प्रेरित 2
2
पेन्तिकोस छ्याम पबित्र आत्मा राउ
1पेन्तिकोस हैयादाज्याउ यहुदि पर्ब राद ओलेक, येसुलाइ बिस्वास दान्यार स्यो तुबुक अस्दुसिउ लेर#लेवि २३:१५-२१; व्यबस्था १६:९-११। 2हो बेलाक एक्कासि स्वर्गतिं घ्यो नम्बुर् उमुरो मदिउ अर्गा राके, हैजैद नोर यालिज्याउ झिम् भरि पलेंके। 3नोराइ यालेउक मि मुल्का मदिउ रैंके हैजैद ओभाग-ओभाग जास्द स्योराइ यातर्त चुँके। 4हैजैद नोर स्यो पबित्र आत्मावइ भरिपुर्न जास्केर, हुकिं पबित्र आत्माङि सक्ति अस्दैद नोर गुँ खाम् अस्पाँकेर।
5होबेलाक यरुसलेमल मादमिलाउ स्यो देसङि परमेस्वरवइ ओसेवा दान्या यहुदिर राउर लेर। 6नोक याजेवाँसिज्याउ थैद जताकताङि भ्या अर्मिर अस्दुसिकेर। नेलाइलेक याखाम्ल यास्पाँज्याउ थैद नोर स्यो छक् परिकेर। 7नोर स्योराइ अचम्ब मानिद हैलेकेर, “आउ अस्पाँज्याउर स्यो गालिल्लाउ अर्मिर म्हा रो? 8हुकिं कैजैद आर स्योराइ गेखाम्ङि यास्पाँज्याउ गेथैज्या? 9आक गे पार्थिर, मादिर सोनो एलामिर, मेसोपोतामियालाउर, यहुदियालाउर, कापादोकियालाउर, पोन्तस सोनो एसियालाउ बासिन्दार गिलिज्या। 10फ्रिगिया, पामफिलिया, मिस्र सोनो कुरेनिल परिन्या लिबियालाउ खो छेत्रर, रोम सहरङि राउ यहुदि सोनो यहुदि मत मानिन्या गुँ जातलाउर गिलिज्या, 11क्रेत तापुलाउ बासिन्दार सोनो अरबिर ब गिलिज्या, हैजैद गे गेखाम्-गेखाम्ङि परमेस्वरवइ महान ओएन्राइ याचर्चा नोराइ यादाज्याउ गेथैज्या।” 12नोर स्यो अचम्ब परिकेर हुकिं अल्मलिद तुबुइ-तुबुलाइ “आवइ ओअर्थ नाति?” हैलेद अस्गेंसिकेर।
13तर खो-खोराइ गिल्दैद “नोर सारो लिस् ओद मुँद लेर” हैयादोकेर।
पत्रुसवइ ओसन्देस
14हुकिं पत्रुसवइ गुँ एघार जनाराइ याखार्ङि च्याँद घ्यो अर्गास नोरलाइ हैयादोकेउ, “यहुदियालाउ अर्मिर, सोनो यरुसलेम्लाउ लिज्याउ स्यो अर्मिर, जे आउ अस्पाँ सैंच्यो, ङा ङास्पाँ थैच्यो। 15जे जेसम्झिनौ मदिउ आर मुँउर म्हा, नेलाइलेक बाभाते छकल्याकाउ नौ बजिद ले। 16तर परमेस्वरङि अस्पाँन्या योएलवइ परमेस्वरवइ ओबचनल अइजैद अप्सर्द नौ।
17‘अन्तिम दिनराल अमदिउ जास्न्या ले हैलेद परमेस्वरवइ हैलेज्या,
ङा स्यो अर्मिरलाइ ङाआत्मा यान्या ङाले,
हैजैद सलेपा जेजार, सोनो मिमा जेजाराइ अगमबानि अस्पाँन्या लेर,
याँराँउराइ दर्सन राँन्या लेर,
सोनो स्यार्जा जुजाराइ अर्मु अर्मुन्या लेर#योएल २:२८-३२ ।
18होबेलाक ङा ङासेवा दान्या सलेपा मिमारलाइ ङाआत्मा यान्या ङाले,
