Марк 15

Рим чагырыкчы Пилаттың мурнунда

(Мф. 27:1-2, 11-14; Лк. 23:1-5; Ин. 18:28-38)

1 # Лк. 3:1; 13:1; Аж.-ч. 3:13; 4:27; 1 Тим. 6:13Эртен эрте Бурганның дээди бараалгакчылары, баштыңнар болгаш ном-хоойлу тайылбырлакчылары база бүгү дээди иудей Чөвүлел чөвүлежип хуралдаан. Олар Иисусту хүлээш, аппаргаш, Пилатка хүлээдип бергеннер. 2# Мф. 2:2Пилат Иисустан: «Сен – иудей хаан сен бе?» – деп айтырган.

Иисус: «Силер бодуңар ынча дидиңер» – деп харыылаан. 3Бурганның дээди бараалгакчылары Иисуска хөй буруу онааган.

4 # Мк. 14:60-61Ынчангаш Пилат Оон база катап айтырган: «Чүге чүнү-даа харыылавас сен? Сеңээ удур буруудадыышкыннарның хөйүн көрбес сен бе!» 5# Иса. 53:7Ынчалза-даа Иисус Пилатка чүнү-даа харыылавайн баргаш, ону аажок кайгаткан.

Варавваны хостааны, Иисусту өлүмге шиидип кааны

(Мф. 27:15-26; Лк. 23:13-25; Ин. 18:39–19:16)

6Хосталыышкын байырлалында Пилат чоннуң шилээни бир херектенни хостап бээр чаңчылдыг турган. 7Ынчан тура халыышкын үезинде өлүрүүшкүн кылган үймээнчилерниң бирээзи болур Варавва дээр кижи хоругдадып алган чыткан. 8Чыылган чон Пилаттан, ооң оларга чылдың-на кылып келгени дег, өршээл көргүзерин дилей берген. 9Пилат олардан: «Силерге иудей хаанны хостап берейн, күзээр силер бе?» – деп айтырган. 10# Ин. 12:19; Аж.-ч. 5:17(Бурганның дээди бараалгакчылары Иисуска адааргааш, Ону аңаа тудуп эккелгенин Пилат билип турган.) 11# Аж.-ч. 3:14А Бурганның дээди бараалгакчылары чонну Пилаттан Варавваны хостаарын дилээр кылдыр көгүдүп-хөөктүрүп алганнар.

12Пилат олардан: «Силерниң иудей хаан деп турарыңар демги Кижини мээң канчаарымны күзеп тур силер?» – деп база катап айтырган.

13Олар харыызынга: «Ону хере шаап шаажылаңар!» – деп алгыржы бергеннер.

14 # Лк. 23:41; Евр. 4:15А Пилат олардан: «Чогум чүү дээш? Ол кандыг кемниг херек үүлгеткенил?» – деп айтырган.

Ынчалза-даа чыылган чон улам ыыткыр алгыржы берген: «Ону хере шавыңар!»

15 # Мк. 10:34Пилат чыылган чоннуң күзелин хандырар дээш, оларга Варавваны хостап берген, а Иисусту кымчылааш, хере шавары-биле аппаарын дужааган.

Шериглерниң Иисусту дорамчылааны

(Мф. 27:27-31; Ин. 19:2-3)

16Шериглер Иисусту Пилаттың ордузунуң мурнунда преторий дээр шөлче киире бергеш, бүдүн батальон шеригни чыып алганнар. 17Олар Аңаа хааннар кедер хүрең-кызыл тон кедиргеш, тенниг будуктардан дээрбек өрээш, Ооң бажынга салып кааннар. 18«Иудей хаан алдаржызын!» – деп, олар алгыржып турганнар. 19# Иса. 50:6; Мк. 10:34; 14:65Олар Ооң бажынче мерге-биле улдап, Олче дүкпүрүп-каккырып, Ооң мурнунга дискектенип ора дүшкеш, Аңаа сөгүрээн улус өттүнүп, дорамчылап турганнар. 20Иисусту дорамчылап мага хангаш, шериглер хүрең-кызыл каас-коя тонну ужулгаш, Ооң Бодунуң хевин кедиргеш, хере шавары-биле алгаш чорупканнар.

Иисустуң хере шаптыртканы

(Мф. 27:32-44; Лк. 23:26-43; Ин. 19:17-27)

21 # Рим. 16:13Киринея чурттуг Симон деп кижи шөлден ээп чанып олургаш, оларга орук ара ужуражы берген. (Ол Александр биле Руфустуң ачазы чүве-дир.) Шериглер ону Иисусту хере шавар дээн белдир-ыяшты көдүрүп чоруур кылдыр албадапканнар. 22Иисусту Голгофа азы «Баш сөөгү» дээр черге эккелгеннер. 23Шериглер Аңаа мирра#15:23 Мирра – аарбастадыр наркотик ады. холаан арага ижиртирге, Ол ынаваан. 24# Ыд. ыр. 21:19Иисусту белдир-ыяшка хере шаап кааш, олар Ооң хевин алыр дээш үлүг тыртып, аразында үлежип алганнар. 25Ону хере шаап каанда, хүн үнгенден бээр үшкү шак турган.

26Иисустуң кем-буруузун айыткан самбыражыгашта: «Иудей хаан» – деп бижээн болган.

