Наум 3
3
Ниневия ат болур
1 # Иез. 24:8Ханга борашкан хоорай ат болур! Ону меге болгаш өлүрүүшкүн долган-дыр, ында үптээшкин соксаар ужур чок-тур.
2Дыңнаңар! Кымчы дазылааны, дугуйлар даажы, дүрген маңнаан аъттар шимээни, дайынчы тергелерниң күштүг даажы дыңналып тур. 3# 4 Хаан. 19:36Аъттыг шериг дүрген шапкан, хылыштар кылаңнашкан, чыдалар чайынналган! Өлүрткеннер эңдерик, мөчү-сөөктер овааланган, санаттынмас-даа. Улус өлүг мага-боттарга тептигип турар. 4# Ажыд. 17:1-2; 18:3Ол бүгү – Ниневияның эмге-тикчок самыыраашкыны дээш кеземче-дир. Ол дээрге аянныг чараш, илби-шидини билир, бодунуң самыыраашкыны-биле чоннарны чагырып аар, бодунуң илби-шидизи-биле аймактарны дуурайлап аар самыын херээжен-дир.
5 # Наум 2:13 || Иер. 13:22, 26; Авв. 2:16«Мен сеңээ удур мен – деп, Аг-шериглиг Дээрги-Чаяакчы медеглээн, – Мен сээң хевиң эдээн арныңче өрү дүрүптер мен; чоннарга сээң шалдаңыңны, күрүнелерге – бужарыңны көргүзер мен. 6Чүдек-бужар чүүлдү сенче хөме октап, бак көөр мен, сени бүгү улус мурнунга бужартадыр тургузуптар мен. 7# Иса. 10:5; 14:25; Соф. 2:13 || Иса. 51:19; Иер. 15:5; Ыы. 1:2Сени көрген кижи бүрүзү сенден дезип: „Ниневия узуткаттырган-дыр, ооң ажыын ажып, кым ыглаарыл?“ – дээр. Сени аргалаар кижини Мен кайыын тывар мен?»
8 # Иер. 46:25; Иез. 30:14; Ам. 6:2Нил хемде турар, долгандыр суглар аккан Фивы хоорайдан#3:8 Фивы (евр. Но-Амон) – чугула египет хоорай. Ону ассирийлер бистиң эрага чедир 663 чылда эжелеп алган. дээре деп сен бе? Хем ол хоорайны камгалап, суг ооң ханазы бооп турду. 9# 2 Чыл. 12:3Эфиопия биле Египеттиң кедергей улуг күчү-күжүнге ол ооргаланып турду, фут биле ливий чоннар ооң эвилелчилери бооп турду. 10# Иса. 20:4 || 4 Хаан. 8:12; Иса. 13:16 || Иоил 3:3; Авд. 1:11Ындыг-даа болза, ол база туттуруп алган, өскээр көжүрткен. Ооң чаш ажы-төлүн кудумчулар белдирлеринде чылча шаап, өлүрүп каан. Ооң алдар-аттыг кижилерин дайзыннар аразында үлешкеш, шуптузун илчирбелеп бектеп алган.
11 # Иер. 25:17Ниневия, сен база ындыг дашканы ижер сен, чаштынып, дайзындан камгалал дилээр сен. 12Сээң бүгү шивээлериң чимизи бышкан фига ыяжынга дөмей апаар: ооң чимизин тө силгиптер болза, олар чиир дээн кижиниң аксынче дорт кире бээр. 13# Иса. 19:16; Иер. 51:30Бодуңнуң шерииңче көрүп көр – кадайларзыг улус-тур. Сээң чериңниң хаалгазы дайзыннарга аңгайтыр ажыттынар, а дээктерни от чиптер.
14Бүзээлел үезинде ижер сугдан курлавырлай узуп ал. Дойдан хоюдуп, тууйбу кылырынга белеткенип ал. Шивээлериң быжыгла! 15Сени от сыырыптар, хылыш шанчып каар; шартылаага чирткен ышкаш болур сен.
Шартылаа ышкаш өзүп-көвүдээн сен, шерги ышкаш өзүп-көвүдээн сен! 16Сээң садыгжыларың дээрде сылдыстардан хөй апарган-дыр, ынчалза-даа олар шартылаа ышкаш, эрги кежин солуп каапкаш, ужуп чоруй баар. 17Сээң дүжүметтериң имилеме шартылаа дег, сээң шериг баштыңнарың хээкчи мөөң шерги дег; олар соок үеде ханаларга хоруп орар, а хүн чылыдып кээрге, тарадыр ужа бээр, а кайнаар дээрзин кым-даа билбес.
18Ассирияның хааны, сээң томуйлаан чагырыкчыларың база дээди дүжүметтериң мөңге уйгуга алзыптар. Сээң чонуң дагларга тоо быдарай бээр, оларны чыыр кижи чок болур. 19# Ос. 5:13; Мих. 1:9 || Иов 27:23; Ыы. 2:15Сээң балыың экиртинмес, сээң балыгланыышкының өлүмнүг. Сээң дугайыңда дыңнаан бүгү улус ол дээш адыш часкаар, #3:19 Библияда ол хол шимчээшкини болганчок-ла чүүлзүнгенин эвес, а өжү ханып амыраанын көргүзер. чүге дээрге сээң соксаал чок каржы-дошкунуңну боду көрүп эртпээн кижи бар бе?!
Currently Selected:
Наум 3: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