हैजैद नोराइ अगमबानि अस्पाँन्या लेर।
19ङा रोत नम्त अचम्बलाउ चिनोर अस्तैंन्या ङाले,
सोनो मेल मादमिल अचम्बलाउ एन्र दान्या ङाले।
झि, मिं सोनो मुस्ला रैंन्या ले।
20परमप्रभुवइ घ्यो ओमहिमालाउ दिन रान्या भन्दा बरिदि,
घाम् मिंमाराँउ जास्न्या ले सोनो स्यावइ झि मदिउ ग्याँउ जास्न्या ले।
21होबेलाक जोइ परमप्रभुइ उर्मि पुकारिउ,
होइ उद्धार अस्दैन्या ले।’
22“इस्राएलि दाज्युभाइर आउ अस्पाँ थैच्यो, परमेस्वरवइ येसुङि सक्तिसालि एन्र दाद, अचम्ब-अचम्बलाउ चिनोर अस्तैंद जेखार्ल नासरतलाउ येसुलाइ ओल्ज उस्परिंउ हैलेन्या प्रमान याद नौ। 23परमेस्वरवइ ओल् ओयोजना सोनो ग्यान अनुसार येसुलाइ जिकुइत सुम्पिकेउ, हैजैद जे येसुलाइ अधर्मि अर्मिराइ याकुइत सुम्पिद क्रुस्त जुन्दैद जेसैके#मत्ति २७:३५; मर्कुस १५:२४; लुका २३:३३; युहन्ना १९:१८। 24तर परमेस्वरवइ येसुलाइ सिउङि जिंदो जैद, सिन्याङि छुतैकेउ। नेलाइलेक येसुलाइ सिन्याइ म्हारुकिदुउ#मत्ति २८:५-६; मर्कुस १६:६; लुका २४:५। 25दाउद अर्गेवइ ब ख्रिस्तवइ ओबारेल अइलेले,
‘प्रभुलाइ ङा ओगोरे ङाबरिक ङाराँज्या,
नेलाइलेक गमाछेक हैलेद, ङासुरुछ्या दान्या ख्रिस्त ङास लिज्या#भजनसंग्रह १६:८-११।
26होकारन ङा ङायुउँङि ज खुसि जास्द,
खुसिलाउ गित ङागैज्या।
होकारन ङा ङासिदिब,
फिरि जिंदो जास्न्या आस्ल बाँचिन्या ङाले।
27नेलाइलेक ना ङा ङासरिरलाइ सागर्ल बनैन्या नमाले,
नत ङा परम पबित्र नजनवइ ङासरिरलाइ चिउ यान्या नले।
28ना ङालाइ जिबनलाउ घ्वा अस्तैंद नयाँके,
ङा नास ङालेक खुसि जास्द ङारैंज्या।’
29“ङादाज्यु-भाइर, ङा जेलाइ गिपुर्खा दाउदवइ ओबारेल अप्चाद हैङादाच्योदु। ओल् सिके हैजैद गादिकेर, हुकिं ओसागर आर्क सम ब लिज्या। 30तर दाउद परमेस्वरङि अस्पाँन्या ओजासो कारनवइ ओल्लाइ थाहा ले। ओल् ओसन्तानङि ज तुबुलाइ उसिंहासनत सप्चैन्या ले। नेलाइलेक परमेस्वरवइ कसम ज्याद ओल्स बाचा दासिउ ले#भजनसंग्रह १३२:११; २समुएल ७:१२-१३। 31परमेस्वरवइ दान्या एन् पहिलाकिं ज राँद दाउदवइ मुक्ति यान्या ख्रिस्त सिउङि फिरि जिंदो जास्न्या ले हैलेन्या बारेल अइलेले, ‘ओल्लाइ सागरल माबनैकेउ न त ओसरिरलाइ ज चिउ योकेउ।’ 32परमेस्वरवइ आउ येसुलाइ जिंदो ओजौ अस्पाँवइ ओसाछि गे गिलिज्या। 33परमेस्वर बाबुइ ओसक्तिवइ येसुलाइ ओर्फताउ उकुइफ सम्मान स सप्चैंकेउ। ओल् बाचा ओदोउ अनुसार येसुलाइ पबित्र आत्मा योकेउ, हुकिं प्रभु येसुवइ हो पबित्र आत्मा ज आर्क गेलाइ यानैसिउ, आउ अस्पाँ आर्क जे जेराँज्या सोनो जेथैज्या। 34नेलाइलेक दाउद ओल्जते स्वर्ग माहिंके, तर ओल् हैलेज्या,
