Марк 13

Келир үеде болур хөлзээшкиннер

(Мф. 24:1-14; Лк. 21:5-19)

1Иисус Бурганның өргээзиниң мурнундан үнүп орда, Ооң өөреникчилериниң бирээзи Аңаа мынча дээн: «Башкы! Көрүңерем, онза-ла чараш даштар-дыр база онза-ла тудуглар-дыр!»

2 # Лк. 19:44Иисус аңаа: «Сен бо улуг, чараш орду-сүмелерни кайгап тур сен бе? Оларның шуптузун үрегдеп-бузуп кааптар, маңаа туружундан шимчевээн даш безин артпас» – деп харыылаан.

3Ооң соонда Ол Елеон даанга, Бурганның өргээзиниң чиге дужунга олурда, Пётр, Иаков, Иоанн болгаш Андрей олар өске өөреникчилерден аңгы чедип келгеш, айтырыг салганнар: 4«Ол бүгү кажан болу бээрил, ук болуушкуннар чоокшулап келгенин кандыг бадыткал демдектеринден билип алыр бис? Чугаалап бериңерем».

5 # 1 Ин. 3:7; Кол. 2:8; 2 Фес. 2:3Иисус оларга мынча дээн: «Кандыг-даа улуска дуурайладып аарындан кичээниңер. 6# Иер. 14:14Хөй кижи: „Христос – мен-дир мен“ – деп, Мээң адым тудуп чедип келгеш, эңдерик улусту мегелеп кааптар. 7# Иер. 51:46Чоокта дайын-чааның шимээнин болгаш ыракта дайын-чаалар дугайында чугаалар дыңназыңарза, кортпаңар. Ол бүгү болган турар ужурлуг, ынчалза-даа бүгү чүвениң чогум төнчүзү ол эвес-тир. 8# 2 Чыл. 15:6; Ажыд. 6:4 || Аж.-ч. 11:28; Ажыд. 6:8, 12Бир чонче өске чон база бир күрүнеже өске күрүне халдай бээр. Чер болганга чер шимчээшкиннери болгаш аш-чут болур. Ынчалза-даа ол бүгү, божаан херээжен кижиниң эъдиниң аарыы дег, хилинчектиң чүгле эгези-дир.

9 # Ыд. ыр. 118:46 || Аж.-ч. 17:6; 18:12; 24:1; 25:6Серемчилелдиг болуңар! Силерни шиидери-биле дээди Чөвүлелдерге хүлээдир база синагогаларга эттеп-согар.#13:9 Тус чер судтары хоорай бүрүзүнге синагогаларга турган, аңаа шииткекчилер болур, иудей бүзүрелден ойталаан улусту үжен тос катап хаак-биле эриидеп, кезедир турган. Мээң дугайымда херечилеп, чагырыкчылар болгаш хааннар мурнунга турар силер. 10# Мф. 28:19; Рим. 10:18; Кол. 1:6Ынчалза-даа чүнүң-даа мурнунда Буянныг Медээни бүгү чоннарга суртаалдаан турар ужурлуг силер. 11# Аж.-ч. 4:8Силерни кажан-даа бол тудуп алгаш, шиидери-биле аппарза, чүнү чугаалаар чоор деп, баш бурунгаар сагыш човаваңар. Чүнү чугаалаарыңар силерге ол шакта илерей бээр, чүге дээрге боттарыңар эвес, а Ыдыктыг Сүлде Боду чугаалай бээр. 12# Мф. 10:35-36Акызы дуңмазын, ачазы ажы-төлүн өлүрери-биле бериптер. Ажы-төлү база ада-иезинге удур тура халааш, оларны өлүмге онаары-биле бериптер. 13# Мф. 10:22; Ин. 15:18 || Иак. 5:11; Ажыд. 2:10Мээң адым ужун бүгү улус силерни көөр хөңнү чок апаар. Ынчалза-даа ол бүгүнү эчизинге чедир шыдашкан кижи камгалалды алыр».

Ам кээр коргунчуг айыыл-халап

(Мф. 24:15-28; Лк. 21:20-24)

14 # Дан. 9:27; 11:31; 12:11«Кажан бодунуң турбас ужурлуг черинде турар хоозуралдың бужар чудун көрүп кагзыңарза#13:14 Еврейлер Дээрги-Чаяакчыдан аңгы бүгү бурганнарга мөгеерин «бужар чут» деп санап турганнар. Хөй-ле шинчилекчилер Даниил медээчиниң өттүр билген сөстери (Дан. 9:27) б. э. чедир 167 ч. боттанган деп санап турганнар. Ол чылын Антиох Эпифан хаан Иерусалимде Бурганның өргээзинге Зевс бурганга өргүл бедигээжи тудуп каан. Ол чорук Бурганның өргээзин бужартадып, «хоозуралга» азы аңаа Бурганга бараан болуушкуннарны соксадырынга чедирген. (номчуп орар кижи шын угаазын!), ынчан Иудеяда чурттаан улус дагларже дезипсин. 15# Лк. 17:31Бажыңының кырынга#13:15 Бажың кыры – Иудеяга бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган. турган кижи, эт-севин алыр дээш, бажыңынче дүжүп кирбезин. 16Шөлге ажылдап чораан кижи, идик-хевин алыр дээш, бажыңынче ээп келбезин. 17# Лк. 23:29Ол хүннерде иштиг-сааттыглар болгаш эмер чаш уруг-дарыглыг улус ат болур! 18Ол бүгү кыжын болу бербезин дээш мөргүңер. 19# Иер. 30:7; Дан. 12:1; Ажыд. 16:18Чүге дээрге Бурганның делегейни чаяаган үезинден бо хүнге чедир болуп көрбээн база моон соңгаар кажан-даа болбас ындыг коргунчуг айыыл-халап ол хүннерде болур. 20# Иса. 65:8; Лк. 18:7Бир эвес Дээрги-Чаяакчы ол хүннерниң санын кызырбаан болза, амылыг кижи бүрүзү оон менди үнмес ийик. Ынчалза-даа Бодунуң шилип алган улузун бодааш, Дээрги ол хүннерниң санын кызырып берген.

