Эге дөс 9
9
Бурганның Ной-биле чагыг-керээзи
1 # Э. д. 1:22Бурган Нойну болгаш ооң оолдарын алгап-йөрээп турган: «Черни ээлеп чурттаңар, өзүп-төрүп, саныңар көвүдедиңер-ле. 2Черниң бүгү аңнары, дээрниң бүгү куштары, далайның бүгү балыктары, соястаарлар силерден сестип, силерниң мурнуңарга коргуп-сүрээдээр болзуннар: олар силерниң эргеңерде. 3# Э. д. 1:29Мооң мурнунда силерге ногаан үнүштерни берип турганым ышкаш, бүгү дириг амытаннарны Мен силерге чем кылдыр берип тур мен. 4# Лев. 3:17; 7:26; 17:10-11, 14; Ы. х. к. 12:23-24; Аж.-ч. 15:20, 29Ынчалза-даа ханныг эът чивеңер; хан дээрге дириг чүвениң амызы-дыр. 5Төккен ханыңар дээш, ара үстүнген чуртталга дээш, кым ол ханны төгерил, араатан аң-даа, кижи-даа болза, Мен аңаа кеземчени онаар мен. 6# Сан. 35:33 || Э. д. 1:26-27Бир эвес кым-бир кижи өске кижиниң ханын төгер болза, өлүрүкчүнүң ханы база төктүр. Чүге дээрге кижи Бурганның овур-хевири-биле чаяаттынган болгай! 7# Э. д. 1:28А силер өзүп-төрүп, саныңар көвүдеңер-ле, черни ээлеп, ооң кырынга тараңар-ла».
8Нойга болгаш ооң оолдарынга Бурган чугаалаан: 9-10«Мен силер-биле болгаш силерниң салгалдарыңар-биле, бажың-хемеден дүжүп келген куштар, аңнар, мал-маган – черле черниң бүгү амылыг амытаннары-биле керээ кылып тур мен. 11Мен силер-биле мындыг керээ чарып тур мен: моон соңгаар суг халавы бүгү амылыг чүвелерни узуткавас, чер кырын хоозуратпас».
12Ооң соонда Бурган мынча дээн: «Силер-биле болгаш бүгү амылыг чүвелер-биле Мээң мөңге шагда чарган керээмниң бадыткалы бо-дур: 13Мен Бодумнуң ча-челээжимни#9:13 Еврей дылда «ке́шет» деп сөс «челээш» база «ча» дээн уткаларлыг. Мында ийи утканың кайызы-даа чугула: дээрде челээш – Бурган Бодунуң дайынчы чазын херээчогундан кыдыынче салып каанының демдээ болур. черниң чурттакчылары-биле керээмниң демдээ кылдыр булуттарда азып кагдым. 14Кажан Мен дээрге булуттарны чыыптарымга, орта челээш көстүп кээр. 15Ынчан Мен Бодумнуң силер-биле болгаш бүгү-ле дириг амытаннар-биле чарган керээмни бодап келгеш, силерни узуткаар суг халавы черле болдурбас мен. 16Булуттарда челээш көстүп кээрге, ону көрүп кааш, Мен черниң чурттакчылары-биле Бодумнуң мөңгеде чарган керээмни бодап кээр мен. 17Ол дээрге черде чурттап турарлар-биле Мээң кылган керээмниң демдээ-дир».
Хаамның бачыды база Ханаанның каргаттырганы
18Нойнуң бажың-хемеден үнүп келген оолдары – Сим, Хаам база Иафет. (Хаам дээрге Ханаанның ачазы-дыр.) 19Олар үжелээн Нойнуң оолдары, а олардан чер кырында бүгү чоннар тывылган.
20Ной чер болбаазырадып эгелээн. Ол виноград тарып алгаш, 21# У. ч. 20:1ооң арагазын ижипкеш, эзирип калган. Ынчан ол идик-хевин ужулгаш, бодунуң майгынынга эвеген удуп чыткан. 22# У. ч. 30:17Ооң эвегенин Хаам (Ханаанның ачазы) көрүп кааш, ол дугайында даштында турар ийи акызынга чугаалаан. 23Ынчан Сим биле Иафет идик-хеп ап алгаш, майгынче дедирленип алгаш киргеш, ачазын шып кааннар. Ачазының эвегенин олар көрбээннер. 24-25Ной сергей берген оттуп келгеш, эң биче оглунуң ону көргенин билип кааш, мынча дээн: «Ханаанны каргап тур мен! Акыларының эң чөгенчиг кулу болзун!»
26Оон ыңай мынча дээн:
«Симниң Бурганы, Дээрги-Чаяакчыга алдар!
А Ханаан Симниң кулу болзун!
27Иафеттиң девискээрин Бурган делгемчидер болзун#9:27 Еврей дылда «Иафет» деп ат «делгемчидер» деп сөске дөмейлешкек..
Иафеттиң салгалы Симниң майгыннарынга чурттаар болзун.
А Ханаан Иафеттиң кулу болзун!»
28Суг халавы болганының соонда Ной 350 чыл чурттаан. 29Ной 950 харлыында мөчээн.
Currently Selected:
Эге дөс 9: Ы.Б.2025
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2025
Videos for Эге дөс 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show