Малахия 3
3
1 # Хост. 23:20; Мф. 11:10; Мк. 1:2; Лк. 1:76; 7:27Аг-шериглиг Дээрги-Чаяакчы: «Көрүңер, Меңээ оруктан белеткеп берзин дээш, Мен Бодумнуң төлээмни мурнай чорудуп тур мен. Силерниң чүткүп турарыңар Дээрги Бодунуң өргээзинге хенертен чедип кээр, силерниң көрүксеп турарыңар чагыг-керээмни медеглээр төлээм мыя бо кел чыдыр» – деп харыылаан-дыр.
2 # Ыд. ыр. 75:8; Иоил 2:11; Наум 1:6; Ажыд. 6:17Ооң чедип кээр хүнүн кым шыдажырыл? Ол көстүп кээрге, кым шыдажырыл? Ол эзилдирер от, саваң дег болур. 3# Иса. 1:25; Иез. 22:18; Зах. 13:9Ол мөңгүн арыглаар эзилдирикчи дег олуруп алгаш, Левийниң аймаан арыглап, оларны алдын-мөңгүн дег эзилдирип каар. Ынчан олар Дээрги-Чаяакчыга чөптүг өргүл кылыр. 4Ынчан Иудея биле Иерусалимниң өргүлдери, шаандакы үеде-даа дег, эрткен чылдарда-даа дег, Дээрги-Чаяакчыга өөрүнчүг болур.
5 # Лев. 19:31 || Хост. 20:14, 16; Лев. 19:12 || Лев. 19:13 || Ы. х. к. 24:17Аг-шериглиг Дээрги-Чаяакчы: «Мен силерге шииткел үндүрүп чедип кээр мен. Караң көрнүрлерге, кады чурттаан эжинге шынчы эвестерге, мегелеп даңгыраглаарларга, хөлечиктерниң ажыл төлевирин бербестерге, дулгуяк херээженнерни база өскүс кижилерни кызагдаарларга, даштыкы улустуң эргелерин казыырларга – Менден кортпас улуска удур саадал чокка херечилеп, оларның буруузун илередир мен» – деп чугаалаан.
6-7 # Сан. 23:19; Ыд. ыр. 101:27-28; Иак. 1:17 || Аж.-ч. 7:51 || Иса. 31:6; Зах. 1:3Аг-шериглиг Дээрги-Чаяакчы: «Мен, Дээрги-Чаяакчы, өскерилбес мен. А силер Иаковтуң үре-салгалы болуп артпышаан-на болгай силер#3:6-7 Азы: «Силер, Иаковтуң үре-салгалы, узуткатпаан-на болгай силер».. Ада-өгбеңерниң үезинден-не Мээң дүрүмнеримни үреп, оларны сагывайн турган силер. Менче эглип келиңер, Мен база силерже эглип кээр мен» – деп чугаалаан.
А силер: «Канчап эглип кээр бис?!» – деп тур силер.
Бурганга хамааржыр чүүлдерни оорлап болбас
8«Кижи Бурганга хамааржыр чүүлдерни оорлап болур бе? А силер Мээң чүүлдеримни оорлап турар-дыр силер».
«Сеңээ хамааржыр чүүлдерни канчаар оорлап турдувус?» – деп тур силер.
«Меңээ бээр ужурлуг бүгү чүвеңерниң оннуң бир кезээ-биле, өргүл-белектериңер-биле. 9# Мал. 2:2Силер – бүгү чон – каргаттырар силер, чүге дээрге Мээң чүүлдеримни оорлап турар-дыр силер. 10# Лев. 26:4; 4 Хаан. 7:2; Иер. 14:22; Иез. 34:26; Зах. 10:1 || 2 Чыл. 31:10; У. ч. 3:9-10Шыгжамырларже дүжүттүң оннуң бир кезээн бүрүнү-биле эккелиңер – Мээң өргээмге аъш-чем турзун – деп, Аг-шериглиг Дээрги-Чаяакчы чугаалаан. – Оон Мени шенеп көрүңер даан: дээрниң эжиктерин силерге ажыдып бербес-тир мен бе, силерже ачы-буянымны сыңырар чер чок кылдыр харамнанмайн бадырып бербес-тир мен бе? 11Мен силерниң дүжүдүңерни хоралакчыларга чиртпес мен, шөлдериңерде виноград сыптарында чимис база черже кээп дүшпес – деп, Аг-шериглиг Дээрги-Чаяакчы чугаалаан. – 12Ынчан бүгү чоннар силерни амыр-чыргалдыг деп адаар, чүге дээрге силерниң чериңер кайгамчык эки болур». Аг-шериглиг Дээрги-Чаяакчының чугаалаан чүвези ол-дур.
