Иуда 1

Киирилде сөстер

1 # Аж.-ч. 12:17; Иак. 1:1 || Мф. 13:55Иисус Христостуң чалчазы база Иаковтуң дуңмазы Иудадан байыр. Бурган Аданың кыйгырып алганы, ынак апарганы#1:1 Өске бурунгу сөзүглелдерде «Ынак апарганы» эвес, а «Ыдыктааны» деп бижээн., Иисус Христоска кадагалаткан улузунга бижидим.

2 # Дан. 3:31; 1 Пет. 1:2; 2 Пет. 1:2Бурганның авыралы, амыр-тайбыңы болгаш ынакшылы силерге өзүп-көвүдезин!

Меге башкылар

(2 Пет. 2:1-17)

3 # 1 Тим. 6:12; 2 Тим. 4:7Ханы ынак эш-өөр, бистиң ниитизи-биле алганывыс камгалал дугайында бижиирин аажок күзеп турдум, ынчалза-даа Бурганның Бодунуң улузунга чаңгыс удаа болгаш кезээ-мөңгеде хайырлааны бүзүрел дээш чүткүлдүг туржурун силерден күштүү-биле дилеп, чагаа бижиири эргежок чугула деп көрдүм. 4# 2 Пет. 2:1Чүге дээрге шаг шаанда-ла Бижилгеге оларның шииттирериниң дугайында баш удур чугаалаан улус силерниң араңарже бүдүү кире берген-дир. Олар дээрге Бурганывысты хүндүлевес, Ооң авыралын самыыралга солаан, кара чаңгыс Чагырыкчы болгаш Дээргивис Иисус Христосту хүлээп көрбээн улус-тур.

5 # Сан. 14:36-37; 26:64; 2 Пет. 1:12; Евр. 3:17Бо бүгүнү ам билир-даа болзуңарза, силерге сагындырар бодадым: Дээрги-Чаяакчы бир-ле катап Бодунуң чонун Египеттен үндүрүп эккеп, камгалаан-даа болза, Аңаа бүзүревээн улусту сөөлүнде барып узуткап каан. 6# 2 Пет. 2:4Боттарының бедик байдалынга артып калбайн барган, чурттаар ужурлуг черин каапкаш барган дээрниң төлээлерин база сактып келиңер. Бурган ам оларны өндүр улуг шииткел хүнүнде кезедир дээш, мөңге кинчи-биле демирлеп алгаш, алдыы оранның дүмбейинде тудуп турар. 7# 2 Пет. 2:6 || Э. д. 18:20; 19:24; Ы. х. к. 29:23; Мф. 25:41Содом биле Гоморраны болгаш оларны долгандыр турган хоорайларны база сактып келиңер. Ук хоорайларның чурттакчылары, дээрниң ол төлээлери кара олчаан, самыыраашкынга алзып, бужар хевир-биле холбажып турганнар. Шупту улусту кичээндирер дээш, оларны мөңге оттуң кеземчези-биле шаажылаан.

8 # 2 Пет. 2:10Араңарже кире берген улус база шак ынчаар мага-бодун бужартадып, дээди эрге-чагырганы хүлээп көрбестеп, өндүр улуг күштерни бак сөглеп турар. 9# Дан. 10:13; 12:1; 1 Фес. 4:16; Ажыд. 12:7 || Ы. х. к. 34:6 || Зах. 3:2Дээрниң дээди төлээзи Михаил безин, Моисейниң мага-бодунуң дугайында эрлик-биле маргыжып тура, ону шиидип, бак сөглээрин дидинмээн, а чүгле: «Дээрги-Чаяакчы Боду сени чемелезин» – дээн. 10# 2 Пет. 2:12А ол улус боттарының билип-даа шыдавазы, чүгле мугулай адыгуузуннар ышкаш билири чүүлдерин бак сөглээш, алызы барып узуткаттырар.

11 # Э. д. 4:3-8; 1 Ин. 3:12; Евр. 11:4 || Сан. 22:5; 25:1-2; 31:16; Ы. х. к. 23:3-6; 2 Пет. 2:15 || Сан. 16:31-35Ол улус ат болур! Олар Каинниң шилип алган оруун эдерип чорупканнар. Валаам ышкаш, ажык-кончаа сүргеш, олар ооң частырыын катаптап турарлар база, Корахтың тура халыышкынынга киришкен улус дег, узуткаттырып каарлар.#1:11 Каин бодунуң дуңмазы Авелди өлүрүп каан. Валаам акша-көпеек дээш израиль чонну каргаар бодап турган. Корах Моисей биле Аароннуң эрге-чагыргазынга удур тура халаан. 12# 2 Пет. 2:17 || Мф. 15:13Ындыг улус силерниң ынакшылыңар илерээр дой-чыыштарга хөө кара былчактар дег боор. Олар ыят чокка силер-биле кады дойлаарлар, ынчалза-даа чүгле боттарын бодаарлар. Ындыглар – хатка сывыртаткан чаъс чок булуттар-дыр; күзүн безин дүжүт бербес, дазылы-биле тура соктуруп кааптар, ынчангаш ийи дакпыр өлген ыяштар-дыр.#1:12 Ийи дакпыр өлген – мага-боттуң өлүмүнүң соонда Бурган-биле мөңге чарлыышкынче аллюзия хире (Ажыд. 2:11; 20:6, 14; 21:8 көр). 13# Иса. 57:20Олар чүдек-бужар херектери көвүктелген далайның калчаа чалгыглары дег-дир; азып чүгүрген сылдыстар дег-дир#1:13 Планеталарны (лат. «тояап чоруурлар») бурун шагда чагыргадан үнген дээрниң амытаннары кылдыр билип ап турган., оларны алдыы оранның дүмбей караңгызынга кезээ мөңгеде кара-бажыңнап каан.

