Наум 2

Ниневияның буураары

1Ниневия, узуткакчы сеңээ удур көдүрлүп тур. Шивээлериң камгала, орукту таңныылда, бодуңну быжыглап, бүгү күжүң чыып ал. 2# Ыд. ыр. 79:9; Иса. 5:1; Мф. 21:33Хоозурадыкчылар Иудея биле Израильди ээнзиредип, оларның виноград шөлдерин узуткап каапкан-даа болза, Дээрги-Чаяакчы оларның алдар-адын эгидип, катап тургузар.

3 # Иез. 23:14Дайзынның дайынчыларының дозуг-камгалалдары кызыл өңнүг, ооң бүгү шериглери хүрең-кызыл хептерлиг. Дайынчы тергелерни тулчуушкунга белеткээн хүнде оларның демир кезектери чайынналган, аъттар девиржип чүткээн#2:3 Өске бурунгу сөзүглелде «Оларның хадылары сирилеп турар» деп бижээн.. 4Дайынчы тергелер хоорайның кудумчулары, шөлдеринде каңгырадыр халыткан. Олар чалбыыш дег чайынналып турар, чаңнык дег кызаңнажып турар. 5# Иер. 46:12Оларның хааны шилиттинген дайынчыларны чыып аар, а олар кел чыткаш-ла, тептиге бээр. Олар хоорай ханазынче далаш-биле халдап кээрге, бүзээлелдиң чепсек-херекселдерин белеткеп каан болур. 6# Иса. 45:1Хем чанында хаалга ажыттынар#2:6 Ниневияны Хуцур хемниң суу-биле долдурган оңгар камгалап турган. Грек төөгүчүлернии-биле, Ниневияны вавилон аг-шериг бүзээлеп турда, аажок суггур чаъстардан хем эриктерин ажып, хоорай ханазының кезиин бузуп каапкан., хаанның ордузу буступ каар.

7 # Иса. 38:14; Иез. 7:16Доктааткан чүүл бо-дур: Ниневияның чонун үндүр сывыртап, тудуп алгаш баар. Ооң кул херээженнери көге-бугалар ышкаш човууртап, баштарын шаштынар. 8Ниневия эрте шагдан бээр долу суглуг хөөлбек дег турган, ол суг ам куругландыр үндүр агып-ла турар. «Туруңар! Доктааңар!» дээрге-даа, эглип кээр кижи чок.

9Мөңгүнден үптеңер! Алдындан үптеңер! Шыгжамырларда янзы-бүрү эртине-байлактың курлавыры төнчү чок. 10# Соф. 2:13 || Иоил 2:6Ниневия үптеттирген, ээнзиреп база хоозурап калган. Кортканындан улустуң чүректери даамчырап, дискектери сириңейнип, эъди аарып, арыннары агарып турар.

11 # Иса. 5:29; Иер. 2:15Арзылаңнар ижээни дег хоорай ам кайыл? Ол хоорайга эр-кыс арзылаңнар чоруп, төлдерин чемгерип турган, оларның төлдерин аңаа кым-даа коргутпайн турган. 12# Иер. 51:38Ниневия, сен болза төлдерин тоттурар дээш олчазын үзерлеп турган, кыс эжинге чиш боой тудуп берген арзылаң дег-дир сен. Олчазы-биле куйларын, чижи-биле – ижээнин долдуруп алган арзылаң дег-дир сен.

13 # Наум 3:5 || 4 Хаан. 19:9-10«Мен сеңээ удур мен! – деп, Аг-шериглиг Дээрги-Чаяакчы медеглээн. – Мен сээң дайынчы тергелериңни хуюкталдыр өрттедиптер мен, хылыш сээң арзылаңчыгаштарыңны кыргып-хыдыыр. Чер кырынга сеңээ олча арттырбас мен, сээң элчиннериң үнү моон соңгаар дыңналбас».

Currently Selected:

Наум 2: Ы.Б.2025

Highlight

Copy