Малахия 2
2
Бурганның бараалгакчыларын чемелээни
1 # Мал. 1:6«Бурганның бараалгакчылары, силерге ам бээр айтыышкыным бо-дур: 2# Ы. х. к. 28:15; У. ч. 3:33; Зах. 5:4 || Ы. х. к. 28:15-20Мээң адымны алдаржыдыңар. А бир эвес Мени тооп дыңнавас база Мээң адымны алдаржыдарын чүрээңерге хүлээп албас болзуңарза, Мен силерже каргыш ыдар мен, силерниң алгыш-йөрээлиңерни каргыш кылдыр хуулдуруптар мен – деп, Аг-шериглиг Дээрги-Чаяакчы чугаалаан. – Каргап эгелей бердим, чүге дээрге силер Мээң адымны алдаржыдарын чүрээңерге хүлээп албаан-дыр силер.
3 # Хост. 29:14Силерниң үре-салгалыңарны кезедир мен#2:3 Бо домактың утказы эки билдинмес. Болгу дег өске уткалары: «Мен холдарыңарны кемдедип каар мен» азы «Далган-тарааңарны узуткап каар мен».. Байырлалдарда өргээн малыңарның чинин арыннарыңарже хөме чашканнап кааптар мен, силерни ол чин-биле кады үндүр октаптар мен. 4# Сан. 3:12Мээң Левийден укталган аймааңар-биле чарган чагыг-керээм күштүг бооп артсын дээш, силерге ол айтыышкынны бергенимни билип алыңар – деп, Аг-шериглиг Дээрги-Чаяакчы чугаалаан. – 5Мээң Левийниң аймаа-биле чарган чагыг-керээм силерге эки-чаагай амыдыралды бээр ужурлуг турган, ол бүгүнү Мен хайырладым-даа. Левиттер Менден коргар ужурлуг турган, ынчангаш Менден коргуп, Мээң адымны ханы хүндүлеп турган. 6# Лев. 10:11; Ы. х. к. 33:10Левийниң салгакчылары алыс шын өөредигни чугаалап турган, оларның аксындан меге сөс үнмээн. Олар Меңээ туралыы-биле, шынныы-биле бараан болуп турган, хөй улусту бачыттан чайлаткан.
7 # У. ч. 5:2 || Ы. х. к. 17:9Бурганның бараалгакчызының аксы-сөзү угаан-билигни кадагалаар ужурлуг, ынчан улус ооң чугаа-сөзүнден өөредигни дыңнаксаар, чүге дээрге ол – Аг-шериглиг Дээрги-Чаяакчының төлээлекчизи-дир. 8# Иез. 22:26А силер ол оруктан өскээр барган-дыр силер, боттарыңарның өөредииңер-биле хөй улусту буураткан-дыр силер. Левийниң аймаа-биле чарган чагыг-керээмни үрээн-дир силер – деп, Аг-шериглиг Дээрги-Чаяакчы чугаалаан. – 9# Ы. х. к. 1:17; 16:19Ынчангаш Мен силерни бүгү чоннуң мурнунга чөгенчиг, куду көрдүрген улус кылып каан мен, чүге дээрге силер Мээң оруктарым эдербээн-дир силер, ыдыктыг хоойлуну ажыглаарда, улусту ылгай көрүп турган-дыр силер».
Иудейлерниң боттарының кадайларынга шынчы эвес чоруу
10 # Эф. 4:6Бис шуптувус чаңгыс Адалыг эвес бис бе? Бисти чаңгыс Бурган чаяап каан эвес чүве бе? А чүге бис Ооң ада-өгбевис-биле чарган чагыг-керээзин үреп, бот-боттарывыска кара сагыштыг болганывыс ол?
11 # Эзра 9:2; Неем. 13:23Иудейлер кара сагыштыг болган-дыр. Израиль чоннуң аразында, Иерусалим хоорайда чүдек-бужар чүве үүлгеттинип турар-дыр. Иудейлер Дээрги-Чаяакчының ынак ыдыктыг черин бужартаткан-дыр: олар өске бурганнарга мөгеер херээженнерге хандыкшып, өгленчип алган-дыр. 12Аг-шериглиг Дээрги-Чаяакчы ынчаар кылып турар кижи бүрүзүн Израильдиң аал-ораннарындан чайладып каапсын, ындыг кижиге Аңаа өргүл кылыр арга бербес болзун!
13Оон ыңай мындыг чүве кылып турар-дыр силер: Дээрги-Чаяакчының өргүл бедигээжинче карак чажын хөме кудуп каапкан-дыр силер. Ыглап-сыктап, хомудап турар-дыр силер, чүге дээрге Дээрги-Чаяакчы силерниң өргүлдериңерже ам көрүнмейн турар-дыр, оларны силерниң холуңардан хүлээп албас апарган-дыр. 14«Чүге ындыгыл?» – деп айтырып тур силер. Чүге дээрге Дээрги-Чаяакчы аныяаңда өгленишкен кадайың биле сээң араңарда херечи-дир: ол херээжен кижи сээң кыс эжиң, өгленчир дугайында дугуржулга ёзугаар кадайың-даа болза, сен аңаа шынчы эвес болган-дыр сен.
