Матфей 10

Иисустуң он ийи элчинни шилип алганы

(Мк. 3:13-19; 6:7-13; Лк. 6:12-16; 9:1-6; 10:1-12)

1Иисус Бодунуң эң чоок он ийи өөреникчизин чыып алгаш, оларга буктарны үндүр сывырар база кандыг-даа аарыг-аржыктан экиртир эрге-күштү берген. 2Он ийи элчинниң аттары бо-дур: оларның баштайгызы боор Пётр деп адаткан Симон биле ооң дуңмазы Андрей, Зеведейниң оглу Иаков биле ооң дуңмазы Иоанн, 3Филипп биле Варфоломей, Фома биле үндүрүг хавырыкчызы Матфей, Алфейниң оглу Иаков биле Фаддей#10:3 Өске бурунгу сөзүглелдерде «Фаддей» эвес, а «Фаддей деп адаткан Леввей» деп бижээн., 4Симон Кананит#10:4 Кананит – арамей дылдан укталган бо сөс Кана хоорайның адынга дүүшпес, а «Төрээн чурту дээш чүткүлдүг демисекчи» дээн уткалыг бооп чадавас (Лк. 6:15 көр). биле сөөлүнде барып Христосту садыпкан Иуда Искариот.

5Иисус он ийи элчинин чорудуп тура, мындыг айтыышкын берген: «Өске чоннар улузунче-даа, Самарияның хоорайларынче-даа барбаңар. 6# Ыд. ыр. 118:176; Иса. 53:6; Иер. 50:6; Зах. 10:2; Мф. 15:24; 1 Пет. 2:25Хамыктың мурнунда израиль чоннуң азып читкен хойлар дег улузунче барыңар. 7# Мф. 3:2; 4:17Баргаш: „Дээрниң Чагыргазы чоокшулап келген-дир!“ – деп суртаалдаңар. 8# Лев. 13:3; Мф. 8:2 || Аж.-ч. 20:35Аарыг улусту экиртиңер, өлүглерни катап диргизиңер, кеш аарыглыг улусту арыглаңар, буктарны үндүр сывыртаңар. Халаска алган силер – халаска бериңер. 9Орукче үнерде, бодуңарга алдын, мөңгүн, чес чоостар албаңар. 10# 1 Тим. 5:18Орукче үнерде, диленир хап-сава-даа, солуттунар хеп-даа, кедер идик-даа, даянгыыш-даа албаңар, чүге дээрге ажылдаан кижи амыдыраар аъш-чеминге төлептиг боор.

11Кандыг-бир хоорайга азы суурга чедип келгеш, ында төлептиг кым барын билип алгаш, чоргужеге чедир ооң бажыңынга туруңар. 12Ол бажыңче кирип келгеш, ээлерин мендилеңер#10:12 Өске бурунгу сөзүглелдерде бо домакка «„Бо бажыңга амыр-тайбың доктаазын!“ – деп чугаалаңар» деп немээн (Лк. 10:5 көр).. 13Олар силерниң мендиңерге төлептиг болза, күзээн амыр-тайбыңыңар орта артып калзын, а төлептиг эвес болза, аңаа күзээн амыр-тайбыңыңар чогуп бүтпезин. 14# Аж.-ч. 13:51А кандыг-бир кижи силерни хүлээп албас база сөзүңерни дыңнавас болза, ол бажыңдан азы хоорайдан чоруп тура, будуңарда довуракты-даа кактап кааптыңар.#10:14 Еврейлер даштыкыдан ээп кээп тура, оларның хеви биле идиинге чыпшынган довуракты кактап кааптар турган. Ооң-биле олар өске чоннар улузунуң багындан арыгланып ап турарын көргүзерлери ол. 15# Э. д. 18:20; 19:24; Иер. 23:14; Иез. 16:48Силерге алыс шынны чугаалап тур мен: ол хоорайга көөрде, Содом биле Гоморрага безин шииткел хүнүнде өршээл улуг боор».

Истеп сүрүүшкүннер дугайында сагындырыг

(Мк. 13:9-13; Лк. 12:2-12; 21:12-17)

16 # Лк. 10:3 || Э. д. 3:1«Дыңнаңар, Мен силерни кокайлар аразынче хураганнарны дег чорудуп тур мен. Ынчангаш чыланнар дег кажар, көге-бугалар дег кем чок болуңар. 17Улустан кичээниңер. Олар силерни шиидери-биле дээди Чөвүлелдерге хүлээдип, синагогаларга эриидей бээр.#10:17 Тус чер судтары хоорай бүрүзүнге синагогаларга турган, аңаа баштыңнар шииткекчилер болур. Иудей бүзүрелден ойталаан улусту үжен тос катап хаак-биле эриидеп, кезедир турган. 18# Аж.-ч. 17:6; 18:12; 24:1; 25:6 || Ыд. ыр. 118:46Мен дээш силерни чагырыкчылар болгаш хааннар мурнунга эккеп тургузуптар, ынчан оларга база өске чоннар улузунга Мээң дугайымда херечилээр силер. 19Олар силерни эккээрге, чүнү база канчаар чугаалаарыл деп сагыш човаваңар. Чүнү чугаалаарыңар силерге ол шакта илерей бээр. 20# У. ч. 16:1Чүге дээрге силер эвес, а Адаңарның Сүлдези силерни дамчыштыр чугаалай бээр.

