Matayo Entangiriro
Entangiriro
Matayo yi wayandikaga chino gitaabu. Oyu Matayo aliiri mufurhiisa w'amakooli. Baliiri bayirika kandi mpu ye Laawi (Mariko 2.14). Yeesu amuhamagala y'abe muguma w'omu bigirizwa baage ekumi na babiri (Matayo 9.9)
Chino gitaabu cha Matayo gishimanyenye endaganyo mpyaahya n'eya miira. Echi gitaabu chiyerekeene oku Yeesu Kirisitu ye Masiiya, ola abaleebi bw'omu ndagano ya miira, balebaga. Kandi anali Mwami mukulu waburhwaga omu mulala gwa Daawudi, mwami w'aBayaahudi. Matayo ayandikaga guno Mwazi mwinja omu gushonda beene baabo, aBayaahudi bayemeere Yeesu nka Mwami na muchunguzi waabo. Aliko eyi anayerekeene kw'ogu Mwazi Mwinja gunali gw'abantu booshi. Oku buzinda bw'echi gitaabu, Yeesu abwira abigirizwa baage oku bagende, bajire abantu b'embaga zooshi bigirizwa baage (Matayo 28.19).
Oku murhondero gwa chino gitaabu, Matayo ayerekeene egisisi Yeesu aburhwaga mo, anashambeere oku arhengeere omu lubaga lw'aBayaahudi. Matayo ashambeere elugulu w'okuburhwa kwa Yeesu, n'emyaazi alemaga ayigiriza abantu na ey'alemaga ayigiriza abigirizwa baage omu kubarheganya omu kaasi kw'okubala oMwazi Mwinja. Na kandi ashambeere elugulu w'ebisomereene Yeesu alemaga ajira, n'elugulu w'ogufa lwage oku musalaaba, n'ogufuuka kwaage. Obuzinda bwa chino gitaabu buyerekeene akaasi abigirizwa ba Yeesu bahemerwe kugendekera bajira.
Currently Selected:
Matayo Entangiriro: HAV
Highlight
Share
Compare
Copy
Want to have your highlights saved across all your devices? Sign up or sign in
©️2025 The Seed Company, Association de Traduction de la Bible et Alphabétisation (ATBA), and the Comittee de Langue Havu