21 # Лк. 17:23Силерге ынчан кандыг-бир кижи: „Көр, Христос мында!“ азы: „Христос дуу ында!“ – дээр болза, аңаа бүзүревеңер. 22# Ы. х. к. 13:1; 2 Фес. 2:9; Ажыд. 13:13; 16:14Ол үеде боттарын „Христос мен“ база „Бурганның медээчизи мен“ дижип чоруур улус тыптып кээр. Болдунар-ла болза, Бурганның шилип алган улузун безин мегелээр дээш, олар силерге янзы-бүрү бадыткал демдектери болгаш кайгамчык чүүлдер көргүзер. 23# Ин. 13:19; 14:29Ындыг болганда, кичээниңер. Мен силерни манап турар бүгү чүвени баш бурунгаар сагындырып турарым бо».

Кижи амытан Оглунуң чедип кээри

(Мф. 24:29-31; Лк. 21:25-28)

24 # Ам. 8:9«Ынчаарга ол хүннерниң бүгү айыыл-халавы болуп каапкан соонда,

хүн караа өжер, ай чырытпастай бээр, 25# Иса. 13:10; 24:23; 34:4; Иез. 32:7; Иоил 2:31; Аж.-ч. 2:20; Ажыд. 6:13сылдыстар дээрден кээп дүжер база дээрниң күчү-күштери сириңейнип, божаңнай бээр.

26 # Дан. 7:13; Мф. 16:27Улус ынчан өндүр улуг күчү-күжү болгаш чайынналчак чырыы-биле булуттарда кел чоруур Кижи амытан Оглун көрүп каар. 27# Мф. 13:41Ол Бодунуң төлээлерин, чырык черниң дөрт чүгүнден, өртемчейниң бир кыдыындан өске кыдыынга чедир Бодунуң шилип алган улузун чыып эккелзиннер дээш, чорудуптар».

Фига ыяжының чижээ-биле кичээндириг

(Мф. 24:32-35; Лк. 21:29-33)

28«Фига ыяжындан үлегер-чижектен алыңар: ооң будуктары хөөп, бүрүлери частып кээрге, чай удавас дүжер дээрзин эндевес болгай силер. 29Шак-ла ынчалдыр ол бүгүнүң боттанып эгелээнин көрүп кагзыңарза, Кижи амытан Оглу бо, эжик аксында келген дээрзин билип алыңар. 30# Мк. 9:1Алыс шынны силерге чугаалап тур мен: ол бүгү чүве боттанмаан шаанда, бо салгалдың улузу өлүп читпес. 31# Ыд. ыр. 101:26-27; Иса. 51:6; 2 Пет. 3:10Дээр биле чер эстип-хайлы бээр, а Мээң сөстерим эстип-хайлы бербес».

Шагы, хүнү билдинмес

(Мф. 24:36-44; Лк. 17:26-30, 34-36)

32 # Зах. 14:7«А ол хүннүң база шактың кажан кээрин кым-даа: дээрниң төлээлери-даа, Бурганның Оглу-даа билбес – чүгле Бурган Ада билир. 33# Эф. 6:18; 1 Фес. 5:6 || Мф. 25:13Серемчилелдиг болуңар база кезээде белен болуңар, чүге дээрге ол үениң кажан кээрин билир эвес силер. 34# Мк. 12:1Ырак орукче аъттаныр дээн кижиниң бажыңын чалчаларынга арттырып кааш, кижи бүрүзүнге кылыр ажыл-херекти айтып каанынга база хаалгачызынга „Одуг-сергек таңныылдап олур“ деп айтыышкын бергенинге ол манаашкынны дөмейлеп боор. 35# Мф. 25:13; 2 Пет. 3:10; 1 Фес. 5:2Ынчангаш силер база-ла одуг-сергек болуңар! Чүге дээрге бажың Ээзиниң кажан ээп келирин билбес-ле болгай силер: та кежээ, та дүн ортузунда, та аскыр-дагаа алгырар өйде азы хүн үнүп орда… 36# Мф. 25:1-13Силер манавайн туруңарда, Ол хенертен ээп келгеш, удуп чыдарыңарны көрүп кагбазын! 37Ынчангаш силерге чугаалаан чүвемни бүгү улуска база чугаалап тур мен: одуг-сергек болуңар!»

Currently Selected:

Марк 13: Ы.Б.2025

Highlight

Copy