Матфей 11

Иоанн Медеглекчиниң дугайында

(Лк. 7:18-35)

1Бодунуң он ийи өөреникчизинге суртаалдап дооскаш, Иисус Галилеяның хоорайларынга улусту өөредири-биле база суртаалдаары-биле улаштыр чорупкан.

2-3 # Мф. 14:3; Лк. 3:19-20; Ин. 3:24 || Ин. 4:25; 6:14; 11:27Кара-бажыңга чыткан Иоанн Христостуң кандыг ажыл-херек кылып турарын дыңнааш, Олче бодунуң өөреникчилерин#11:2-3 Өске бурунгу сөзүглелдерде «Бодунуң ийи өөреникчизин» деп бижээн.: «Чедип кээр ужурлуг Кижи Силер силер бе азы өскезин манаар бис бе?» – деп айтырары-биле чорудупкан.

4Иисус оларга мынча деп харыылаан: «Көрүп база дыңнап турар чүвеңерни Иоаннга дамчыдып чедиңер: 5# Иса. 35:5; 61:1согурлар каракталып, аскактар кылаштап, кеш аарыглыглар арыгланып, дүлейлер дыңнап, өлгеннер катап дирлип, ядыыларга Буянныг Медээни дыңнадып турарын чугаалаар силер. 6# Ин. 6:61; 16:1Меңээ бүзүрелин чидирбес кижи амыр-чыргалдыг боор».

7 # Мф. 3:1Иоанның өөреникчилери чоруй баарга, Иисус чонга ооң дугайында чугаалап эгелээн: «Ээн кургаг ховуже чүнү көөр дээш барып чордуңар? Хатка чайгаткан кулузунну бе? 8Ындыг эвес болза, чүнү көрүп чордуңар? Каас-коя хептиг кижини бе? Ынчалза-даа каас-коя хептиг улус хааннар ордуларынга чурттаар болгай. 9# Мф. 14:5; 21:26Чүнү көөр бис деп бодадыңар? Бурганның медээчизин бе? Ийе, медээчини. Харын силерге чугаалап тур мен: ол – медээчиден-даа артык кижи-дир. 10# Хост. 23:20; Мал. 3:1; Мк. 1:2Бижилгеде ол дугайында Бурганның: „Көр даан, Мээң төлээм Сээң мурнуңда орукту белеткеп берзин дээш, ону Сени мурнай чорудуп тур мен“ – дээн кижизи ол-дур. 11# Лк. 1:15Алыс шынны силерге чугаалап тур мен: чер кырынга чурттап чораан бүгү улустуң аразында Иоанн Медеглекчиден артык бедик кижи чок. Ынчалза-даа Дээрниң Чагыргазында эң чөгенчиг кижи оон улуг боор. 12# Лк. 16:16Иоанн Медеглекчиниң суртаалдап эгелээн хүннеринден эгелээш, амдыгаа чедир Дээрниң Чагыргазынга удур халдаашкын чоруп келген база хөй улус Чагырганы күш-биле эжелеп алыксап турар.

13Бурганның хамык медээчилери биле ыдыктыг хоойлунуң номнары Иоанның кээр мурнунда ол бүгүнүң дугайында өттүр билип медеглеп турганнар#11:13 Азы: «Бурганның хамык медээчилери биле ыдыктыг хоойлунуң номнарында өттүр билген медеглелдер Иоаннче эккел чораан».. 14# Мал. 4:5; Мф. 17:12-13; Лк. 1:17А хүлээп аар деп бодаар болзуңарза, Иоанн дээрге чедип кээр ужурлуг Илия ол-дур. 15# Ажыд. 2:7Дыңнаар кулаа бар кижи дыңназын!

16Бо салгалдың улузун Мен кымның-биле деңнээйн? Олар базаар шөлүнге олуруп алгаш, бир чамдыызы өскелеринге мынча деп алгырышкан бичии уруглар олчаан-дырлар:

17„Бис силерге лимбилеп бердивис, а силер самнавадыңар. Бис силерге кажыыдал ыры ырлап бердивис, а силер ыглашпадыңар“.