14 # Ы. х. к. 33:2; Дан. 7:10; Зах. 14:5; Аж.-ч. 7:53; Гал. 3:19; 1 Фес. 3:13; Евр. 12:22Өгбевис Адамның чедиги салгалының бирээзи боор Энох база оларның дугайында өттүр билип чугаалаан болгай: «Дыңнаңар даан, Бодунуң түмен-түмен ыдыктыг төлээлерин эдерткен Дээрги-Чаяакчы чедип келгеш, 15Ону хүндүлевес бачыттыг улусту Аңаа удур сөглээн сөстери дээш база Аңаа таарымча чок ажыл-херээ дээш сойгалап, оларның шуптузунга шииткел онаар».#1:14-15 Энох Бурганга онза чоок турган болгаш, ону дээрже диригге алгаш барган (Э. д. 5:21-24 көр). Энохтуу деп санап турган иудей ном I векте христианнар аразынга улуг ат-алдарлыг турган, ынчалза-даа ону адак сөөлүнде Библияже киирбейн барган. Цитатаны 1 Энох 1:9-тан алган. 16# 2 Пет. 2:10Ол улус үргүлчү химиренип, өскелерни буруудаткан чоруур. Олар дээрге бачыттыг күзээшкиннериниң аайындан эртпес, ал-бодун мактап, адыыргаар улус-тур. Олар амы-хууда ажык-кончаа алыксааш, өске улуска чашпаалап чоруурлар.

Христостуң чедип кээриниң манаашкыны

17 # 2 Пет. 3:2-3А силер, ханы ынак эш-өөр, Дээргивис Иисус Христостуң элчиннериниң ооң мурнунда-ла чугаалап турган чүүлүн сактып чоруңар. 18Олар силерге: «Сөөлгү үе кээрге, Бурганны хүндүлевес күзээшкиннериниң аайындан эртпес кочуургактар тыптып кээр» – деп чугаалааннар. 19# Рим. 8:9Ындыг улус аңгылажыг эккээр, олар бо делегейге хамааржыр, оларда Ыдыктыг Сүлде чок.

20 # Эф. 6:18А силер, ханы ынак эш-өөр, эң-не ыдыктыг бүзүрелиңерге амыдыралыңарны быжыглап тургузуңар-ла, мөргүлдеп туруңарда, силерни Ыдыктыг Сүлдениң күжү башкарзынам. 21# 2 Пет. 3:12Бурганның ынакшылының ачызында бодуңарны шынчы кадагалап, Дээргивис Иисус Христос Бодунуң мөңге амыдыралга чедирер өршээлин силерге хайырлаарын манаңар. 22Чигзинип чоруур чамдык улуска өршээлден көргүзүңер#1:22 Өске бурунгу сөзүглелдерде «Чамдык улуска, ылгай көрүп тура, өршээлдиг болуңар» деп бижээн.. 23# Ам. 4:11; Зах. 3:2 || Ажыд. 3:4Өске улусту оттан ушта соп, камгалаңар#1:23 Бо дээрге Зах. 3:1-5-че аллюзия хире. Меге башкыларның салдары-биле бачытка алзып чурттап чоруур христианнар дугайында чугаалап турар. Оларның бачыт-хайынче айтыр болза, олар бачыдын миннип болур., а бир чамдыктарга өршээл көргүзүп тура, кичээниңер#1:23 Өске бурунгу сөзүглелдерде «Өске улусту оттан ушта соп, коргуп-иргип, камгалаңар, оларны, коргуп-иргип, сойгалаңар» деп бижээн., оларның бачыттыг бүдүжү бужартадып каан хевинге безин дээр хөңнүңер чок болзун.

Түңнел байыр чедириишкиннери

24-25 # Флп. 2:15; Кол. 1:22 || 1 Пет. 4:11; Рим. 11:36; Ажыд. 1:6; 5:13Дың чаңгыс Бурганга#1:24-25 Өске бурунгу сөзүглелдерде «Бурганга» деп сөске «мерген угаанныг» деп сөстерни немээн. – силерни илдигип кээп дүжеринден кадагалап шыдаар база өндүр бедик Бодунуң мурнунче кем-буруу чок, өөрүшкүлүг улус кылдыр чедире берип шыдаар Камгалакчывыска – Дээргивис Иисус Христосту дамчыштыр алдар, өндүр-чаагай чорук, күчү-күш база эрге-чагырга эрткен бүгү үелерден бээр, ам болгаш кезээ-мөңгеде доктаазын! Аминь.

Currently Selected:

Иуда 1: Ы.Б.2025

Highlight

Copy