‘परमप्रभुइ ङाप्रभुलाइ हैदोकेउ,
ना ओर्फताउ ङाकुइफ लेनि#भजनसंग्रह ११०:१
35जब सम ङा नसुतर्रलाइ नखुँबाँल ङामापारै।’
36“होकारन इस्राएललाउ स्यो अर्मिराइ आउ अस्पाँ सउँपरि, जे क्रुस्त जेसौ येसुलाइ ज परमेस्वरवइ प्रभु सोनो मुक्ति यान्या ख्रिस्त जैकेउ।”
37आउ अस्पाँ थैद नोराइ यायुउँ छिया-छिया जास्के, हुकिं नोराइ पत्रुस सोनो गुँ प्रेरितरलाइ “ए दाज्युभाइर, गे कैलेन्या?” हैलेद हैयादोकेर।
38पत्रुसवइ नोरलाइ हैयादोकेउ, “जे जेदोउ स्यो पापङि ओल्च्यो, हैजैद जेपाप छेमाको लागि येसु ख्रिस्तवइ उर्मित बप्तिस्मा रैच्यो हुकिं जे स्योराइ परमेस्वरवइ ओबर्दान पबित्र आत्मा अस्दैन्या जेले। 39नेलाइलेक आउ पबित्र आत्मावइ ओप्रतिग्या जेको लागि सोनो जेसन्तानराको लागि हुकिं तादा-तादाल लिज्याउ गुँ जातिरको लागि जो-जोरलाइ परमप्रभु गेपरमेस्वरवइ याखुल्नौ होर स्योरको लागि।”
40पत्रुसवइ नोरलाइ गुँ भ्या अस्पाँर हैदाद गवाहि यायोकेउ, “आउ दुस्त पुस्ता त रान्या दन्दङि हुसियार लेच्यो।” हैदाद अर्ति ब यायोकेउ। 41लेमाले अर्मिराइ पत्रुसवइ ओस्पाँत बिस्वास दाद बप्तिस्मा रैकेर। होछ्याम् बप्तिस्मा रैन्या अर्मिर गोइमादि सों हजार ह्वाकाना कलेसोर लेर।
बिस्वासिराइ यासङ्गति
42हुकिं नोर प्रेरितरास स्युसिन्या, सङ्गति दान्या, ज्याउ ज्यान्या सोनो ओगोरे प्राथना दाज्याउर लेर।
43प्रेरितराइ यादोउ अचम्बलाउ एन्र सोनो चिनोर राँद स्यो अर्मिर छक् परिकेर। होकारनवइ स्यो अर्मिराइ परमेस्वरलाइ आदर दोकेर। 44प्रभुलाइ बिस्वास दान्या अर्मिभरि स्यो सिप् अस्दुसिर, हुकिं नोराइ स्यो याचिज-बिज याखार्ल ले#प्रेरित ४:३२-३५। 45नोराइ यासम्पति सोनो यामाल सामान वेयेद जो-जोरलाइ खाँचो परि होरलाइ भाद यायोर। 46नोर स्यो सिप् जास्द दिना-दिन परमेस्वरवइ ओमन्दिरल अस्दुसिर, सोनो मिलिद झिम् झिम्ल हिंद खुसिस नम्र जास्द ज्याउ ज्योर। 47सोनो परमेस्वरवइ ओप्रसंसा दोर। गुँ अर्मिराइ ब नोरलाइ राँद यामन् लागि। हुकिं प्रभुइ उद्धार अस्दैन्यारलाइ दिना-दिन यासङख्यात थप्द यायोउ।
Currently Selected:
प्रेरित 2: MAIK
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