15Бурган ашак-кадай улусту чаңгыс мага-боттуг, сагыш-сеткилдиг боор кылдыр чаяап каан болгай. А чүге Ол олар тудуш чаңгыс болзун деп күзээрил?#2:15 Бо домактың утказы эки билдинмес. Болгу дег өске утказы мындыг: «Сагыш-сеткили анаа кижи силер ышкаш кылдыр кылбас. Ындыг кижи чүнү күзээрил?» Бурганга таарымчалыг үре-салгал ботталдырзын дээш. Ынчангаш силер сеткил-чүрээңерни кадагалаңар, кым-даа бодунуң аныяанда өгленишкен кадайынга шынчы чоруун үревезин. 16# Мф. 19:6; Мк. 10:9; Лк. 16:18; 1 Кор. 7:10-11«Бир эвес кандыг-бир кижи бодунуң кадайынга хөңнү чок апарып, ооң-биле чарлыр болза#2:16 Бо домактың утказы эки билдинмес. Болгу дег өске утказы мындыг: «Мен ашак-кадай улустуң чарлырынга хөңнүм чок мен»., ол кижи дерзии чорук-биле, хеви-биле дег, шыптынып аар – деп, Израильдиң Бурганы, Аг-шериглиг Дээрги-Чаяакчы чугаалаан. – Ынчангаш сеткил-чүрээңерни кадагалаңар, ындыг кара сагыштыг чорук кылбаңар».
Бурганның чонну шын шиидер дээш кээри
17 # Иса. 43:24 || Иса. 5:20 || Иов 23–24Дээрги-Чаяакчыны чугаа-сөзүңер-биле бужургандырып алган-дыр силер. «Чүвүс-биле Аңаа бужурганчыг апарганывыс ол?» – деп айтырар-дыр силер.
«Дээрги-Чаяакчы бузут үүлгедип турар улусче эки көрнүп турар, Ооң сеткилинге ындыг улус кирип турар» – деп хыйланып турарыңар-биле база «Чөптүг шииткел кылыр Бурган кайыл?» – деп айтырып турарыңар-биле.
Currently Selected:
Малахия 2: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Малахия 2
2
Бурганның бараалгакчыларын чемелээни
1 # Мал. 1:6«Бурганның бараалгакчылары, силерге ам бээр айтыышкыным бо-дур: 2# Ы. х. к. 28:15; У. ч. 3:33; Зах. 5:4 || Ы. х. к. 28:15-20Мээң адымны алдаржыдыңар. А бир эвес Мени тооп дыңнавас база Мээң адымны алдаржыдарын чүрээңерге хүлээп албас болзуңарза, Мен силерже каргыш ыдар мен, силерниң алгыш-йөрээлиңерни каргыш кылдыр хуулдуруптар мен – деп, Аг-шериглиг Дээрги-Чаяакчы чугаалаан. – Каргап эгелей бердим, чүге дээрге силер Мээң адымны алдаржыдарын чүрээңерге хүлээп албаан-дыр силер.
3 # Хост. 29:14Силерниң үре-салгалыңарны кезедир мен#2:3 Бо домактың утказы эки билдинмес. Болгу дег өске уткалары: «Мен холдарыңарны кемдедип каар мен» азы «Далган-тарааңарны узуткап каар мен».. Байырлалдарда өргээн малыңарның чинин арыннарыңарже хөме чашканнап кааптар мен, силерни ол чин-биле кады үндүр октаптар мен. 4# Сан. 3:12Мээң Левийден укталган аймааңар-биле чарган чагыг-керээм күштүг бооп артсын дээш, силерге ол айтыышкынны бергенимни билип алыңар – деп, Аг-шериглиг Дээрги-Чаяакчы чугаалаан. – 5Мээң Левийниң аймаа-биле чарган чагыг-керээм силерге эки-чаагай амыдыралды бээр ужурлуг турган, ол бүгүнү Мен хайырладым-даа. Левиттер Менден коргар ужурлуг турган, ынчангаш Менден коргуп, Мээң адымны ханы хүндүлеп турган. 6# Лев. 10:11; Ы. х. к. 33:10Левийниң салгакчылары алыс шын өөредигни чугаалап турган, оларның аксындан меге сөс үнмээн. Олар Меңээ туралыы-биле, шынныы-биле бараан болуп турган, хөй улусту бачыттан чайлаткан.
