Santiago 2
2
Sa qonquiỹáỹi jen' siỹaxadipi
1'Ami ỹaqáỹa', 'me 'au'amaqchíñii jeso'me ỹ'oxodaic qadesaliaxanec Jesucristo, 'ena'to' qomle da' 'anquiỹáitapiỹi jen' siỹaxadipi. 2Qá'a sa ỹiuénaaque da' 'uootaxa nenoxodéuo ga' 'ademáxaqui gaua' dos siỹaxa'u. Jega' 'oonolec ỹáataỹilo naua' liaxata chiisáxa 'oro qataxa naua' louo ỹátaqta 'ónaxaiqa. Qaláxasa ga' laqáỹa ỹáatrañi gaua' louo tóxoiqa. 3'Uootaxa ỹátaqta 'auloiỹet ga' ỹáatrañi gaua' 'ónaxaiqa nouo, 'oñíỹapega: “'Ans'óotanỹi qomle jánjo' 'ónaxai s'ónaxaqui.” Qaláxasa ga' choxodaq 'oñíỹapega: “'Am 'ouét'a díjo' 'anchaatéta'ña, 'uootaxa 'onéta'ña jena'me.” 4Da' na'chi 'oñíit'ec dójo', qana'chi 'ami sóxote da' 'anquiỹáitapiỹi jen' siỹaxadipi. Dójo' 'anquiỹáitapiỹi jen' siỹaxadipi chiỹoqótapiỹi jeda'me sa ỹiỹamaxañi 'adeenataxaquii.
5'Ami ỹaqáỹa', 'ami ñauotaxa'u, 'anaquiáxañiỹa da' ỹ'aqtac: Ñi' Dios liquiỹac jen' siỹaxadipi 'me choxodaq jen'me huetalégue jen' 'aléua, sétaaque da' qaỹa 'te hue da' lip'iỹáxac sega'me lesaliaxa, qataxa sétaaque da' talégue da' lalémaxaset qa'en ga' maliaxa nátauo l'onataxanaxac 'me ỹaloxóotapega ga' ỹátaqta ỹauotec jiñi'me. 6Qaláxasa 'ami 'auauóitaaque da' l'alóxo jen'me choxodaqpi. ¿Séetapega sa naqaino' na' saliaxanqapi da' ỹauótaaque da' 'an'queténaxaquii? ¿Sa naqaino' jen'me 'ami ỹauéca'ualo jen' net'alpi? 7¿Sa naqaino' jen'me 'me ỹisouéetac da' 'ónaxaic lenaxat so' Cristo jeda'me 'ami qoỹatámateque?
8Da' ỹátaqta 'eesa 'av'íchiitac jeda'me napacalégue jen' laỹi naqátaxacpi 'me 'eet'oi: “'Auauotec ga' 'adaqáỹa, 'auadénaxachiỹi da' mai'chi 'anauotela't,” jeda'me ỹátaqta ỹiỹamqáchiiñi. 9Qaláxasa qomle 'anquiỹáitapiỹi jen' siỹaxadipi, qana'chi 'ami 'auauóitaaque ga' 'adasouaxaquii, qana'chi ỹ'aqalégue da' sa 'aualaqailégue jen' laqátaxacpi ñi' Dios. 10Qá'a da' 'uo ga' siỹaxaua ỹátaqta ỹalaxalégue ỹima jen' naqátaxacpi, da' 'uootaxa 'uo ga' 'oonolec huasoilégue, qana'chi ỹi'quemaxaguet ỹima jen' naqátaxacpi. 11Qá'a ñi' Dios 'me 'enaac joca'li: “Sa 'adeuaua jaga' sa 'adoua,” nataq'en 'enaaco': “'Ená'te 'aualaataxan.” Qana'chi da' 'uo ga' sa leuaua jaga' sa loua, da' 'uootaxa dalaataxan, na'chiga ga' ỹ'aqalégue da' sa ỹalaxalégue jen' naqátaxacpi. 12Chan'eesa 'ami naqaida da' 'adetaxaỹaxaquii qataxa da' 'oñíit'ec, 'auadénaxachiichiỹi ga' qoỹasoxonot da' qaidi nimit da' naqátaxac 'me qo'mi huesóte' qa'e'n. 13Qá'a ga' sa ỹichoxoden ga' laqáỹa, qana'chi qoỹadénaxatet'egue qomle qonimit. Sa qoỹichoxodenalégue. Chan'eesa ga' 'uo da' lichoxodénataxanaxac, ỹátaqta qaỹa 'te 'uo qomle qonimiténa.