प्रेरित 2
2
पेन्तिकोस छ्याम पबित्र आत्मा राउ
1पेन्तिकोस हैयादाज्याउ यहुदि पर्ब राद ओलेक, येसुलाइ बिस्वास दान्यार स्यो तुबुक अस्दुसिउ लेर#लेवि २३:१५-२१; व्यबस्था १६:९-११। 2हो बेलाक एक्कासि स्वर्गतिं घ्यो नम्बुर् उमुरो मदिउ अर्गा राके, हैजैद नोर यालिज्याउ झिम् भरि पलेंके। 3नोराइ यालेउक मि मुल्का मदिउ रैंके हैजैद ओभाग-ओभाग जास्द स्योराइ यातर्त चुँके। 4हैजैद नोर स्यो पबित्र आत्मावइ भरिपुर्न जास्केर, हुकिं पबित्र आत्माङि सक्ति अस्दैद नोर गुँ खाम् अस्पाँकेर।
5होबेलाक यरुसलेमल मादमिलाउ स्यो देसङि परमेस्वरवइ ओसेवा दान्या यहुदिर राउर लेर। 6नोक याजेवाँसिज्याउ थैद जताकताङि भ्या अर्मिर अस्दुसिकेर। नेलाइलेक याखाम्ल यास्पाँज्याउ थैद नोर स्यो छक् परिकेर। 7नोर स्योराइ अचम्ब मानिद हैलेकेर, “आउ अस्पाँज्याउर स्यो गालिल्लाउ अर्मिर म्हा रो? 8हुकिं कैजैद आर स्योराइ गेखाम्ङि यास्पाँज्याउ गेथैज्या? 9आक गे पार्थिर, मादिर सोनो एलामिर, मेसोपोतामियालाउर, यहुदियालाउर, कापादोकियालाउर, पोन्तस सोनो एसियालाउ बासिन्दार गिलिज्या। 10फ्रिगिया, पामफिलिया, मिस्र सोनो कुरेनिल परिन्या लिबियालाउ खो छेत्रर, रोम सहरङि राउ यहुदि सोनो यहुदि मत मानिन्या गुँ जातलाउर गिलिज्या, 11क्रेत तापुलाउ बासिन्दार सोनो अरबिर ब गिलिज्या, हैजैद गे गेखाम्-गेखाम्ङि परमेस्वरवइ महान ओएन्राइ याचर्चा नोराइ यादाज्याउ गेथैज्या।” 12नोर स्यो अचम्ब परिकेर हुकिं अल्मलिद तुबुइ-तुबुलाइ “आवइ ओअर्थ नाति?” हैलेद अस्गेंसिकेर।
13तर खो-खोराइ गिल्दैद “नोर सारो लिस् ओद मुँद लेर” हैयादोकेर।
पत्रुसवइ ओसन्देस
14हुकिं पत्रुसवइ गुँ एघार जनाराइ याखार्ङि च्याँद घ्यो अर्गास नोरलाइ हैयादोकेउ, “यहुदियालाउ अर्मिर, सोनो यरुसलेम्लाउ लिज्याउ स्यो अर्मिर, जे आउ अस्पाँ सैंच्यो, ङा ङास्पाँ थैच्यो। 15जे जेसम्झिनौ मदिउ आर मुँउर म्हा, नेलाइलेक बाभाते छकल्याकाउ नौ बजिद ले। 16तर परमेस्वरङि अस्पाँन्या योएलवइ परमेस्वरवइ ओबचनल अइजैद अप्सर्द नौ।
17‘अन्तिम दिनराल अमदिउ जास्न्या ले हैलेद परमेस्वरवइ हैलेज्या,
ङा स्यो अर्मिरलाइ ङाआत्मा यान्या ङाले,
हैजैद सलेपा जेजार, सोनो मिमा जेजाराइ अगमबानि अस्पाँन्या लेर,
याँराँउराइ दर्सन राँन्या लेर,
सोनो स्यार्जा जुजाराइ अर्मु अर्मुन्या लेर#योएल २:२८-३२ ।
