Михей 7
7
Чоннуң бужар байдалы
1 # Иса. 24:13; Иер. 24:1; Ос. 9:10; Ам. 8:1-2; Мк. 11:13Аа халак! Мен ам чайгы чимистерни чыып каапкан соонда, виноградты ажаап каапкан соонда келген кижи дег апардым – чипки дег чаңгыс-даа салбак кат чок, мээң чиксээрим чаңгыс-даа бышкан фига чимизи чок. 2# Ыд. ыр. 11:1; 13:1-3 || Ыд. ыр. 9:29-30Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар. 3# У. ч. 17:23; Иса. 1:23Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг. 4# Иез. 2:6Оларның эң дээрези – тенниг хараган дег, эң чөптүү – тенниг бок үнүштен дора. Оларже медээчилериниң медеглеп турган хүнү келген-дир; олар ам кеземчеге онаажыр, олар ам дүвүрелге алзыптар.
5 # Иер. 9:4Өңнүүңерге бүзүревеңер, эжиңерге ынанмаңар. Хойнуңда чыдар кадайың-биле безин оваарымчалыг чугаалаш. 6# Мф. 10:35-36; Лк. 12:53Чүге дээрге оглу адазын куду көөр-дүр, уруу – авазынга, кенни – кунчуунга удурланыр-дыр, кижиниң дайзыннары – ооң өг-бүлезинде боор-дур.
7 # Ыы. 3:25, 26А меңээ хамаарыштыр алыр болза, Дээрги-Чаяакчыже ынаныштыг көөр мен, мээң Камгалакчым Бурганны манаар мен. Бурганым мени дыңнап каар.
Израильдиң катап тургустунары
8 # Авд. 1:12; Мих. 4:11 || Ыд. ыр. 36:24; У. ч. 24:16-18 || Ыд. ыр. 26:1; 111:4Дайзыным, буурааным дээш өөрүве! Барып ушкан-даа болзумза, база катап туруп кээр мен. Караңгыда олурар-даа болзумза, Дээрги-Чаяакчы меңээ чырык апаар. 9# Иса. 58:8Дээрги-Чаяакчының килеңин чүктээр ужурлуг мен, чүге дээрге Аңаа удур бачыт үүлгеткен мен. Бурган мээң таламда апарбаан шаанда, меңээ болчуп эгелевээн шаанда, ындыг болур. Оон Ол мени чырыкче үндүрүп каар, мен Ооң шынныын көрүп каар мен. 10# Ыд. ыр. 41:4; 78:10; 113:10; Иоил 2:17 || 2 Хаан. 22:43; Ыд. ыр. 17:42; Зах. 10:5Дайзыным база ону көрүп каар; меңээ: «Сээң Бурганың Дээрги-Чаяакчы кайыл?» – деп турган болгаш, ооң ады баксыраар. Мен ооң кудумчуда малгаш дег таптадып турарын мага хандыр көөр мен.
11Иерусалим, сээң ханаларыңны тудар, кызыгаарларыңны делгемчидер хүн кээр. 12# Иса. 11:11-12; 43:5; Ос. 11:11; Зах. 8:7; 10:10Ол хүн улузуң Ассириядан-даа, Египеттиң хоорайларындан-даа, Евфрат хемден-даа, далайлар, даглардан-даа сенче чедип кээр. 13А чер-делегей ооң чурттакчыларының үүлгедиглери дээш хоозуралга таваржыр.
Бурганның Израильге өршээлдии болгаш шынчызы
14 # Ыд. ыр. 22:4 || Иер. 50:19Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын. 15# Ыд. ыр. 77:12; Иса. 11:16Египет черден үне берген үеңде ышкаш, кайгамчык чүүлдериңни биске көргүзүп көрем.
16 # Иса. 26:11 || Иов 21:5; У. ч. 30:32Өске чоннар ону көрүп кааш, боттары чеже-даа күчү-күштүг болза, бак атка кирер. Олар аксын холу-биле дуглап аар, оларның кулактары дүлейлеп каар. 17# Э. д. 3:14; Ыд. ыр. 71:9; Иса. 49:23 || 2 Хаан. 22:46; Ыд. ыр. 17:46Олар, черде соястаан курттар азы чылан ышкаш, довурак чылгаар, боттарының быжыглалдарындан сириңейнип союп үнүп кээр, бистиң Бурганывысче эглип кээр. Дээрги-Чаяакчы, олар Сенден коргуп-сүртээр!
18 # Хост. 15:11 || Ыд. ыр. 102:9 || Хост. 34:6-7Сен ышкаш өске Бурган бар бе? Сен бачытты өршээп турар сен, Бодуңнуң чонуңнуң артынчызының кем-буруузунче көрбейн турар сен. Мөңгези-биле килеңневес-тир сен, чүге дээрге энерел көргүзери Сеңээ таарымчалыг-дыр. 19# Иса. 38:17Бурганывыс, Сен биске база катап ээ-хайыралыг боор сен; бистиң бачыттарывысты таптап кааптар сен, бүгү кем-буруувусту дүп чок далайже октаптар сен. 20# Э. д. 17:2; 26:3; Ыд. ыр. 104:9Бистиң ада-өгбевиске шаг шаанда даңгыраглааның дег, Иаковтуң салгалынга шынчы боор сен, Авраамның ук-салгалынга энерелдиг боор сен.
Currently Selected:
Михей 7: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