Бурган Бодунуң чөптүг-шынныын көргүзер
13«Силер Меңээ удур кадыг сөстер чугаалап турдуңар» – деп, Дээрги-Чаяакчы чугаалаан.
А силер: «Бис Сеңээ удур чүнү чугааладывыс?» – деп тур силер.
14 # Иов 9:22; 35:3; Иса. 58:3; Соф. 1:12Силер: «Бурганга бараан боорга, ажык чок-тур. Аг-шериглиг Дээрги-Чаяакчының дүрүмнерин сагып, Ооң мурнунга качыгдап ыглаан улус дег муңгарап чоруп тургаш, кандыг ажык-дуза алдывыс? 15# Иов 21:14-15; 22:17; Ыд. ыр. 72:3-4; Иер. 12:1Бис ам бардам улусту амыр-чыргалдыг деп санаар-дыр бис. Бузуттуглар чедиишкинниг болуп тур, олар Дээрги-Чаяакчыга чөңгээлеп тура безин, кеземче чок артып каар-дыр» – деп турган силер.
16 # Хост. 32:32; Ыд. ыр. 55:9; 68:29А Бургандан коргар улус ол үеде аразында чугаалажырга, Дээрги-Чаяакчы оларже кичээнгей салып, дыңнап турган. Ынчаарга Дээрги-Чаяакчыдан коргар, Ооң алдар-адының дугайында бодаар улустуң аттарын киирген тураскаалдыг ном Ооң мурнунга бижиттинип турган.
17 # Хост. 19:5; 1 Пет. 2:9 || Ыд. ыр. 102:13«Олар Меңээ хамааржыр – деп, Аг-шериглиг Дээрги-Чаяакчы чугаалаан. – Мээң хөделип үнер хүнүмде олар Мээң улуг үнелиг өнчү-хөреңгим болур. Мен оларга, ада кижи аңаа бараан болуп турар оглунга дег, хайыралыг боор мен. 18# Хост. 11:7Ынчан силер Бурганга бараан болуп турар чөптүг-шынныг кижи биле Аңаа бараан болбайн турар бузуттуг кижиниң аразында ылгалды катап база билип каар силер».
Currently Selected:
Малахия 3: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Малахия 3
3
1 # Хост. 23:20; Мф. 11:10; Мк. 1:2; Лк. 1:76; 7:27Аг-шериглиг Дээрги-Чаяакчы: «Көрүңер, Меңээ оруктан белеткеп берзин дээш, Мен Бодумнуң төлээмни мурнай чорудуп тур мен. Силерниң чүткүп турарыңар Дээрги Бодунуң өргээзинге хенертен чедип кээр, силерниң көрүксеп турарыңар чагыг-керээмни медеглээр төлээм мыя бо кел чыдыр» – деп харыылаан-дыр.
2 # Ыд. ыр. 75:8; Иоил 2:11; Наум 1:6; Ажыд. 6:17Ооң чедип кээр хүнүн кым шыдажырыл? Ол көстүп кээрге, кым шыдажырыл? Ол эзилдирер от, саваң дег болур. 3# Иса. 1:25; Иез. 22:18; Зах. 13:9Ол мөңгүн арыглаар эзилдирикчи дег олуруп алгаш, Левийниң аймаан арыглап, оларны алдын-мөңгүн дег эзилдирип каар. Ынчан олар Дээрги-Чаяакчыга чөптүг өргүл кылыр. 4Ынчан Иудея биле Иерусалимниң өргүлдери, шаандакы үеде-даа дег, эрткен чылдарда-даа дег, Дээрги-Чаяакчыга өөрүнчүг болур.
5 # Лев. 19:31 || Хост. 20:14, 16; Лев. 19:12 || Лев. 19:13 || Ы. х. к. 24:17Аг-шериглиг Дээрги-Чаяакчы: «Мен силерге шииткел үндүрүп чедип кээр мен. Караң көрнүрлерге, кады чурттаан эжинге шынчы эвестерге, мегелеп даңгыраглаарларга, хөлечиктерниң ажыл төлевирин бербестерге, дулгуяк херээженнерни база өскүс кижилерни кызагдаарларга, даштыкы улустуң эргелерин казыырларга – Менден кортпас улуска удур саадал чокка херечилеп, оларның буруузун илередир мен» – деп чугаалаан.
