Римчилерге 9

Бурганның Израильге аазаашкыны

1 # 2 Кор. 11:10; 1 Тим. 2:7 || Рим. 1:9; Флп. 1:8Христос-биле харылзаалыг болгаш, мегелевейн, алыс шынны чугаалап тур мен, Ыдыктыг Сүлдеге башкарткан арын-нүүрүм база мээң херечим боор: 2муңгаралым муңчок улуг, чүрээмде аарышкыны үзүп төтпес! 3# 1 Кор. 16:22; Гал. 1:8Чаңгыс аймак төрел ха-дуңмамның камгалал алыры дээш, мен бодум Христостан аңгылаттырган кижи болурум кай. 4Олар – израильчилер-дир: Бурган оларны азыраан ажы-төлү кылдыр шилип алган; Бодунуң ат-алдарын оларга онааштырган; чагыг-керээлерин олар-биле чарган; Бодунуң хоойлузун, Бодунга мөгейип, бараан болуушкун боттандырар арганы, аазаашкыннарын оларга хайырлаан. 5Оларның ада-өгбези алдаржаан-дыр. Оларның аразынга бүгүдеден өндүр бедик, кезээ-мөңгеде макталга төлептиг Бурган – Христос кижи бооп төрүттүнген#9:5 Азы: «Оларның аразынга бүгүдеден өндүр бедик Христос кижи бооп төрүттүнген. Бурган кезээ-мөңгеде макталга төлептиг болзун».. Аминь!

6 # Рим. 3:3 || Ин. 1:47; Рим. 2:28Ынчалза-даа ол дээрге Бурган Бодунуң аксы-сөзүн ээлевээн дээни ол эвес-тир. Чүге дээрге Израильден укталган улустуң шуптузу ёзулуг израильчилер болбас. 7# Э. д. 21:12; Евр. 11:17Ол ышкаш Авраамның ажы-төлү болган улус шупту ооң салгалы болбас. Бижилгеде мынча дээн болгай: «Сээң салгалың Исаакты дамчыштыр уламчылаар-дыр». 8# Гал. 4:23, 28Өскээр чугаалаарга, Авраамның хан төрээн ажы-төлү Бурганның ажы-төлү болбас, а Бурганның аазаанын ёзугаар төрүттүнген ажы-төлү ооң салгакчылары деп санаттырар. 9# Э. д. 18:10Бурган аазаашкынын мынчаар берген: «Мен келир чылын бо-ла үеде сеңээ катап чедип кээр мен, Сарра ынчан оолдуг болур».

10 # Э. д. 25:21Чүгле ол эвес. Улуг өгбевис Исаактан ийис оолдар божуп аарга, Ревекка-биле база ындыг болган. 11-12# Э. д. 25:23Ийистер ам-даа төрүттүнмээнде, олар эки, багай чүнү-даа кылып четтикпээнде, Бурган аңаа чугаалап каан: «Улуг оглуң бичезинге чагыртыр-дыр». Ооң шилилгези хостуг, кижиниң ажыл-херээнден шуут хамаарышпас, а чүгле кыйгырып турар Бурганның шиитпиринден хамааржырын көргүзер дээш, Ол ынча дээн. 13# Мал. 1:2-3Бижилгеде ол дугайында мынчаар бижээн: «Иаковка ынак мен, а Исавка хөңнүм чок».

14 # Ы. х. к. 32:4; Иов 34:10Ам чүү дээр бис? Бурган чөптүг эвес болган бе? Канчап-даа чок! 15# Хост. 33:19Ол Моисейге мынча дээн:

«Ээ көрнүр дээн кижимче ээ көрнүр мен. Кээргээр дээн кижимни кээргээр мен».

16Ынчангаш бүгү чүве кижиниң күзелдеринден база күжениишкиннеринден эвес, а Бурганның өршээлинден хамааржыр-дыр. 17# Хост. 9:16Бижилгеде Бурган Египеттиң хааны фараонга чугаалап турар: «Мээң күчү-күжүмнү сени дамчыштыр көргүзер дээш база Мээң адым бүгү чер кырынга билдингир апарзын дээш, сени хаан кылып каан мен». 18Ынчангаш Бурган кымны өршээрин күзээрил – өршээр, а кымның чүрээн дашталдырарын күзээрил – дашталдырар.

