Santiago 3
3
Da' n'onataguec ñi' qadacháxat
1'Ami ỹaqai'ỹolqa, qaỹo' qomle da' jalcote jen' paxaguenataxanaxaic da' 'oñíita, qá'a sóxote 'auaỹáchiñii da' qo'mi 'me sapaxaguenataxanqátac, qo'mi naỹalóo'te ga' sa lec'óxotolec qane'uaxánaguec, sa senqá'am jen' qadaỹi. 2Qá'a qadema jalcote da' qadesómaxac. Qaláxasa da' 'uo ga' qaỹa ga' lesómaxac da' detaqa, jega'me siỹaxaua ỹátaqta nelóchiiñi, qá'a ỹátaqta ỹaỹáten da' ỹilo'ogue ỹima da' ló'oquiaxac. 3'Ená'am da' qo'mi da' sanqaỹilo gaua' naqa' leque'te ga' pegaq, qaidi sañoxotaq da' qo'mi ỹalaxagueta ga'me sasoxonaqat'egue. 4Sec'atenaq nataq'en jaga' nilicota. 'Me ỹátaqta lat'édai qataxa ỹátaqta sa lec'óxotolec jen' ỹ'axasoxotapeeguet laỹat, qaláxasa so' ló'o mai'chi ỹasáxatapiiñi jega'me ỹasoxot'egue, qamaale ỹátaqta cat'oñooc so'tai'me ỹiuoxóotapiỹe't. 5Naqaida da' 'éeta nataq'en ñi' qadacháxat. Jiñi'me sa lecolec, sa 'ena'ama naua' qadeuoxose'te laqáỹa'. Qalqaiga ỹátaqta napágaqtenaxaic da' detaqa.
¡Ỹátaqta let'ádaic ga' viaq ỹigóoue ga'tai' sa lecolec dóle'! 6Qá'a ñi' qadacháxat 'ená'am ga' dóle'. Jiñi'me ỹimata'a't ỹima jen' sa nó'inpi. Nétaaue da' qadó'oquiaxac qataxa ỹisepaxanaqtet. Jiñi'me na'chi 'eeta't da' ỹavíỹaxatetac da' qadeuoxoc. Qaláxasa jeda'me l'edáxa ỹachiỹoxotétapiỹi ga' dóle' 'me qaỹa 'te loiquiaqa'. 7Ga' siỹaxaua ỹañoxot da' ỹ'oxoỹaxat ga' 'oonolec naua' ỹise'olqa, 'uootaxa jen'me huáỹo, qataxa jen'me hualectalégue jen' 'aléua, qataxa jen'me huétaaue jen' noxop. 'Uo jen' sóxote qoỹ'oxoỹaxat. 8Qaláxasa qaỹa ga' ỹañoxot da' ỹ'oxoỹaxat ñi' qadacháxat. Jiñi'me ỹátaqta qalhuaxaic qataxa napinaxataic, qataxa ỹátaqta saqáchiỹi jen' sega'me dedónataxan 'me qoỹileem. 9Jiñi'me taiỹet da' si'ỹoxodénaq ñi' qadet'a Dios qataxa da' sesouenaq ga' siỹaxaua 'me l'onatac ñi' Dios da' 'ená'am qa'en da' mai'chi lasoxoc. 10Jen'me qandégaxat chiỹoqótapegooue da' qadi'ỹoxodénataxanaxac qataxa da' qadesouenaxanaxac. 'Ami ỹaqai'ỹolqa, sa nó'in qomle da' naq'áita dójo'. 11Jaga' nópi'ỹaxaqui 'me náatetaseguem jen' lé'ec, ¿'auéetapega jama qataxa n'oua? ¡'Ai'! 12'Ami ỹaqai'ỹolqa, jaga' higo lichidic, ¿'auéetapega ỹañoxot da' nesetéegue jaga' jala 'ená'am jan' lenaxat aceituna? Qataxa jaga' nañiise uva, ¿'auéetapecogamaxa ỹañoxot da' nesetéegue jaga' jala 'ená'am jan' jala jaga' higo lichidic? Qana'chi naq'áita nataq'en jaga' 'oonole nópi'ỹaxaqui sa ỹañoxot da' 'uootaxa n'oua qataxa jama jen' lé'ec.