Da' nip'iỹáxac qataxa da' ỹiỹamqáchiiñi l'onataxanaxac
14'Ami ỹaqai'ỹolqa, ¿jái'chogamaxa náỹi da' 'uo ga' 'éetapega da' 'uo da' lip'iỹáxac, da' 'uootaxa sa ỹí'et ga' ỹiỹamqáchiiñi? ¿Séetapega ỹaqanatet da' nec'alaxatéegue dójo' lip'iỹáxac? 15Qá'a sa ỹiuénaaque da' 'uo ga' qadaỹi, 'uootaxa ga' qadaỹi ỹauodipi, 'uo da' louénaxanaxa ga' napoỹí'ña, 'uootaxa ga' ỹalic di' nolo'. 16Qana'chi 'uo ga' 'oonolec da' 'oñíita 'enapéga jega'me: “'Aue qomle, qaỹa 'te 'uo da' 'adadíquiaxac. Sa 'auénaaque ga' 'anapoỹí'ña qataxa ga' 'aualic.” Qaláxasa da' sa ỹanem ga' ỹ'oqóchiỹi louénec, ¿jái'chogamaxa náỹi dójo'? 17Naqaida da' 'éeta da' lip'iỹáxac ga' siỹaxaua. Da' qaỹa ga' ỹiỹamqáchiiñi l'onataxanaxac, qana'chi sega'me ỹileu da' lip'iỹáxac.
18Qaláxasa da' 'uo ga' 'enaac da' l'aqtac: “'Am 'uo da' 'adip'iỹáxac, jaỹim, qaamaxa 'uo da' ỹiỹamqáchiiñi ỹ'onataxanaxac.” Qaláxasa jaỹim senaac: “Ỹa jaỹim 'aualoxóna da' 'adip'iỹáxac 'andoqchíichiiñi, sa 'aualecteneuo ga' ỹiỹamqáchiiñi 'ad'onataxanaxac. Ỹim, qana'chi jaỹim 'am saloxóna da' ỹiỹamqáchiiñi l'onataxanaxac da' ỹip'iỹáxac.” 19'Am nalóta'uo da' 'adip'iỹáxac da' 'au'amaqten da' 'oonolec ñi' qan'étoqo't. Qana'chi jeda'me ỹátaqta ỹiỹamqáchiiñi. Qaláxasa nataq'en ỹ'amaqten dójo' jen' lamaxa'spi so' paiỹac qadó'o. Chan'eesa ỹátaqta ỹiviloxolaqtet da' loqolánaxa. 20Qaláxasa 'am ỹátaqta di'ỹoq da' qaỹa ga' 'auaỹátenaac, qá'a sa 'au'amaqten ga' siỹaxaua da' qaỹa ga' ỹiỹamqáchiiñi l'onataxanaxac, qana'chi sega'me ỹileu da' lip'iỹáxac. 21Ñi' Dios ỹimatá'ac da' 'ónaxaic siỹaxaua so' huá'au qadet'a Abraham ỹasouaxat da' ỹaneuo joca'li so' lec'óxot Isaac da' ỹa'uo lachítaqtaxanaqte, ỹachalégue jaso' nec'oỹoxonaxalate. 22Ỹa 'auc'ateno' dójo' 'éet'ec so' Abraham, da'me di'ỹoq qa'en da' 'uo da' lip'iỹáxac ỹasouaxat dójo' ỹí'et. Qana'chi dójo' lip'iỹáxac ỹivíd'a da' ỹátaqta nalóchiiñi ỹasouaxat da' ỹiỹamqáchiiñi l'onataxanaxac. 23Chan'eesa ỹipaquíchiilo naua' nidii's n'aqtaqa da' 'enaac: “So' Abraham ỹ'amaqten ñi' Dios ỹasouaxat dójo' lip'iỹáxac, qana'chi ñi' Dios ỹimatá'ac jeso'me da' 'ónaxaic siỹaxaua.” Chan'eesa so' Abraham qoỹatámatec da' náigaxaua ñi' Dios.
24'Ami ỹa 'auc'achiñii ñi' Dios da' ỹiỹamaxaden ga' siỹaxaua ỹasouaxat ga' ỹiỹamqáchiiñi l'onataxanaxac, sa na'chidáta da' lip'iỹáxac. 25Qana'chi naqaida nataq'en da' 'éet'ec jaso' queséeguetaxai Rahab joca'li ñi' Dios ỹimatá'ac jaso'me da' 'ónaxai ỹauo, ỹasouaxat dójo' ỹí'et. Qá'a jaso'me ỹa'uo ga' l'ochaqa't saua' nec'atenaxanaxanqa, qataxa lecochiỹalo da' ỹaqá'a ga' tadée'ga qa'e'n. 26Chan'eesa ga' nip'iỹáxac, da' qaỹa ga' ỹiỹamqáchiiñi l'onataxanaxac, sega'me ỹileu. 'Ená'am da' qadó'oquiaxac, da' qaỹa jeso'me cápegue' lepaqal, qana'chi ỹileu.
