Захария 14

Сөөлгү дайын-чаа, Бурганның чедип кээри

1 # Иса. 13:6; Иоил 1:15; Авд. 1:15; Соф. 1:7Дээрги-Чаяакчының хөделип үнер хүнү кел чыдыр. Иерусалим, дайзыннар сээң байлааңны сээң иштиңге үлежир-дир. 2# Иоил 3:2; Соф. 3:8 || Ыы. 5:11; Иса. 13:16 || Мф. 24:40-41Бүгү чоннарны Иерусалимге удур дайын чорудары-биле чыыптар мен: хоорай эжелеттирер, бажыңнар үптеттирер, а херээжен улус күштеттирер. Хоорайның чурттакчыларының чартык кезиин тудуп аппаар, а арткан кезиин хоорайга арттырып каар.

3Дээрги-Чаяакчы ынчан ол чоннарга удур үнүп келгеш, дайын-чаа үезинде тулушкан дег, олар-биле тулчур. 4# 2 Хаан. 15:30; Мк. 11:1; Аж.-ч. 1:12 || Иез. 11:23Ол хүн Ооң буттары Иерусалимниң чөөн талазында Елеон дагның кырынга туруп аар; ол даг чөөн чүктен барыын чүкче ийи чарлы берип, дагда аажок улуг шынааны ажыдыптар. Дагның бир чартыы соңгу чүкче, өске чартыы – мурнуу чүкче чыла бээр. 5# Ы. х. к. 33:2; Мк. 8:38; 1 Фес. 3:13; Иуда 1:14Силер Дээрги-Чаяакчының даг шынаазы-биле дезип маңнажыр силер, чүге дээрге дагның ийи чартыының аразында шынаа Эцелге чедир чаттылар. Иудеяның хааны Озияның чагырган үезинде чер шимчээшкининден чоннуң дезип турганы дег#14:5 Озия хаан б. э. чедир VIII в. бирги чартыында чагырып турган. Шак ол чер шимчээшкинин Ам. 1:1-де айтып турар., дезип маңнажыр силер. Ынчан мээң Бурганым Дээрги-Чаяакчы чедип кээр, Ооң бүгү ыдыктыг төлээлери кады кээр.

6Ол хүн чырык чок боор, чырымалдар көзүлбес апаар#14:6 Бо домактың утказы эки билдинмес. Болгу дег өске утказы мындыг: «Чырык болгаш күштүг соок чок боор».. 7# Мк. 13:32 || Ажыд. 21:25Ол хүн болза туруп көрбээн үе болур, ону чүгле Дээрги-Чаяакчы билип шыдаар: хүн-даа үнмес, дүн-даа дүшпес, а кежээ дүжерге, чырып кээр.

8 # Иез. 47:1; Ажыд. 22:1 || Иоил 2:20Ол хүн Иерусалимден тынгарар суг агып бадар: ооң бир чартыы чөөн чүкте далайже, өске чартыы – барыын чүкте далайже киир агар; чайын-даа, кыжын-даа ындыг боор.

9 # Ыд. ыр. 46:8; Дан. 7:14, 27; Авд. 1:21; Лк. 1:33; 1 Кор. 15:24; Ажыд. 11:15 || Ы. х. к. 6:4; Эф. 4:5Дээрги-Чаяакчы бүгү чер-делегейни хааннап чагырар. Ол хүн Дээрги-Чаяакчы кара чаңгыс болур, улус чүгле Ооң адынга мөгеер.

10 # Иис. 15:32; 18:24 || Иер. 37:13; 38:7 || 4 Хаан. 14:13 || Неем. 3:1; Иер. 31:38Бүгү бо чер соңгу чүкте Гивадан эгелээш, Иерусалимниң мурнуу чүгүнде турар Риммонга чедир оргулааш дег апаар. А Иерусалим хоорай бодунуң турар черинге бедидир көдүрлүр. Ооң кызыгаары Вениаминниң хаалгазындан Бирги хаалгага чедир, Азыгда хаалгага чедир база Хананел суургазындан хаанның виноград сыскырар оңгарларынга чедир шөйлүр. 11Улус аңаа чурттай бээр, хоорайны оон ыңай кажан-даа бүрүнү-биле узуткавас. Иерусалим айыыл чок турар.

12Иерусалимге удур чаалашкан бүгү чоннарже Дээрги-Чаяакчы мындыг аарыг-хайны ыдар: оларның мага-боду, боттары бут кырынга турда-ла, ирип каар, карактары – карак оңгарларынга-ла, а дылдары – аастарынга-ла ирип каар. 13# Агг. 2:22Ол хүн Дээрги-Чаяакчы оларже улуг мөгүдээшкин ыдар. Олар шупту холдарындан удур-дедир сегиржип аар, бот-боттарынче холун көдүрүп, халдап эгелээр. 14Иудея безин Иерусалимге удур#14:14 Азы: «Иерусалимниң чанынга». чаалажы бээр. Оон чоок-кавыдагы бүгү чоннарның байлаа: алдын-мөңгүн, идик-хеп эңдерик хөй чыгдына бээр. 15Ол-ла аарыг-хайдан аъттар, элчигеннер, мулдар, тевелер болгаш оларның турлагларында бар бүгү өске мал-маган кырлып каар.

16 # Лев. 23:34, 39-43 || Иса. 2:2; 66:18Иерусалим-биле чаалажып турган бүгү чоннардан дириг арткан улус Хаанга, Аг-шериглиг Дээрги-Чаяакчыга мөгеер дээш база Чадырлар байырлалын демдеглээр дээш чылдың-на кээп турар апаар. 17# 3 Хаан. 17:1; Иса. 60:12Бир эвес чер-делегейниң чоннарының кайы-бирээзи Аг-шериглиг хаан Дээрги-Чаяакчыга мөгеери-биле Иерусалимче барбас болза, ол чон чаъс чок артар. 18Бир эвес египет чон бээр чедип келбес болза#14:18 Азы: «Бир эвес египет чон барбас болза, ол база чаъс чок артар»., Чадырлар байырлалын демдеглеп келбес чоннарже Дээрги-Чаяакчының ыткан аарыг-хайы египетчилерже база халдаар. 19Египет чон болгаш Чадырлар байырлалын демдеглеп келбес бүгү өске чоннар боттарының бачыттары дээш шак ындыг кеземче алыр.

20 # Хост. 28:36Ол хүн аъттарның дериинге безин «Дээрги-Чаяакчыга ыдыктаткан» деп бижип каан боор. Дээрги-Чаяакчының өргээзинде чем хайындырар паштар өргүл салыр бедигээштиң мурнунда савалар дег ыдыктыг болур. 21# Мк. 11:15; Ин. 2:14-15Иерусалимде база Иудеяда бүгү паш-сава Аг-шериглиг Дээрги-Чаяакчыга ыдыктаткан болур. Өргүл салыры-биле келген бүгү улус ол паш-саваны ап алгаш, өргээн малдың эъдин быжырар. Ол хүн Аг-шериглиг Дээрги-Чаяакчының өргээзинге садыгжылар#14:21 Азы: «Хананей кижилер». турбас.

Currently Selected:

Захария 14: Ы.Б.2025

Highlight

Copy