Da' naỹátenataxanaxac 'me ỹátaqta 'eesa da' lasoxoc
13Da' 'uo ga' 'oonolec da' 'oñíita ỹátaqta ỹátenataxanaxaic qataxa 'uo jen' ỹaỹáten, ỹa ỹaloxon ga' ỹiỹamqáchiiñi n'onataguec qataxa da' huesóta lasoxoc 'me ỹachiỹoxotáaue da' laỹátenataxanaxac. 14Qaláxasa 'ami da' 'uo ga' hueta'nỹet jañi' liquidiaqte ga' quiỹaxanaqtáqaic qataxa 'uo ga' naquitétaaque, qaláxasa n'óota da' sa ni'ỹoxodínỹi da' laỹátenaxanaxac, qá'a 'ená'am da' 'chi doqovínaxaatac qataxa dasoỹa'aguet da' ỹátaqta 'eesa lasoxoc. 15Qá'a dójo' naỹátenaxanaxac sa naqaida da' naỹátenaxanaxac 'me chiỹoqo'ot ñi' Dios. Jeda'me naqaida da' naỹátenaxanaxac 'me l'achaq'áina chiỹaqaỹi da' loqopi'chi jen' siỹaxadipi qataxa so' qadó'o paiỹac. 16Qá'a jega'me huet'ague ga' 'uo da' liquiỹáxa qataxa 'uo ga' 'chi naquitétaaque, qana'chi huéta'ña da' qaỹa ga' n'emáxac qataxa ỹima jen' sa nó'inpi. 17Qaláxasa ga' huet'oto' da' naỹátenataxanaxac 'me chiỹoqo'ot ñi' Dios, jega'me 'uáiñi da' huesóta da' l'óiỹaxac. Ỹim, qataxa 'uo da' neuálaxainaxac, sóxodaic, naquiaxanguet ga' laqáỹa, choxodénataxanaxaic, qataxa ỹí'et ga' ỹiỹamqáchiiñi. Jega'me qaỹa 'te ỹoxotétapiiñi. Na'chidáta da' huesóta. 18Qataxa jen' nepogoxóitapegue' da' n'emáxac, jen'me naqáina ỹáatapiiñi dójo' n'emáxac, qaidi jen' siỹaxadipi ỹátaqta huesóta da' l'óiỹaxac.
Currently Selected:
Santiago 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Santiago 3
3
Da' n'onataguec ñi' qadacháxat
1'Ami ỹaqai'ỹolqa, qaỹo' qomle da' jalcote jen' paxaguenataxanaxaic da' 'oñíita, qá'a sóxote 'auaỹáchiñii da' qo'mi 'me sapaxaguenataxanqátac, qo'mi naỹalóo'te ga' sa lec'óxotolec qane'uaxánaguec, sa senqá'am jen' qadaỹi. 2Qá'a qadema jalcote da' qadesómaxac. Qaláxasa da' 'uo ga' qaỹa ga' lesómaxac da' detaqa, jega'me siỹaxaua ỹátaqta nelóchiiñi, qá'a ỹátaqta ỹaỹáten da' ỹilo'ogue ỹima da' ló'oquiaxac. 3'Ená'am da' qo'mi da' sanqaỹilo gaua' naqa' leque'te ga' pegaq, qaidi sañoxotaq da' qo'mi ỹalaxagueta ga'me sasoxonaqat'egue. 4Sec'atenaq nataq'en jaga' nilicota. 'Me ỹátaqta lat'édai qataxa ỹátaqta sa lec'óxotolec jen' ỹ'axasoxotapeeguet laỹat, qaláxasa so' ló'o mai'chi ỹasáxatapiiñi jega'me ỹasoxot'egue, qamaale ỹátaqta cat'oñooc so'tai'me ỹiuoxóotapiỹe't. 5Naqaida da' 'éeta nataq'en ñi' qadacháxat. Jiñi'me sa lecolec, sa 'ena'ama naua' qadeuoxose'te laqáỹa'. Qalqaiga ỹátaqta napágaqtenaxaic da' detaqa.
