Imḍanen 2
2
Amḍiq n yiderman deg wegrur
1 Ameɣlal yenna i Musa d Harun : 2Yal adrum n wat Isṛail ad yesbedd iqiḍunen-is tama n usenǧaq-is, ddaw n tekbabt n twaculin-is. Igruren-nsen ad ilin agemmaḍ n uqiḍun n temlilit, ad as-d-zzin rrif rrif.
3Ɣer usamar, ad ibedd wegrur n Yahuda ddaw n usenǧaq-is, akken llant trebbaɛ n iserdasen-nsen. D Naḥcun mmi-s n Ɛaminadab i d aqerruy-nsen ; 4tazemmalt-nsen tesɛa 74 600 yirgazen. 5Ad ibedd ɣer tama-s agrur n wedrum n Yassakar. D Natanayil mmi-s n Ṣuɣar i d aqerruy-nsen ; 6tazemmalt-nsen tesɛa 54 400 yirgazen. 7Mbeɛd d adrum n Zabulun. D Aliyab mmi-s n Ḥilun i d aqerruy-nsen ; 8tazemmalt-nsen tesɛa 57 400 yirgazen. 9Yejmeɛ wegrur n Yahuda s tlata n tzemmal-agi : 186 400 n iserdasen, ad ṛuḥen d imezwura.
10Ɣer wenẓul, ad ibedd usenǧaq n wegrur n Ruban, akken llant tzemmal-is. D Iliṣur mmi-s n Cadayur i d aqerruy-nsen ; 11tazemmalt-nsen tesɛa 46 500 yirgazen. 12Ad ibedd ɣer tama-s wedrum n Cimɛun. D Calumyil mmi-s n Ṣuricadday i d aqerruy-nsen ; 13tazemmalt-nsen tesɛa 59 300 yirgazen. 14Mbeɛd d adrum n Gad, ad yili ɣer uqerruy-nsen Ilyasaf mmi-s n Raɛuil ; 15tazemmalt-nsen tesɛa 45 650 yirgazen. 16Yejmeɛ wegrur n Ruban s tlata n tzemmal-agi : 151 450 n iserdasen ; ad ṛuḥen d wis sin.
17Imiren ad iṛuḥ wegrur n wat Lawi s uqiḍun n temlilit, ad ilin wat Lawi di tlemmast n yegruren nniḍen. Ad ṛuḥen ɣef leḥsab n wamek i sbedden iqiḍunen-nsen, yal yiwen deg umkan-is, yal yiwen s usenǧaq-is.
18Ɣer umalu, ad ibedd usenǧaq n wegrur n Ifrayim, akken llant tzemmal-is, d Ilicama mmi-s n Ɛamihud i d aqerruy-nsen ; 19tazemmalt-nsen tesɛa 40 500 yirgazen. 20Ad ibedd ɣer tama-s wegrur n Manassa. D Ǧamliyil mmi-s n Fadahṣur i d aqerruy-nsen ; 21tazemmalt-nsen tesɛa 32 200 yirgazen. 22Mbeɛd d adrum n Benyamin, d Abidan mmi-s n Ǧidɛuni i d aqerruy-nsen ; 23tazemmalt-nsen tesɛa 35 400 yirgazen. 24Yejmeɛ wegrur n Ifrayim s tlata n tzemmal-agi : 108 100 ; ad ṛuḥen d wis tlata.
25Ɣer umalu, ad ibedd usenǧaq n wegrur n Dan, akken llant tzemmal-is. D Axiɛazar mmi-s n Ɛammicadday i d aqerruy-nsen ; 26tazemmalt-nsen tesɛa 62 700 yirgazen. 27Ad ibedd ɣer tama-s wegrur n Acir. D Faǧɛiyil mmi-s n Ɛukran i d aqerruy-nsen ; 28tazemmalt-is tesɛa 41 500 yirgazen. 29Mbeɛd d adrum n Naftali, ad yili ɣer uqerruy-nsen Axiraɛ mmi-s n Ɛinan. 30Tazemmalt-nsen tesɛa 53 400 yirgazen. 31Yejmeɛ wegrur n Dan s tlata n tzemmal-agi : 157 600 yirgazen. Ad ṛuḥen d ineggura s isenǧaqen-nsen.
32Leḥsab n wat Isṛail yettwajerrden s yiderman-nsen d tzemmal-nsen yewweḍ 603 550 yirgazen. 33At Lawi ur ttwaḥesben ara akked wat Isṛail nniḍen, am akken i t-yumeṛ Umeɣlal i Musa.
34Xedmen wat Isṛail ayen akk i d-yumeṛ Umeɣlal i Musa. Sbeddayen iqiḍunen-nsen tama n isenǧaqen-nsen, teddun yal yiwen s twacult-is d wedrum-is.
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.