹim semachíỹa so' n'aqtac chimaqpecot di' piỹem, jaỹim 'enapéga, 'eet'oi:
—Sa 'te qomle da' 'audíñi da' l'aqta'j saua' siete qasoxonaxa, qaidi sa 'te da' 'uo ga' ỹaỹáten.
5Ỹim, qana'chi jeso'me namaxasec piỹem lé'ec 'me selótapega petalégue na' noxop qataxa jen' 'aléua, jeso'me ỹaloxonot na' piỹem na' louaq ỹaỹáten. 6Qana'chi ỹanot da' l'aqtac jiñi'me na'chi 'eeta't da' nec'alétaiỹi, jiñi'me l'onatac na' piỹem qataxa jen' 'aléua, jan' huaxai, qataxa ỹima jen'me huetalquéna, 'eet'oi:
—Naỹi ma'le sa 'te da' ỹitaxa 'uo ga' qoỹiuatá'a. 7Qá'a qomle ỹivíta ga' lalóqo' da' ỹasiidíỹi jaga' laseede ga' p'áteegue saua' siete namaxa's piỹem lase', huá'a, qana'chi ỹipaquíchiỹi ỹima jen'me sa di'ỹoq 'me detaqátapega josii'chi ñi' Dios. Huá'a, qana'chi ỹipaquíchiỹi da' ỹ'aqtáxanaxanec jiñi'me jen'me lamaxa'spi l'aqtáxanaxanecpi.
8Qana'chi so' n'aqtac 'me semachítapega chimaqpecot di' piỹem ỹitaxa v'iỹílaxalégue da' jaỹim 'enapéga, 'eet'oi:
—'Ausómt'a qomle, 'auacona jada' nede c'oqte ỹ'ouátetaỹi 'me huétaỹi da' louaq laiñi jeda'me namaxasec piỹem lé'ec 'me pétanỹi jan' huaxai qataxa na' 'aléua.
9Ỹim, qana'chi sec, qana'chi siỹaxanot so' namaxasec, da' qaidi jaỹim ỹanem jaso' nede c'oqte. Qana'chi jeso'me jaỹim 'enapéga, 'eet'oi:
—Na, na'chi 'amatáuo qomle da' 'aualic. Qana'chi na' 'andégaxat qomle ỹátaqta jama, 'ená'am na' ma'ague lí'i. Na' 'adauel qomle, qaa'le ỹátaqta chimiỹi.
10Qana'chi sacona jaso'me nede c'oqte 'me huétaỹi na' louaq so' namaxasec. Ỹim, qana'chi salic. Huá'a, qana'chi jen' ñidégaxat ỹátaqta jama, 'ená'am na' ma'ague lí'i da' lamaic. Qaláxasa ca'li copaỹi'nỹi da' salic, qana'chi ỹátaqta chimiỹi qa'en jen' ỹiuel. 11Ỹim, qana'chi jaỹim qoỹinapéga, qoỹíitojo':
—'Am ỹitaxa 'av'iỹílaxalégue qomle da' 'au'axátem da' l'aqtac ñi' Dios na' ỹodapecachi siỹaxadipi 'me nataq'en ỹodapecachi na' l'aqtacpi, nataq'en na' jalcote net'alpi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.