¡Ỹátaqta let'ádaic ga' viaq ỹigóoue ga'tai' sa lecolec dóle'! 6Qá'a ñi' qadacháxat 'ená'am ga' dóle'. Jiñi'me ỹimata'a't ỹima jen' sa nó'inpi. Nétaaue da' qadó'oquiaxac qataxa ỹisepaxanaqtet. Jiñi'me na'chi 'eeta't da' ỹavíỹaxatetac da' qadeuoxoc. Qaláxasa jeda'me l'edáxa ỹachiỹoxotétapiỹi ga' dóle' 'me qaỹa 'te loiquiaqa'. 7Ga' siỹaxaua ỹañoxot da' ỹ'oxoỹaxat ga' 'oonolec naua' ỹise'olqa, 'uootaxa jen'me huáỹo, qataxa jen'me hualectalégue jen' 'aléua, qataxa jen'me huétaaue jen' noxop. 'Uo jen' sóxote qoỹ'oxoỹaxat. 8Qaláxasa qaỹa ga' ỹañoxot da' ỹ'oxoỹaxat ñi' qadacháxat. Jiñi'me ỹátaqta qalhuaxaic qataxa napinaxataic, qataxa ỹátaqta saqáchiỹi jen' sega'me dedónataxan 'me qoỹileem. 9Jiñi'me taiỹet da' si'ỹoxodénaq ñi' qadet'a Dios qataxa da' sesouenaq ga' siỹaxaua 'me l'onatac ñi' Dios da' 'ená'am qa'en da' mai'chi lasoxoc. 10Jen'me qandégaxat chiỹoqótapegooue da' qadi'ỹoxodénataxanaxac qataxa da' qadesouenaxanaxac. 'Ami ỹaqai'ỹolqa, sa nó'in qomle da' naq'áita dójo'. 11Jaga' nópi'ỹaxaqui 'me náatetaseguem jen' lé'ec, ¿'auéetapega jama qataxa n'oua? ¡'Ai'! 12'Ami ỹaqai'ỹolqa, jaga' higo lichidic, ¿'auéetapega ỹañoxot da' nesetéegue jaga' jala 'ená'am jan' lenaxat aceituna? Qataxa jaga' nañiise uva, ¿'auéetapecogamaxa ỹañoxot da' nesetéegue jaga' jala 'ená'am jan' jala jaga' higo lichidic? Qana'chi naq'áita nataq'en jaga' 'oonole nópi'ỹaxaqui sa ỹañoxot da' 'uootaxa n'oua qataxa jama jen' lé'ec.
Da' naỹátenataxanaxac 'me ỹátaqta 'eesa da' lasoxoc
13Da' 'uo ga' 'oonolec da' 'oñíita ỹátaqta ỹátenataxanaxaic qataxa 'uo jen' ỹaỹáten, ỹa ỹaloxon ga' ỹiỹamqáchiiñi n'onataguec qataxa da' huesóta lasoxoc 'me ỹachiỹoxotáaue da' laỹátenataxanaxac. 14Qaláxasa 'ami da' 'uo ga' hueta'nỹet jañi' liquidiaqte ga' quiỹaxanaqtáqaic qataxa 'uo ga' naquitétaaque, qaláxasa n'óota da' sa ni'ỹoxodínỹi da' laỹátenaxanaxac, qá'a 'ená'am da' 'chi doqovínaxaatac qataxa dasoỹa'aguet da' ỹátaqta 'eesa lasoxoc. 15Qá'a dójo' naỹátenaxanaxac sa naqaida da' naỹátenaxanaxac 'me chiỹoqo'ot ñi' Dios. Jeda'me naqaida da' naỹátenaxanaxac 'me l'achaq'áina chiỹaqaỹi da' loqopi'chi jen' siỹaxadipi qataxa so' qadó'o paiỹac. 16Qá'a jega'me huet'ague ga' 'uo da' liquiỹáxa qataxa 'uo ga' 'chi naquitétaaque, qana'chi huéta'ña da' qaỹa ga' n'emáxac qataxa ỹima jen' sa nó'inpi. 17Qaláxasa ga' huet'oto' da' naỹátenataxanaxac 'me chiỹoqo'ot ñi' Dios, jega'me 'uáiñi da' huesóta da' l'óiỹaxac. Ỹim, qataxa 'uo da' neuálaxainaxac, sóxodaic, naquiaxanguet ga' laqáỹa, choxodénataxanaxaic, qataxa ỹí'et ga' ỹiỹamqáchiiñi. Jega'me qaỹa 'te ỹoxotétapiiñi. Na'chidáta da' huesóta. 18Qataxa jen' nepogoxóitapegue' da' n'emáxac, jen'me naqáina ỹáatapiiñi dójo' n'emáxac, qaidi jen' siỹaxadipi ỹátaqta huesóta da' l'óiỹaxac.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.