1 Пётр 5

Бурганның кодан хойлары

1 # Лк. 24:48 || Рим. 8:17Христостуң хилинчээниң херечизи, Ооң ажыттынып кээр ужурлуг өндүр-чаагайын үлежиксээн кордакчы болгаш удуртукчу болур мен ам силерниң араңарда удуртукчу улуска дараазында чүүлдерни чугаалап тур мен. 2# Ин. 21:16-17; Аж.-ч. 20:28 || 1 Тим. 3:8; Тит. 1:7Сагыш салыры-биле силерге арттырып каан Бурганның кодан хойларын кадарыңар. Ону албадаткан дег эвес, а эки тура-биле кылыңар – бараан болуушкунуңар ындыг болурун Бурган күзеп турар. Хуу ажык-кончаа сүрбеңер, а бараан боор дээн изиг күзелиңерден ажылдаңар. 3# Мф. 20:25-26 || Флп. 3:17; 2 Фес. 3:9; 1 Тим. 4:12; Тит. 2:7Силерге бүзүреп дааскан улусту дарлай бербеңер, харын коданыңарга үлегер болуңар. 4# Ыд. ыр. 22:1; 79:2; Иса. 40:11; Иез. 34:11-15; Эккл. 12:12; Ин. 10:11; Евр. 13:20 || 1 Кор. 9:25Дээди Кадарчы чедип кээрге, кажан-даа оңмас чаагай шаңналды алыр силер.

5 # У. ч. 3:34; Иак. 4:6Башкартып чоруур улус, силер база удуртукчуларны шак ынчаар дыңнаңар#5:5 Азы: «Аныяк улус, силер база шак ынчаар улуг улусту дыңнаңар».. Шуптуңар бот-боттарыңар мурнунга томаарыңар, чүге дээрге:

Бурган адыыргак улуска удурланыр, а томаарааннарга ээ көрүүшкүнүн хайырлаар.

6Ынчангаш Бурганның күчүлүг холунуң адаанга боттарыңарны томаартыңар, Ооң доктааткан үези кээрге, Ол силерни өрү көдүрер. 7# Ыд. ыр. 36:5; Мф. 6:25; Флп. 4:6Хамык сагыш човаашкыннарыңарны Олче дагзып каңар, чүге дээрге Ол силер дээш сагыш салып чоруур. 8# Мк. 13:33-34; 1 Пет. 5:8; Эф. 6:18; 1 Фес. 5:6 || Иов 1:6; 2:2; 2 Кор. 2:11; Эф. 6:11Серемчилелдиг болгаш хынамчалыг болуңар. Силерниң дайзыныңар – эрлик, хөректенген арзылаң дег, «Кымны сыырыптар чоор» деп, долгандыр чимзенип чоруп турар. 9# Иак. 4:7 || Аж.-ч. 14:22; 1 Фес. 3:3Бүзүрелиңер быжыг болуп, эрликке удур туржуңар, чүге дээрге бүгү делегейде бүзүрээн ха-дуңмаңар шак-ла ындыг хилинчекти шыдажып эртип турарын бодап чоруңар. 10# 2 Тим. 2:10Элээн үе иштинде хилинчек көөр-даа болзуңарза, мону сактып чоруңар: элбек авыралдыг Бурган силерни Христос Иисусту дамчыштыр мөңге өндүр бедик байдалды Ооң-биле үлежиринче кыйгырган. Ол силерни катап тургузуп, күш болгаш шыдамык чорукту берип, чайгылыш чок кылып каар. 11# 1 Пет. 4:11Бүгү эрге-чагырга#5:11 Өске бурунгу грек сөзүглелде бо сөстерге «Алдар» деп сөстү немээн. Аңаа кезээ-мөңгеде доктаазын! Аминь.

Түңнел байыр чедириишкиннери

12 # Аж.-ч. 15:22, 40; 1 Фес. 1:1; 2 Фес. 1:1Бо кыска чагааны Бурганга шынчы деп санаарым эживис Силаның дузазы-биле силерге бижидим. Чагаам сагыжыңарны часкарарын база Бурганның авыралы алыс шынныг деп херечилээрин күзеп тур мен. Ол авырал ачызында чаныш-сыныш чок туржуңар! 13# Аж.-ч. 12:12; 13:5; 15:37Бурганга силер ышкаш шилиттирген Вавилонда#5:13 Вавилон – Пётр бо сөс-биле эрте-бурунгу Вавилон хоорайны эвес, а Римни ынчаар ойзу адап турары ылап хире. христиан ниитилел, а оон ыңай оглум Марк силерге байыр чедирип тур. 14# Рим. 16:16Бот-боттарыңарны Христостуң ынакшылы илерээр ошкаашкын-биле мендилеңер.

Христоска хамааржыр шуптуңарга амыр-тайбың доктаазын!#5:14 Өске бурунгу сөзүглелдерде бо домак «Аминь» деп сөс-биле төнген.

Currently Selected:

1 Пётр 5: Ы.Б.2025

Highlight

Copy