Currently Selected:
Santiago 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Santiago 2
2
Sa qonquiỹáỹi jen' siỹaxadipi
1'Ami ỹaqáỹa', 'me 'au'amaqchíñii jeso'me ỹ'oxodaic qadesaliaxanec Jesucristo, 'ena'to' qomle da' 'anquiỹáitapiỹi jen' siỹaxadipi. 2Qá'a sa ỹiuénaaque da' 'uootaxa nenoxodéuo ga' 'ademáxaqui gaua' dos siỹaxa'u. Jega' 'oonolec ỹáataỹilo naua' liaxata chiisáxa 'oro qataxa naua' louo ỹátaqta 'ónaxaiqa. Qaláxasa ga' laqáỹa ỹáatrañi gaua' louo tóxoiqa. 3'Uootaxa ỹátaqta 'auloiỹet ga' ỹáatrañi gaua' 'ónaxaiqa nouo, 'oñíỹapega: “'Ans'óotanỹi qomle jánjo' 'ónaxai s'ónaxaqui.” Qaláxasa ga' choxodaq 'oñíỹapega: “'Am 'ouét'a díjo' 'anchaatéta'ña, 'uootaxa 'onéta'ña jena'me.” 4Da' na'chi 'oñíit'ec dójo', qana'chi 'ami sóxote da' 'anquiỹáitapiỹi jen' siỹaxadipi. Dójo' 'anquiỹáitapiỹi jen' siỹaxadipi chiỹoqótapiỹi jeda'me sa ỹiỹamaxañi 'adeenataxaquii.
5'Ami ỹaqáỹa', 'ami ñauotaxa'u, 'anaquiáxañiỹa da' ỹ'aqtac: Ñi' Dios liquiỹac jen' siỹaxadipi 'me choxodaq jen'me huetalégue jen' 'aléua, sétaaque da' qaỹa 'te hue da' lip'iỹáxac sega'me lesaliaxa, qataxa sétaaque da' talégue da' lalémaxaset qa'en ga' maliaxa nátauo l'onataxanaxac 'me ỹaloxóotapega ga' ỹátaqta ỹauotec jiñi'me. 6Qaláxasa 'ami 'auauóitaaque da' l'alóxo jen'me choxodaqpi. ¿Séetapega sa naqaino' na' saliaxanqapi da' ỹauótaaque da' 'an'queténaxaquii? ¿Sa naqaino' jen'me 'ami ỹauéca'ualo jen' net'alpi? 7¿Sa naqaino' jen'me 'me ỹisouéetac da' 'ónaxaic lenaxat so' Cristo jeda'me 'ami qoỹatámateque?
8Da' ỹátaqta 'eesa 'av'íchiitac jeda'me napacalégue jen' laỹi naqátaxacpi 'me 'eet'oi: “'Auauotec ga' 'adaqáỹa, 'auadénaxachiỹi da' mai'chi 'anauotela't,” jeda'me ỹátaqta ỹiỹamqáchiiñi. 9Qaláxasa qomle 'anquiỹáitapiỹi jen' siỹaxadipi, qana'chi 'ami 'auauóitaaque ga' 'adasouaxaquii, qana'chi ỹ'aqalégue da' sa 'aualaqailégue jen' laqátaxacpi ñi' Dios. 10Qá'a da' 'uo ga' siỹaxaua ỹátaqta ỹalaxalégue ỹima jen' naqátaxacpi, da' 'uootaxa 'uo ga' 'oonolec huasoilégue, qana'chi ỹi'quemaxaguet ỹima jen' naqátaxacpi. 11Qá'a ñi' Dios 'me 'enaac joca'li: “Sa 'adeuaua jaga' sa 'adoua,” nataq'en 'enaaco': “'Ená'te 'aualaataxan.” Qana'chi da' 'uo ga' sa leuaua jaga' sa loua, da' 'uootaxa dalaataxan, na'chiga ga' ỹ'aqalégue da' sa ỹalaxalégue jen' naqátaxacpi. 12Chan'eesa 'ami naqaida da' 'adetaxaỹaxaquii qataxa da' 'oñíit'ec, 'auadénaxachiichiỹi ga' qoỹasoxonot da' qaidi nimit da' naqátaxac 'me qo'mi huesóte' qa'e'n. 13Qá'a ga' sa ỹichoxoden ga' laqáỹa, qana'chi qoỹadénaxatet'egue qomle qonimit. Sa qoỹichoxodenalégue. Chan'eesa ga' 'uo da' lichoxodénataxanaxac, ỹátaqta qaỹa 'te 'uo qomle qonimiténa.
