Иуда Киирилде
Киирилде
Иуда – Иерусалимде христиан ниитилелдиң удуртукчузу Иаковтуң дуңмазы (олар ийилээн Иисус Христостуң дуңмалары турган).
Бодунуң чагаазында Иуда христиан ниитилелдерге бир-ле меге башкылар дугайында сагындырыг кылган: ол башкыларның чуртталгазы самыын аян-шинчилиг, олар Христостуң өөредиин хажыдып турарлар. Иуда христианнарны Дээрги-Чаяакчыга шынчы база бүдүштүг улус бооп артар кылдыр сургап турар.
«Иуданың чагаазының» сөзүглели «Пётрнуң ийиги чагаазының» сөзүглелинге чоок. Кым бодунуң чагаазын баштай бижээни эки билдинмес. Иуда биле Пётр боттарының чагааларын бижип тура, чаңгыс-ла ол биске билдинмес үшкү бижимел барымдаа ажыглаан бооп чадавас.
Иуда, чамдык чижектер киирип тура, «апокриф» деп бижилгелерже айтыг кылып турары солун. Апокрифтер дээрге иудей шажын-чүдүлге чаңчылын дамчыдып турар, ынчалза-даа Библияже киирбээн эрте-бурунгу еврей номнар-дыр.
Currently Selected:
Иуда Киирилде: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025