18होबेलाक ङा ङासेवा दान्या सलेपा मिमारलाइ ङाआत्मा यान्या ङाले,
हैजैद नोराइ अगमबानि अस्पाँन्या लेर।
19ङा रोत नम्त अचम्बलाउ चिनोर अस्तैंन्या ङाले,
सोनो मेल मादमिल अचम्बलाउ एन्र दान्या ङाले।
झि, मिं सोनो मुस्ला रैंन्या ले।
20परमप्रभुवइ घ्यो ओमहिमालाउ दिन रान्या भन्दा बरिदि,
घाम् मिंमाराँउ जास्न्या ले सोनो स्यावइ झि मदिउ ग्याँउ जास्न्या ले।
21होबेलाक जोइ परमप्रभुइ उर्मि पुकारिउ,
होइ उद्धार अस्दैन्या ले।’
22“इस्राएलि दाज्युभाइर आउ अस्पाँ थैच्यो, परमेस्वरवइ येसुङि सक्तिसालि एन्र दाद, अचम्ब-अचम्बलाउ चिनोर अस्तैंद जेखार्ल नासरतलाउ येसुलाइ ओल्ज उस्परिंउ हैलेन्या प्रमान याद नौ। 23परमेस्वरवइ ओल् ओयोजना सोनो ग्यान अनुसार येसुलाइ जिकुइत सुम्पिकेउ, हैजैद जे येसुलाइ अधर्मि अर्मिराइ याकुइत सुम्पिद क्रुस्त जुन्दैद जेसैके#मत्ति २७:३५; मर्कुस १५:२४; लुका २३:३३; युहन्ना १९:१८। 24तर परमेस्वरवइ येसुलाइ सिउङि जिंदो जैद, सिन्याङि छुतैकेउ। नेलाइलेक येसुलाइ सिन्याइ म्हारुकिदुउ#मत्ति २८:५-६; मर्कुस १६:६; लुका २४:५। 25दाउद अर्गेवइ ब ख्रिस्तवइ ओबारेल अइलेले,
‘प्रभुलाइ ङा ओगोरे ङाबरिक ङाराँज्या,
नेलाइलेक गमाछेक हैलेद, ङासुरुछ्या दान्या ख्रिस्त ङास लिज्या#भजनसंग्रह १६:८-११।
26होकारन ङा ङायुउँङि ज खुसि जास्द,
खुसिलाउ गित ङागैज्या।
होकारन ङा ङासिदिब,
फिरि जिंदो जास्न्या आस्ल बाँचिन्या ङाले।
27नेलाइलेक ना ङा ङासरिरलाइ सागर्ल बनैन्या नमाले,
नत ङा परम पबित्र नजनवइ ङासरिरलाइ चिउ यान्या नले।
28ना ङालाइ जिबनलाउ घ्वा अस्तैंद नयाँके,
ङा नास ङालेक खुसि जास्द ङारैंज्या।’
29“ङादाज्यु-भाइर, ङा जेलाइ गिपुर्खा दाउदवइ ओबारेल अप्चाद हैङादाच्योदु। ओल् सिके हैजैद गादिकेर, हुकिं ओसागर आर्क सम ब लिज्या। 30तर दाउद परमेस्वरङि अस्पाँन्या ओजासो कारनवइ ओल्लाइ थाहा ले। ओल् ओसन्तानङि ज तुबुलाइ उसिंहासनत सप्चैन्या ले। नेलाइलेक परमेस्वरवइ कसम ज्याद ओल्स बाचा दासिउ ले#भजनसंग्रह १३२:११; २समुएल ७:१२-१३। 31परमेस्वरवइ दान्या एन् पहिलाकिं ज राँद दाउदवइ मुक्ति यान्या ख्रिस्त सिउङि फिरि जिंदो जास्न्या ले हैलेन्या बारेल अइलेले, ‘ओल्लाइ सागरल माबनैकेउ न त ओसरिरलाइ ज चिउ योकेउ।’ 32परमेस्वरवइ आउ येसुलाइ जिंदो ओजौ अस्पाँवइ ओसाछि गे गिलिज्या। 33परमेस्वर बाबुइ ओसक्तिवइ येसुलाइ ओर्फताउ उकुइफ सम्मान स सप्चैंकेउ। ओल् बाचा ओदोउ अनुसार येसुलाइ पबित्र आत्मा योकेउ, हुकिं प्रभु येसुवइ हो पबित्र आत्मा ज आर्क गेलाइ यानैसिउ, आउ अस्पाँ आर्क जे जेराँज्या सोनो जेथैज्या। 34नेलाइलेक दाउद ओल्जते स्वर्ग माहिंके, तर ओल् हैलेज्या,
