2 Amurǝm MƏNCAU
MƏNCAU
Ɓaria Malǝmce mala Amurǝma ka lidǝmba nǝ acau-ɓaraɓara mala adomurǝm ɓari mala Isǝrayila aban mǝnana malǝmce 1 Amurǝma mǝdǝmbe cam kam ngga. Mǝnia yì malǝmce ka à nǝ̀ gandǝ gauwe arǝ abanì ɓari: (1) Kǝɓicau amur adomurǝm ɓari, twal a bàkú mǝnana ue apǝlǝa gbǝman-tongno-nong-tàrú nǝ lumi-tongno (850) sǝ ɓǝà yi ɓǝl Kǝrǝsti ka aban ká a bàkú mala kpa mala Samariya andǝ masǝlǝata domurǝm mǝnana a njarnza a bàkú mǝnana ue apǝlǝa gbǝman-tongno-nong-ɓari nǝ lumi-ɓari nong ɓari (722) sǝ ɓǝà yi ɓǝl Kǝrǝsti ka; (2) Kǝɓicau amur domurǝm mala Yahuda twal a kpa mala domurǝm mala Isǝrayila kya pur a bàkú mǝnana Murǝm Nebukaneza mala amǝ Babila yi li Urǝshalima nǝ lwa sǝ kiɗiki, a bàkú mǝnana ue apǝlǝa gbǝman-tongno nǝ lumi-tongno-nong-tàrú bwamdǝ tongno-nong-mwashat (586) sǝ ɓǝà yi ɓǝl Kǝrǝsti ka. Malǝmcenî yi masǝlǝte nǝ caugilǝe amur Gedaliya kǝla nggwamna mala Yahuda aɓata yálmúrû mala amǝ Babila, andǝ cau mǝnana à tasǝì sǝ à yi ne amur panzǝ Murǝm Jehoyacin mala Yahuda a ndàkurban a Babila ka.
Amǝnia yì agir'murmwana mala nzalinì ka à yi kumban atà cau mala ɗwanyi domǝsǝcau mala amurǝma andǝ aɓwana mala Isǝrayila andǝ Yahuda. Kìɗìkya mǝnana a kiɗiki Urǝshalima andǝ pwano mǝnana à pwan aɓwana mala Yahuda pas sǝ à umnǝia a bǝri-nzali ka, nda ɓegìr nggea mǝgule mǝnana yinǝ nggaɗi aɓa cau-ɓaraɓara mala Isǝrayila ka.
Mǝɓangnǝa mala Ɓakuli mana pur a kúnban a pakkiagir aɓa malǝmce 2 Amurǝma ka nda Ilisha mǝnana ak túrô a bu Iliya ka.
Agir mǝnana a ɓālǝi ka acau.
Domurǝm mana gau ka ka 1:1--17:41
Mǝɓangnǝa Ilisha 1:1--8:15
Amurǝma mala Yahuda andǝ Isǝrayila 8:16--17:4
Kpa mala Samariya 17:5-41
Domurǝm mala Yahuda 18:1--25:30
Lo aban Hezekiya ka kya bwal ban Yahuda 18:1--21:26
Yálmúrû mala Josiya 22:1--23:30
Amurǝma mǝ'nzǝmoe mala Yahuda 23:31--24:20
Kpa mala Urǝshalima 25:1-30
Currently Selected:
2 Amurǝm MƏNCAU: mbu
Highlight
Copy
Compare
Share
Want to have your highlights saved across all your devices? Sign up or sign in
©️2022 The Seed Company