Римчилерге 10
10
1Ха-дуңма, иудейлер камгалалды алзын деп сеткилим ханызындан күзеп, ол дээш Бурганга мөргүп чор мен. 2# Аж.-ч. 21:20Олар Бурганның күзел-соруун күүседир дээш аажок кызып чоруур, ынчалза-даа ханы билиг чок улус чүве деп, оларга херечи боор мен. 3# Рим. 1:17; 3:21Ынчангаш олар, улусту агартыры-биле Бурган кандыг орук шилип алганын билбезиниң хараазында, боттарының оруун изеп аарынче чүткүткеш, Бурганның саналдаан агартыышкынынга чагыртпайн барганнар. 4# Мф. 5:17 || Гал. 3:24Чүге дээрге Христос – ыдыктыг хоойлунуң эчис сорулгазы боор, Аңаа бүзүрээн кижи бүрүзү Бурганның мурнунга актыг боор.
Камгалалды кижи бүрүзү ап боор
5 # Лев. 18:5; Гал. 3:12; Флп. 3:9Ыдыктыг хоойлу дамчыштыр кээр агартыышкын дугайында Моисей мынча деп бижээн: «Ыдыктыг хоойлунуң дүрүмнерин сагыыр кижи оларның ачызында амылыг артар». 6# Ы. х. к. 9:4; 30:12А бүзүрелден кээр агартыышкын дугайында Бижилге мынча деп турар: «„Дээрже кым өрү көдүрлүрүл?“ – деп бодуңдан айтыртынма» (мында Христосту черже бадырып кээри-биле дээн утка бар). 7# Ажыд. 9:1«„Дүп чок тамыже кым дүжүп бадарыл?“ – деп база айтыртынма» (мында Христосту өлүглер аразындан өрү үндүрүп кээри-биле дээн утка бар). 8# Ы. х. к. 30:12-14А Бижилге мынча деп турар: «Медээ сеңээ чоок – аксы-дылың биле чүрээңде» (бистиң суртаалдап турарывыс бүзүрел дугайында медээ ол-дур). 9# Мф. 10:32; Лк. 12:8 || Мк. 16:16; Аж.-ч. 16:31Ол медээ бо-дур: Иисус – Дээргивис дээрзин аксың-биле хүлээп көрүп, чугаалаар болзуңза база Бурган Ону өлүглер аразындан катап диргискен деп чүрээңге бүзүрээр болзуңза, камгалалды алыр сен. 10Чүрээ-биле бүзүрээр кижи – агартыышкынны алыр, бүзүрээнин ажыы-биле чугаалаар кижи – камгалалды алыр. 11# Иса. 28:16; 1 Пет. 2:6; Рим. 9:33Бижилге чугаалап турар: «Аңаа бүзүрээн кижи бүрүзү бак атка кирбес».
12 # Аж.-ч. 10:34-36; Рим. 3:29Иудей биле өске чоннар кижизиниң аразында ылгал чок. Ону кыйгырган улустуң шуптузунга экииргек чаңгыс-ла Дээрги-Чаяакчы бүгү улустуң Дээргизи боор. 13# Иоил 2:32; Аж.-ч. 2:21Чүге дээрге Дээрги-Чаяакчының адын кыйгырган кижи бүрүзү камгалал алыр.
Бүзүрел чогу дээш израиль чон харыы тудар
14 # Аж.-ч. 8:31Ынчаарга Дээрги-Чаяакчыга бүзүревээн улус Ону канчап кыйгырарыл? Ооң дугайында дыңнаваан болза, Аңаа канчап бүзүрээрил? Суртаалдап турар кижи чок болза, канчап дыңнап каарыл? 15# Иса. 52:7Суртаалдаары-биле айбылатпаан болза, канчап суртаалдаарыл? Бижилгеде мынчаар бижээн: «Буянныг Медээни тарадып турар улустуң базымнарының даажы кайгамчык-тыр!»
16 # Иса. 53:1; Ин. 12:38Ынчалза-даа Буянныг Медээни улус шупту хүлээп албаан. Исайя мынча деп турар: «Дээрги-Чаяакчы, бистен дыңнаан медээзинге кым бүзүрээнил?» 17# Гал. 3:2Ынчангаш бүзүрел Буянныг Медээни дыңнап турар улуска чедип кээр-дир. А Буянныг Медээ Христос дугайында суртаал дамчыштыр чедип кээр. 18# Ыд. ыр. 18:5А мен айтырып тур мен: кай, олар дыңнаваан бе? Дыңнаан болбайн канчаар! Чүге дээрге Бижилгеде мынча дээн болгай:
«Бүгү чер-делегейге оларның#10:18 Бо сөстерни оон алган ыдыктыг ырыда «олар» – дээрниң сылдыстары болуп турар. Павел мында чырымалдарның Бурган дугайында херечилелин элчиннерниң суртаалдап турары Христос дугайында херечилел-биле деңнеп турар. үн-чугаазы дыңналып эрткен, оларның сөстери өртемчейниң кыдыгларынга чеде берген».
19 # Ы. х. к. 32:21База катап айтырып тур мен: таанда израиль чон ону билбээн бе? Баштай Бурган Моисейни дамчыштыр Израильге харыылаан-дыр:
«Чон дээр арга чок улус-биле силерниң хүннээчел сагыжыңар оттурар мен; угаан-бодал чок чон-биле силерни анчыгзындырар мен».
20Оон Исайяның дидим сөстерин дамчыштыр Бурган чугаалаан:
«Менче чүткүвээн улус Мени тып алган; Мени айтырбаан улуска ажыттынган мен».
21 # Иса. 65:1-2А Израиль дугайында Ол мынча дээн:
«Мен хүннү бадыр чагырга билбес болгаш дыңнавас чонче холум сунуп турдум».
Currently Selected:
Римчилерге 10: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