‘परमप्रभुइ ङाप्रभुलाइ हैदोकेउ,
ना ओर्फताउ ङाकुइफ लेनि#भजनसंग्रह ११०:१
35जब सम ङा नसुतर्रलाइ नखुँबाँल ङामापारै।’
36“होकारन इस्राएललाउ स्यो अर्मिराइ आउ अस्पाँ सउँपरि, जे क्रुस्त जेसौ येसुलाइ ज परमेस्वरवइ प्रभु सोनो मुक्ति यान्या ख्रिस्त जैकेउ।”
37आउ अस्पाँ थैद नोराइ यायुउँ छिया-छिया जास्के, हुकिं नोराइ पत्रुस सोनो गुँ प्रेरितरलाइ “ए दाज्युभाइर, गे कैलेन्या?” हैलेद हैयादोकेर।
38पत्रुसवइ नोरलाइ हैयादोकेउ, “जे जेदोउ स्यो पापङि ओल्च्यो, हैजैद जेपाप छेमाको लागि येसु ख्रिस्तवइ उर्मित बप्तिस्मा रैच्यो हुकिं जे स्योराइ परमेस्वरवइ ओबर्दान पबित्र आत्मा अस्दैन्या जेले। 39नेलाइलेक आउ पबित्र आत्मावइ ओप्रतिग्या जेको लागि सोनो जेसन्तानराको लागि हुकिं तादा-तादाल लिज्याउ गुँ जातिरको लागि जो-जोरलाइ परमप्रभु गेपरमेस्वरवइ याखुल्नौ होर स्योरको लागि।”
40पत्रुसवइ नोरलाइ गुँ भ्या अस्पाँर हैदाद गवाहि यायोकेउ, “आउ दुस्त पुस्ता त रान्या दन्दङि हुसियार लेच्यो।” हैदाद अर्ति ब यायोकेउ। 41लेमाले अर्मिराइ पत्रुसवइ ओस्पाँत बिस्वास दाद बप्तिस्मा रैकेर। होछ्याम् बप्तिस्मा रैन्या अर्मिर गोइमादि सों हजार ह्वाकाना कलेसोर लेर।
बिस्वासिराइ यासङ्गति
42हुकिं नोर प्रेरितरास स्युसिन्या, सङ्गति दान्या, ज्याउ ज्यान्या सोनो ओगोरे प्राथना दाज्याउर लेर।
43प्रेरितराइ यादोउ अचम्बलाउ एन्र सोनो चिनोर राँद स्यो अर्मिर छक् परिकेर। होकारनवइ स्यो अर्मिराइ परमेस्वरलाइ आदर दोकेर। 44प्रभुलाइ बिस्वास दान्या अर्मिभरि स्यो सिप् अस्दुसिर, हुकिं नोराइ स्यो याचिज-बिज याखार्ल ले#प्रेरित ४:३२-३५। 45नोराइ यासम्पति सोनो यामाल सामान वेयेद जो-जोरलाइ खाँचो परि होरलाइ भाद यायोर। 46नोर स्यो सिप् जास्द दिना-दिन परमेस्वरवइ ओमन्दिरल अस्दुसिर, सोनो मिलिद झिम् झिम्ल हिंद खुसिस नम्र जास्द ज्याउ ज्योर। 47सोनो परमेस्वरवइ ओप्रसंसा दोर। गुँ अर्मिराइ ब नोरलाइ राँद यामन् लागि। हुकिं प्रभुइ उद्धार अस्दैन्यारलाइ दिना-दिन यासङख्यात थप्द यायोउ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.