Da' nip'iỹáxac qataxa da' ỹiỹamqáchiiñi l'onataxanaxac
14'Ami ỹaqai'ỹolqa, ¿jái'chogamaxa náỹi da' 'uo ga' 'éetapega da' 'uo da' lip'iỹáxac, da' 'uootaxa sa ỹí'et ga' ỹiỹamqáchiiñi? ¿Séetapega ỹaqanatet da' nec'alaxatéegue dójo' lip'iỹáxac? 15Qá'a sa ỹiuénaaque da' 'uo ga' qadaỹi, 'uootaxa ga' qadaỹi ỹauodipi, 'uo da' louénaxanaxa ga' napoỹí'ña, 'uootaxa ga' ỹalic di' nolo'. 16Qana'chi 'uo ga' 'oonolec da' 'oñíita 'enapéga jega'me: “'Aue qomle, qaỹa 'te 'uo da' 'adadíquiaxac. Sa 'auénaaque ga' 'anapoỹí'ña qataxa ga' 'aualic.” Qaláxasa da' sa ỹanem ga' ỹ'oqóchiỹi louénec, ¿jái'chogamaxa náỹi dójo'? 17Naqaida da' 'éeta da' lip'iỹáxac ga' siỹaxaua. Da' qaỹa ga' ỹiỹamqáchiiñi l'onataxanaxac, qana'chi sega'me ỹileu da' lip'iỹáxac.
18Qaláxasa da' 'uo ga' 'enaac da' l'aqtac: “'Am 'uo da' 'adip'iỹáxac, jaỹim, qaamaxa 'uo da' ỹiỹamqáchiiñi ỹ'onataxanaxac.” Qaláxasa jaỹim senaac: “Ỹa jaỹim 'aualoxóna da' 'adip'iỹáxac 'andoqchíichiiñi, sa 'aualecteneuo ga' ỹiỹamqáchiiñi 'ad'onataxanaxac. Ỹim, qana'chi jaỹim 'am saloxóna da' ỹiỹamqáchiiñi l'onataxanaxac da' ỹip'iỹáxac.” 19'Am nalóta'uo da' 'adip'iỹáxac da' 'au'amaqten da' 'oonolec ñi' qan'étoqo't. Qana'chi jeda'me ỹátaqta ỹiỹamqáchiiñi. Qaláxasa nataq'en ỹ'amaqten dójo' jen' lamaxa'spi so' paiỹac qadó'o. Chan'eesa ỹátaqta ỹiviloxolaqtet da' loqolánaxa. 20Qaláxasa 'am ỹátaqta di'ỹoq da' qaỹa ga' 'auaỹátenaac, qá'a sa 'au'amaqten ga' siỹaxaua da' qaỹa ga' ỹiỹamqáchiiñi l'onataxanaxac, qana'chi sega'me ỹileu da' lip'iỹáxac. 21Ñi' Dios ỹimatá'ac da' 'ónaxaic siỹaxaua so' huá'au qadet'a Abraham ỹasouaxat da' ỹaneuo joca'li so' lec'óxot Isaac da' ỹa'uo lachítaqtaxanaqte, ỹachalégue jaso' nec'oỹoxonaxalate. 22Ỹa 'auc'ateno' dójo' 'éet'ec so' Abraham, da'me di'ỹoq qa'en da' 'uo da' lip'iỹáxac ỹasouaxat dójo' ỹí'et. Qana'chi dójo' lip'iỹáxac ỹivíd'a da' ỹátaqta nalóchiiñi ỹasouaxat da' ỹiỹamqáchiiñi l'onataxanaxac. 23Chan'eesa ỹipaquíchiilo naua' nidii's n'aqtaqa da' 'enaac: “So' Abraham ỹ'amaqten ñi' Dios ỹasouaxat dójo' lip'iỹáxac, qana'chi ñi' Dios ỹimatá'ac jeso'me da' 'ónaxaic siỹaxaua.” Chan'eesa so' Abraham qoỹatámatec da' náigaxaua ñi' Dios.
24'Ami ỹa 'auc'achiñii ñi' Dios da' ỹiỹamaxaden ga' siỹaxaua ỹasouaxat ga' ỹiỹamqáchiiñi l'onataxanaxac, sa na'chidáta da' lip'iỹáxac. 25Qana'chi naqaida nataq'en da' 'éet'ec jaso' queséeguetaxai Rahab joca'li ñi' Dios ỹimatá'ac jaso'me da' 'ónaxai ỹauo, ỹasouaxat dójo' ỹí'et. Qá'a jaso'me ỹa'uo ga' l'ochaqa't saua' nec'atenaxanaxanqa, qataxa lecochiỹalo da' ỹaqá'a ga' tadée'ga qa'e'n. 26Chan'eesa ga' nip'iỹáxac, da' qaỹa ga' ỹiỹamqáchiiñi l'onataxanaxac, sega'me ỹileu. 'Ená'am da' qadó'oquiaxac, da' qaỹa jeso'me cápegue' lepaqal, qana'chi ỹileu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.