27-28Ооң-биле кады ийи дээрбечини#15:27-28 Ол үеде римчилер-биле террорлуг дайын чорудуп турган, чонда нептереңгей дайынчыларны болганчок-ла «дээрбечилер» деп адаар турган. база: бирээзин – Ооң оң талазында, өскезин – солагай талазында белдир-ыяштарга хере шаап каан#15:27-28 Өске бурунгу сөзүглелдерде бо сөстерге «Бижилгениң: „Ону кем-херек үүлгедикчизи деп санаан“ – дээн сөзү боттанган» деп сөстерни немээн (Иса. 53:12; Лк. 22:37 көр).. 29# Ыд. ыр. 21:7; 108:25 || Мк. 14:58; Ин. 2:19Эрткен-дүшкен улус Иисусту бак сөглеп, Ооң талазынче бажы-биле дорамчылалдыг айтып, кочулап турган: «Че, чүл моң? „Бурганның өргээзин үрегдеп-бускаш, үш хүн дургузунда тудуп тургузуптар мен“ – деп турдуң чоп! 30Белдир-ыяштан дүжүп кээп, Бодуңну Бодуң камгала!» 31# Ин. 10:18Бурганның дээди бараалгакчылары болгаш ном-хоойлу тайылбырлакчылары база Иисусту кочулап, аразында мынча дишкеннер: «Өскелерни камгалап турган, а Бодун камгалап шыдавас де! 32# Ин. 1:49; 12:13 || Ин. 20:29Ам бо Христос, Израильдиң хааны, белдир-ыяштан дүжүп келзин, бис ону көөр болзувусса, Аңаа бүзүрей бээр бис!» Иисус-биле кады хере шаптырган ийи дээрбечи безин Ону бак сөглеп турган.

Иисустуң өлүмү

(Мф. 27:45-56; Лк. 23:44-49; Ин. 19:28-30)

33Хүн үнгенден бээр алдыгы шактан тоску шакка чедир бүгү чер кырын дүмбей караңгы шыва апкан. 34# Ыд. ыр. 21:2А тоску шак үезинде Иисус ыыткыр алгырыпкан:

«Элои, Элои, лема савахфани?!» («Мээң Бурганым, Мээң Бурганым, чүү дээш Мени кааптың?!» – дээни ол.)

35Чоогунга турган улустуң чамдыызы ону дыңнааш: «Дыңнаңарам, Ол Илияны кый деп тур» – дишкен. 36# Ыд. ыр. 68:22Оларның бирээзи маңнап чеде бергеш, ажыг виноград арагазынга суг сиңирер губканы өттүрүп, өрген бажынга кедиргеш, ижиртири-биле Иисусче сунган. Ол кижи мынча дээн: «Адыр! Ону дүжүрүп алыр дээш, Илияның кээр-келбезин көрээли».

37Ыыткыр алгырыпкан соонда, Иисустуң амы-тыны үстү берген. 38# Хост. 26:33; Лев. 16:2Ол өйде Бурганның өргээзиниң иштинде аскан көжеге үстүнден адаанга чедир ийи чара орлуп калган. 39Иисустуң чиге мурнунга турган чүс шериг баштыңчызы Ооң тынындан канчаар чарылганын көргеш: «Бо кижи ылап-ла Бурганның Оглу турган-дыр!» – дээн.

40 # Лк. 8:2Чамдык херээжен кижилер база болган чүүлдү ырактан хайгаарап турган. Оларның аразынга Мария Магдалина, бичии Иаков биле Иосийниң авазы Мария база Саломия олар бар болган. 41Иисус Галилеяга чоруп турда, бо херээжен кижилер Ону эдерип, Аңаа дузалажып турган чүве-дир. Иерусалимче Ооң-биле кады чедип келген өске-даа хөй херээженнер база ол черге турганнар.

Иисусту орнукшутканы

(Мф. 27:57-61; Лк. 23:50-56; Ин. 19:38-42)

42Ол хүн байырлалга белеткел хүнү азы амыр-дыш хүнүнүң бүдүүзү турган. Кежээ дүжүп кел чыткан. 43Дээди иудей Чөвүлелдиң алдар-хүндүлүг кежигүнү боор, Бурганның Чагыргазының кээрин манап чоруур Аримафея#15:43 Аримафея – бо болза Эрги Чагыг-керээде (1 Хаан. 1:1) Раматаим деп адаттырган суур. чурттуг Иосиф дээр кижи чедип келгеш, Пилатче дидим базып кире берген. Ол Пилаттан Иисустуң мага-бодун аңаа бээрин дилээн.#15:43 Еврей чаңчыл ёзугаар, чок болган кижини мөчээн хүнүнде ажаар ужурлуг, артында-ла пятницаның кежээзинде амыр-дыш хүнү эгелей бээр. Оон аңгыда Ы. х. к. 21:22-23 ёзугаар, хере шаптырган кижиниң мага-бодун ол-ла хүн дүжүргеш, ажаар ужурлуг турган. 44Иисустуң ындыг дүрген өлү бергенин дыңнааш, Пилат пат кайгап калган. Ол демги чүс шериг баштыңчызын кыйгырткаш, Иисустуң кажан өлгенин айтырган. 45Чүс шериг баштыңчызындан ылап-ла ындыг дээрзин билип алгаш, Пилат мага-ботту Иосифке бээрин чөпшээрээн. 46# Иса. 53:9Иосиф чуга пөс садып алгаш, Иисустуң мага-бодун дүжүрүп, ол пөзү-биле ораап алгаш, хаяда оя каккан чевег-куйга орнукшудуп каан. Чевег-куйнуң аксын, улуг даш чууп эккеп, дуглап каан. 47А Мария Магдалина биле Иосийниң авазы Мария Иисусту кайда орнукшудуп каанын көрүп алганнар.

Currently Selected:

Марк 15: Ы.Б.2025

Highlight

Copy