21 # Мф. 24:10Акызы дуңмазын, ачазы ажы-төлүн өлүрери-биле бериптер. Ажы-төлү база ада-иезинге удур тура халааш, оларны өлүрери-биле бериптер. 22# Мф. 24:9; Ин. 15:18 || Иак. 5:11; Гал. 6:9; Ажыд. 2:10Хамык улус Мен дээш силерни көрбестей бээр. Ынчалза-даа эчизинге чедир шыдашкан кижи камгалалды алыр. 23# Аж.-ч. 8:1; 14:6Силерни бир хоорайга истеп сүре берзе, өскезинче дезиптиңер. Силерге алыс шынны чугаалап тур мен: Израильдиң хамык хоорайларын эргий кезип четтикпээниңерде-ле, Кижи амытан Оглу чедип кээр.

24 # Лк. 6:40; Ин. 13:16Өөреникчи башкызындан бедивес, а чалча Дээргизинден бедивес. 25# 4 Хаан. 1:2; Мф. 9:34; 12:24Өөреникчи башкызынга деңнешсе, сеткили ханар, а чалча Дээргизинге деңнешсе, сеткили ханар. Бажың ээзин буктарның чагырыкчызы Веелзевул деп адаар болза, ооң өг-бүлезиниң улузун оон-даа дора кылдыр адавас бе?

26 # Мк. 4:21; Лк. 8:17; 12:2Ынчангаш олардан кортпаңар. Көстү бербес хире чажыт чүү-даа чок база илерей бербес хире бүдүү чүү-даа чок. 27Мээң силерге караңгыда чугаалаан чүвемни хүннүң чырыында чугаалаңар, силерниң кулааңарга сымыранган чүвемни шупту улуска дыңналдыр медеглеңер. 28# Ыд. ыр. 55:5; 117:6; У. ч. 29:25; Иса. 51:7, 12Кижилерден кортпаңар: олар мага-ботту өлүрзе-даа, сеткилиңерни өлүрүп шыдавас. Сеткилиңерни-даа, мага-бодуңарны-даа тамыже киир октааш, узуткап шыдаар Бургандан коргуңар.

29Ийи бора-хөкпешти бир чес чоос-биле садып албас ийикпе? Ындыг-даа болза, Адаңарның күзел-соруу чокта, оларның чаңгызы-даа черже кээп дүшпес. 30А силерниң бажыңар дүгүн безин санап каан болдур ийин! 31# Мф. 6:26; 12:12Ынчангаш кортпаңар: силер эңдерик хөй бора-хөкпештен үнелиг силер!

32 # Рим. 10:9; Ажыд. 3:5Мени улус мурнунга ажыы-биле хүлээп көөр кижи бүрүзүн Мен база Дээрде Адамның мурнунга хүлээп көөр мен. 33# Мф. 25:12; 1 Ин. 2:23; 2 Тим. 2:12А Менден улус мурнунга ойталаар кижиден Мен база Дээрде Адамның мурнунга ойталаар мен».

Христоска бүрүн шынчы болуңар

(Лк. 12:51-53; 14:26-27)

34 # Аж.-ч. 14:4«Мени бо делегейже амыр-тайбың эккээр дээш келген деп бодаваңар. Амыр-тайбың эвес, а аңгылажыг хылыжы эккээр дээш келген мен. 35Мен оглун ачазындан, уруун авазындан, кеннин кунчуундан аңгылаар дээш келген мен. 36# Мих. 7:6Кижиге өг-бүлезиниң улузундан өжээнниг дайзыннар турбас апаар.

37Ава-ачазынга Менден артык ынак кижи Меңээ таарышпас. Оглу-кызынга Менден артык ынак кижи Меңээ таарышпас. 38# Мф. 16:24-25; Мк. 8:34-35; Лк. 9:23Бодунуң шаажылал ыяжын чүктевес база Мени эдерип чорбас кижи Меңээ таарышпас.#10:38 Белдир-ыяшка хере шаап шаажылаары рим чагырга үезинде Израильге болганчок-ла ажыглаттынар турган. Шииттирген кижи белдир-ыяштың доора ооргазын шаажылал черинче боду чүктеп чедире бээр. Мында оюскан утка-биле: Христостуң өөреникчизи бодунуң бүзүрели дээш хилинчекке база харын-даа өлүмге белен болур ужурлуг. 39# Ин. 12:25Бодунуң амы-тынын камгалап алыксаан кижи амы-тынын ышкынып алыр. Ынчаарга амы-тынын Мен дээш ышкынар кижи амы-тынын тып алыр.

40 # Мф. 25:40; Лк. 10:16; Ин. 12:44; 13:20; Гал. 4:14Силерни хүлээп аар кижи Мени хүлээп ап турары ол, а Мени хүлээп аар кижи Мени айбылап чоруткан Адамны хүлээп ап турары ол. 41# 3 Хаан. 17:10-15; 4 Хаан. 4:8Бурганның медээчизин, медээчи-дир сен дээш, хүлээп аар кижи медээчи кижинии дег шаңнал алыр. А чөптүг-шынныг кижини, чөптүг-шынныг-дыр сен дээш, хүлээп аар кижи ооң алыры дег шаңнал алыр. 42# Мк. 9:41; Евр. 6:10Бо ынай, кошкак улустуң бирээзинге, Мээң өөреникчим болганы дээш, аяк ишти-даа соок суг кудуп бээр кижи бар болза, ол бодунуң шаңналын канчап-даа чидирбес дээрзин силерге чугаалап тур мен».

Currently Selected:

Матфей 10: Ы.Б.2025

Highlight

Copy