7 # У. ч. 5:2 || Ы. х. к. 17:9Бурганның бараалгакчызының аксы-сөзү угаан-билигни кадагалаар ужурлуг, ынчан улус ооң чугаа-сөзүнден өөредигни дыңнаксаар, чүге дээрге ол – Аг-шериглиг Дээрги-Чаяакчының төлээлекчизи-дир. 8# Иез. 22:26А силер ол оруктан өскээр барган-дыр силер, боттарыңарның өөредииңер-биле хөй улусту буураткан-дыр силер. Левийниң аймаа-биле чарган чагыг-керээмни үрээн-дир силер – деп, Аг-шериглиг Дээрги-Чаяакчы чугаалаан. – 9# Ы. х. к. 1:17; 16:19Ынчангаш Мен силерни бүгү чоннуң мурнунга чөгенчиг, куду көрдүрген улус кылып каан мен, чүге дээрге силер Мээң оруктарым эдербээн-дир силер, ыдыктыг хоойлуну ажыглаарда, улусту ылгай көрүп турган-дыр силер».
Иудейлерниң боттарының кадайларынга шынчы эвес чоруу
10 # Эф. 4:6Бис шуптувус чаңгыс Адалыг эвес бис бе? Бисти чаңгыс Бурган чаяап каан эвес чүве бе? А чүге бис Ооң ада-өгбевис-биле чарган чагыг-керээзин үреп, бот-боттарывыска кара сагыштыг болганывыс ол?
11 # Эзра 9:2; Неем. 13:23Иудейлер кара сагыштыг болган-дыр. Израиль чоннуң аразында, Иерусалим хоорайда чүдек-бужар чүве үүлгеттинип турар-дыр. Иудейлер Дээрги-Чаяакчының ынак ыдыктыг черин бужартаткан-дыр: олар өске бурганнарга мөгеер херээженнерге хандыкшып, өгленчип алган-дыр. 12Аг-шериглиг Дээрги-Чаяакчы ынчаар кылып турар кижи бүрүзүн Израильдиң аал-ораннарындан чайладып каапсын, ындыг кижиге Аңаа өргүл кылыр арга бербес болзун!
13Оон ыңай мындыг чүве кылып турар-дыр силер: Дээрги-Чаяакчының өргүл бедигээжинче карак чажын хөме кудуп каапкан-дыр силер. Ыглап-сыктап, хомудап турар-дыр силер, чүге дээрге Дээрги-Чаяакчы силерниң өргүлдериңерже ам көрүнмейн турар-дыр, оларны силерниң холуңардан хүлээп албас апарган-дыр. 14«Чүге ындыгыл?» – деп айтырып тур силер. Чүге дээрге Дээрги-Чаяакчы аныяаңда өгленишкен кадайың биле сээң араңарда херечи-дир: ол херээжен кижи сээң кыс эжиң, өгленчир дугайында дугуржулга ёзугаар кадайың-даа болза, сен аңаа шынчы эвес болган-дыр сен.
15Бурган ашак-кадай улусту чаңгыс мага-боттуг, сагыш-сеткилдиг боор кылдыр чаяап каан болгай. А чүге Ол олар тудуш чаңгыс болзун деп күзээрил?#2:15 Бо домактың утказы эки билдинмес. Болгу дег өске утказы мындыг: «Сагыш-сеткили анаа кижи силер ышкаш кылдыр кылбас. Ындыг кижи чүнү күзээрил?» Бурганга таарымчалыг үре-салгал ботталдырзын дээш. Ынчангаш силер сеткил-чүрээңерни кадагалаңар, кым-даа бодунуң аныяанда өгленишкен кадайынга шынчы чоруун үревезин. 16# Мф. 19:6; Мк. 10:9; Лк. 16:18; 1 Кор. 7:10-11«Бир эвес кандыг-бир кижи бодунуң кадайынга хөңнү чок апарып, ооң-биле чарлыр болза#2:16 Бо домактың утказы эки билдинмес. Болгу дег өске утказы мындыг: «Мен ашак-кадай улустуң чарлырынга хөңнүм чок мен»., ол кижи дерзии чорук-биле, хеви-биле дег, шыптынып аар – деп, Израильдиң Бурганы, Аг-шериглиг Дээрги-Чаяакчы чугаалаан. – Ынчангаш сеткил-чүрээңерни кадагалаңар, ындыг кара сагыштыг чорук кылбаңар».
Бурганның чонну шын шиидер дээш кээри
17 # Иса. 43:24 || Иса. 5:20 || Иов 23–24Дээрги-Чаяакчыны чугаа-сөзүңер-биле бужургандырып алган-дыр силер. «Чүвүс-биле Аңаа бужурганчыг апарганывыс ол?» – деп айтырар-дыр силер.
«Дээрги-Чаяакчы бузут үүлгедип турар улусче эки көрнүп турар, Ооң сеткилинге ындыг улус кирип турар» – деп хыйланып турарыңар-биле база «Чөптүг шииткел кылыр Бурган кайыл?» – деп айтырып турарыңар-биле.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025