6-7 # Сан. 23:19; Ыд. ыр. 101:27-28; Иак. 1:17 || Аж.-ч. 7:51 || Иса. 31:6; Зах. 1:3Аг-шериглиг Дээрги-Чаяакчы: «Мен, Дээрги-Чаяакчы, өскерилбес мен. А силер Иаковтуң үре-салгалы болуп артпышаан-на болгай силер#3:6-7 Азы: «Силер, Иаковтуң үре-салгалы, узуткатпаан-на болгай силер».. Ада-өгбеңерниң үезинден-не Мээң дүрүмнеримни үреп, оларны сагывайн турган силер. Менче эглип келиңер, Мен база силерже эглип кээр мен» – деп чугаалаан.
А силер: «Канчап эглип кээр бис?!» – деп тур силер.
Бурганга хамааржыр чүүлдерни оорлап болбас
8«Кижи Бурганга хамааржыр чүүлдерни оорлап болур бе? А силер Мээң чүүлдеримни оорлап турар-дыр силер».
«Сеңээ хамааржыр чүүлдерни канчаар оорлап турдувус?» – деп тур силер.
«Меңээ бээр ужурлуг бүгү чүвеңерниң оннуң бир кезээ-биле, өргүл-белектериңер-биле. 9# Мал. 2:2Силер – бүгү чон – каргаттырар силер, чүге дээрге Мээң чүүлдеримни оорлап турар-дыр силер. 10# Лев. 26:4; 4 Хаан. 7:2; Иер. 14:22; Иез. 34:26; Зах. 10:1 || 2 Чыл. 31:10; У. ч. 3:9-10Шыгжамырларже дүжүттүң оннуң бир кезээн бүрүнү-биле эккелиңер – Мээң өргээмге аъш-чем турзун – деп, Аг-шериглиг Дээрги-Чаяакчы чугаалаан. – Оон Мени шенеп көрүңер даан: дээрниң эжиктерин силерге ажыдып бербес-тир мен бе, силерже ачы-буянымны сыңырар чер чок кылдыр харамнанмайн бадырып бербес-тир мен бе? 11Мен силерниң дүжүдүңерни хоралакчыларга чиртпес мен, шөлдериңерде виноград сыптарында чимис база черже кээп дүшпес – деп, Аг-шериглиг Дээрги-Чаяакчы чугаалаан. – 12Ынчан бүгү чоннар силерни амыр-чыргалдыг деп адаар, чүге дээрге силерниң чериңер кайгамчык эки болур». Аг-шериглиг Дээрги-Чаяакчының чугаалаан чүвези ол-дур.
Бурган Бодунуң чөптүг-шынныын көргүзер
13«Силер Меңээ удур кадыг сөстер чугаалап турдуңар» – деп, Дээрги-Чаяакчы чугаалаан.
А силер: «Бис Сеңээ удур чүнү чугааладывыс?» – деп тур силер.
14 # Иов 9:22; 35:3; Иса. 58:3; Соф. 1:12Силер: «Бурганга бараан боорга, ажык чок-тур. Аг-шериглиг Дээрги-Чаяакчының дүрүмнерин сагып, Ооң мурнунга качыгдап ыглаан улус дег муңгарап чоруп тургаш, кандыг ажык-дуза алдывыс? 15# Иов 21:14-15; 22:17; Ыд. ыр. 72:3-4; Иер. 12:1Бис ам бардам улусту амыр-чыргалдыг деп санаар-дыр бис. Бузуттуглар чедиишкинниг болуп тур, олар Дээрги-Чаяакчыга чөңгээлеп тура безин, кеземче чок артып каар-дыр» – деп турган силер.
16 # Хост. 32:32; Ыд. ыр. 55:9; 68:29А Бургандан коргар улус ол үеде аразында чугаалажырга, Дээрги-Чаяакчы оларже кичээнгей салып, дыңнап турган. Ынчаарга Дээрги-Чаяакчыдан коргар, Ооң алдар-адының дугайында бодаар улустуң аттарын киирген тураскаалдыг ном Ооң мурнунга бижиттинип турган.
17 # Хост. 19:5; 1 Пет. 2:9 || Ыд. ыр. 102:13«Олар Меңээ хамааржыр – деп, Аг-шериглиг Дээрги-Чаяакчы чугаалаан. – Мээң хөделип үнер хүнүмде олар Мээң улуг үнелиг өнчү-хөреңгим болур. Мен оларга, ада кижи аңаа бараан болуп турар оглунга дег, хайыралыг боор мен. 18# Хост. 11:7Ынчан силер Бурганга бараан болуп турар чөптүг-шынныг кижи биле Аңаа бараан болбайн турар бузуттуг кижиниң аразында ылгалды катап база билип каар силер».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025