Өршээлге онааган савалар

19 # 2 Чыл. 20:6; Рим. 3:7Менден айтырып боор сен: «Ындыг таварылгада Бурган чүге бисти буруудадырыл? Ооң күзел-соруунга кым удурланып шыдаарыл?» 20# Иов 9:32; 33:13; 39:32; Эккл. 6:10 || Иса. 29:16; 45:9-10; Иер. 18:6А сен, тала, Бурган-биле маргыжар хире кым сен? Кижиниң кылып каан чүүлү: «Мени чүге ынчалдыр кылдың?» – деп чугаалаар бе? 21# Иса. 64:8; Иер. 18:6; 2 Тим. 2:20Азы дой сава кылыкчызы дойну чагырып, чаңгыс-ла ол дойдан хүндүлүг ажыглалдың база хүн бүрүнүң савазын кылып шыдавас бе?

22 # У. ч. 16:4А бир эвес Бурган, Бодунуң килеңин илередир база күчү-күжүн көргүзер дээш, узуткаары-биле белеткеп каан, «Килеңге онааган саваларны» дыка үр шыдажып келген болза чүл? 23Өндүр-чаагай болзуннар дээш баш удур белеткеп кааны, «Өршээлге онааган саваларынга» Бодунуң өй-хемчээл чок өндүр-чаагайын Ол көргүзүксээн болза чүл? 24# Рим. 3:29А ол «Өршээлге онааган савалар» – бис-тир бис. Бурган бисти чүгле иудейлерден эвес, а өске чоннар улузундан база кыйгырып алган. 25# Ос. 2:23; 1 Пет. 2:10Осия медээчиниң номунда ол дугайында мынчаар бижээн:

«„Мээңии эвес“ деп аттыг чонга: „Сен – Мээң чонум сен“ – дээр мен; ынак эвес турган чонумну ынак чонум деп адаар мен».

26 # Ос. 1:10Оон ыңай:

«Бурганның оларга: „Мээң чонум эвес-тир сен“ – деп турган черинге оларны дириг Бурганның ажы-төлү деп адаар».

27А Исайя медээчи израиль чон дугайында мынча деп хөлзеп чугаалаан:

«Израильчилерниң саны далай элезини ышкаш хөй санныг-даа болза, оларның чүгле артынчызы камгалал алыр. 28# Иса. 10:22-23Дээрги-Чаяакчы тодаратканын ёзугаар бүгү черге Бодунуң шииткелин күүседир».

29 # Иса. 1:9Исайя баш удур чугаалап каан:

«Аг-шериглиг Дээрги-Чаяакчы биске салгал арттырбаан болза, Содомга дөмейлежип, Гоморра ышкаш апаар турган бис».

Израильдиң бүзүрел чогу

30 # Гал. 2:16; 3:24Ам чүү дээр бис? Агартыышкын дилевейн-даа чораан өске чоннар улузу бүзүрел дамчыштыр актыг болганнар-дыр. 31# Гал. 5:4 || Рим. 11:7; Флп. 3:9А ол өйде ыдыктыг хоойлу дамчыштыр агартыышкынче чүткүп чораан израиль чон ону чедип албаан-дыр. 32Чүге ындыгыл? Чүге дээрге израиль чон бүзүрелге эвес, а ажыл-херекке ынанган-дыр. Ол моондак дажынга тептиге берген. 33# Иса. 8:14; 28:16; 1 Пет. 2:6-8; Рим. 10:11Бурган ол дугайында Бижилгеде мынча дээн:

«Көрүңер даан, Сионда моондак даш салып тур мен – улус аңаа тептигип кээп дүжер. Ынчалза-даа Аңаа бүзүрээн кижи бак атка кирбес».

Currently Selected:

Римчилерге 9: Ы.Б.2025

Highlight

Copy