Левит 2
2
Далган-тараа өргүлү
1 # Лев. 6:14-18; Сан. 15:4-9«Кандыг-бир кижи далган-тараазын Дээрги-Чаяакчыга өргүл кылдыр салып турар болза, ооң өргүлү эң шынарлыг кызыл-тас далганындан болзун; ол кижи далганынче олива үзүн кутсун база ладан дээр чаагай чыттыг чукту салзын. 2# Лев. 1:9Оон өргүлге салыр далган-тараазын Аароннуң оолдарынга – Бурганның бараалгакчыларынга аппарып берзин. Бурганның бараалгакчызы оортан бир адыш ишти далганны, олива үзүн болгаш ладанның шуптузун ап алзын – өргүлдүң сагындырыг болур кезээ ол-дур. Оон ону өргүл бедигээжинге өрттетсин: Дээрги-Чаяакчыга таарымчалыг чаагай чыт, отка өрттедир өргүл ол-дур. 3# Лев. 7:10; 10:13А далган-тараа өргүлүнүң арткан кезээ Аароннуу болгаш ооң оолдарыныы болур: Дээрги-Чаяакчыга өргээн өргүлдер аразында аажок ыдыктыг өргүл ол-дур.
4 # Хост. 29:2Суугуга хаарган далган-тараа өргүп турар болзуңза, ажыткы-биле хөөтпээн далгандан хаарган, олива үзү холаан боованы азы олива үзү-биле кырын чаап каан чуга хаарган далганнарны өргү. 5# Лев. 6:21А бир эвес өргүлүңнү калбак тавак-пашка быжырган болзуңза, олива үзү холаан, ажыткы-биле хөөтпээн далгандан быжырган далган-тараа болзун. 6Ону үүрмектей буза тырткаш, олива үзүнден кудуп каг: далган-тараа өргүлү ол-дур. 7А бир эвес өргүп турар далган-тарааңны борбак пашка быжырган болзуңза, олива үзү немеп каан далгандан быжырган өргүл болзун.
8Ынчалдыр белеткеп быжырган өргүлүңнү Дээрги-Чаяакчыга эккелгеш, Бурганның бараалгакчызынга дамчыдып бер, а ол ону өргүл бедигээжинге салзын. 9# Лев. 1:9Оон ооң сагындырыг болур кезээн аңгылааш, өргүл бедигээжинге өрттетсин: Дээрги-Чаяакчыга таарымчалыг чаагай чыт, отка өрттедир өргүл ол-дур. 10А далган-тараа өргүлүнүң арткан кезээ Аароннуу болгаш ооң оолдарыныы болур: Дээрги-Чаяакчыга өргээн өргүлдер аразында аажок ыдыктыг өргүл ол-дур. 11# Лев. 6:17Дээрги-Чаяакчыга эккеп салып турарыңар кандыг-даа далган-тараа өргүлүн ажыткы-биле хөөтпээн болзун, чүге дээрге Дээрги-Чаяакчыга өргүл кылдыр кандыг-даа ажыткыны база ары чигирин отка өрттетпес ужурлуг силер. 12# Хост. 23:19Оларны баштайгы дүжүттүң өргүлү кылдыр Дээрги-Чаяакчыга эккеп болур силер, ынчалза-даа Дээрги-Чаяакчыга таарымчалыг чаагай чыттыг ыш болзун дээш өргүл бедигээжинге өрттетпеңер. 13# Сан. 18:19; 2 Чыл. 13:5Далган-тарааңның кандыг-даа өргүлүн дузап ал, өргүлүңнү Бурганыңның чагыг-керээзин шынзыдып турар дус-биле дузаарын утпа: өргүлдериңниң шуптузун дузап каан болзун#2:13 Дусту чемни дузап-шыгжаары-биле ажыглаар, ынчангаш ол Библияда керээниң мөңгезин символчудуп көргүзүп турар..
14 # Лев. 23:14А бир эвес Дээрги-Чаяакчыга чаа дүжүттүң баштайгы тараазындан далган-тараа өргүлү кылып турар болзуңза, баштай бышкан тараа баштарын отка хооргаш база үүредир соктааш, өргүлүң кылдыр эккел. 15Тарааңче олива үзү куткаш, ладанны база салып каг: далган-тараа өргүлү ол-дур. 16# Лев. 2:1 || Лев. 1:9Бурганның бараалгакчызы үүредир соктаан тарааны, олива үзүн болгаш бүгү ладанны өрттетсин: Дээрги-Чаяакчыга салган отка өрттедир өргүл ол-дур».
Currently Selected:
Левит 2: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