18 # Мф. 3:4; Лк. 1:15Иоанн чедип келгеш, аъш-чем чивес, арага ишпес боорга, олар: „Букшуураан“ – дижир-дир. 19# Ин. 2:1; 12:2 || Мф. 9:10-11Кижи амытан Оглу чедип келгеш, чемненир, ижер боорга, олар: „Көрүңер, чазый, арагачы хей-дир, үндүрүг хавырыкчылары болгаш бачытка борашканнарның өңнүү-дүр“ – дижир-дир. А мерген угаан бодунуң ажыл-херээ-биле шынзыттынар».

Галилеяның хоорайларынга кеземче

(Лк. 10:13-15)

20Оларның аразынга дыка хөй кайгамчык чүүлдерни кылырга-даа, бачыттар үүлгедиринден ойталаваан хоорайларның чурттакчыларын Иисус ынчан буруудадып эгелээн:

21 # Мк. 6:45; 8:21 || Мк. 3:7«Хоразин, ат болур сен! Вифсаида, ат болур сен! Силерге көргүскеним дег кайгамчык чүүлдер Тир, Сидон хоорайларга болгулаан болза, олар шагда-ла бачыттарын миннип, качыгдалдың самдар хевин кедип, баштарын хүл-биле бызаарлар ийик#11:21 Хоразин биле Вифсаида – Капернаумдан ырак эвесте хоорайлар. Тир биле Сидон – Эрги Чагыг-керээде Бурганның медээчилери бо хоорайларның чурттакчыларын оларның Бургандан ойталааны дээш ажынып сойгалап турганнар.. 22# Иса. 23:1; Иер. 47:4; Иез. 26:2; Иоил 3:4; Ам. 1:9; Зах. 9:2; Мф. 15:21Ынчангаш шииткел хүнү кээрге, силерге көөрде, Тир биле Сидонга безин өршээл улуг боорун чугаалап тур мен. 23# Иса. 14:13, 15Капернаум, сен база-ла дээрге чедир көдүрлүрүн кордадың бе? Чок, тамыже дүңдерлип дүжер сен! Чүге дээрге сеңээ көргүскеним дег кайгамчык чүүлдерни Содомга база кылган болза, ол хоорай бөгүнге чедир турар ийик. 24# Иез. 16:48Ынчангаш шииткел хүнү кээрге, сеңээ көөрде, Содомга безин өршээл улуг боорун силерге чугаалап тур мен!»

Адазы биле Оглу

(Лк. 10:21-22)

25 # Иов 37:24; Иса. 29:14Иисус ол өйде мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш Сени алдаржыдып тур мен! 26Ийе, Ачай, Сээң күзел-сорууң ындыг болган.

27 # Ин. 13:3; 17:2 || Ин. 6:46; 7:29; 8:19; 10:15Бүгү чүүлдү Адам Меңээ хүлээдип берген. Адазындан аңгы кым-даа Оглун билбес, Оглу болгаш Оглунуң ону айтып бээрин күзээн улузундан өске кым-даа Адазын база билбес».

Могап турупканнарның тамчык-дыжы

28 # Ыд. ыр. 54:23; 67:20; Ин. 7:37«Могап турупкан, аар чүък чүктээн улус дөгере Менче келиңер! Мен силерге тамчык-дышты хайырлаар мен. 29# Иер. 28:10-14; Ос. 10:11 || Зах. 9:9 || Иер. 6:16Мээң чагыгларымны бодуңарга хомут дег кеткеш, Менден өөренип алыңар, Мен биче сеткилдиг болгаш чөпшүл чүректиг мен, ынчангаш чуртталгаңарны тамчык-дыш бүргей аптар. 30# 1 Ин. 5:3Чүге дээрге Мээң чагыгларым хомуду чиик база Мээң чүдүрер чүъгүм аар эвес».

Currently Selected:

Матфей 11: Ы.Б.2025

Highlight

Copy