1 Пётр 4

Бурган дээш амыдыраары

1 # 1 Пет. 3:18 || Рим. 6:2, 7; Гал. 5:24; Кол. 3:3Христос мага-боттуң хилинчээн көрген болганда, силер база ындыг бодал-биле быжыгланып алыңар. Мага-боттуң хилинчээн көрүп турар кижи бачыт үүлгетпестей бээр. 2# Рим. 6:14; 14:7-8; 2 Кор. 5:15; Тит. 2:12Ооң соонда ол арткан чуртталгазын кижи бүдүжүнүң күзээшкиннеринге эвес, а Бурганның күзел-соруунга чагыртып чурттай бээр. 3Силер үр үе дургузунда Бурганга бүзүревээн улус дег чурттап, самыыраарынга, бужар күзээшкиннерге, арага-дарыга, эмин эрттир хөглеп-дойлаарынга, дүрзү-бурганга чүдүүр хоруглуг чорукка алзып келдиңер. 4# Эф. 4:17-19 || 1 Пет. 2:12; 3:16Биеэги бодал чок, адыгууссуг амыдыралга олар-биле бир деңге киришпейн турарыңарны бүзүревээн улус ам кайгап, силерни бак сөглеп турар-дыр. 5# Ин. 5:22; Аж.-ч. 10:42; 1 Пет. 4:5Ындыг-даа болза, олар боттарын ынчаар ап чорууру дээш дириглерниң-даа, өлүглерниң-даа Шииткекчизиниң мурнунга харыы тудар. 6(Буянныг Медээни ам өлгеннерге база суртаалдаан чылдагааны мындыг: олар, бүгү улус дег, мага-бот талазы-биле шииттирген-даа болза, оларның сүлде-сүнезиннери Бурганның күзел-соруун ёзугаар амыдыразыннар.)

7 # Иак. 5:8; 1 Кор. 7:29, 31 || Мк. 14:38Бүгү чүүлдүң төнчүзү чоокшулап келген-дир. Ынчангаш бодамчалыг болуңар, мөргүүрүнге белен боору-биле, бодуңарны тудуп чоруңар. 8# У. ч. 10:12; Иак. 5:20Эң кол чүүл болза, бот-боттарыңарга быжыг ынакшылыңарны кадагалаңар, чүге дээрге ынакшыл бар болза, хөй-ле бачытты өршээп боор. 9# Евр. 13:2Аалчыларга чеме-хала чокка экииргек болуңар. 10# Рим. 12:6-8; 1 Кор. 7:7 || Лк. 12:42-43Өскелерге бараан боорда, кижи бүрүзү Бурганның хайырлаан ачы-буянныг белээн ажыглаар ужурлуг. Силерге ындыг хөй хевирлиг кылдыр берген Бурганның авыралын, эки башкарыкчылар дег, сарыылдыг ажыглаңар: 11# Ин. 13:31; 1 Кор. 10:31 || Иуда 1:24-25; Ажыд. 1:6; 5:13суртаалдап турар кижи бүрүзү Бурганның медээзин дамчыдып турзун, бараан болуп турар кижи бүрүзү бараан болуушкунга херектиг күштү Бургандан ап турзун. Ол бүгү-биле Иисус Христосту дамчыштыр Бурган алдаржызын. Христоска алдар болгаш күчү-күш кезээ-мөңгеде доктаазын! Аминь.

Христиан шыдамык чорук

12 # 1 Пет. 1:7Ханы ынак эш-өөр, силерни шенээри-биле чоруткан оттуг хилинчекти шыдажып эртериңер дээш элдепсинмейн көрүңер. Ында кижи кайгаар чүве чок. 13# Аж.-ч. 5:41; Флп. 3:11Ооң орнунга Христостуң хилинчээн ам үлежип турарыңар дээш өөрүңер, ынчан Ол ээп келгеш, Бодунуң өндүр чырыын улуска көргүзүп каарга, оон-даа хөй өөрүп-байырлаар силер. 14# Ыд. ыр. 88:51-52; Мф. 5:11Христосту эдергениңер дээш улуска дора көрдүрер болзуңарза, амыр-чыргалдыг силер, чүге дээрге Бурганның өндүр бедик Сүлдези силерже сиңнигип, кады чурттай бергени ол-дур#4:14 Өске бурунгу сөзүглелдерде бо сөстерге «Демги улус Ону бак сөглээр, а силер Ону алдаржыдар силер» деп сөстерни немээн.. 15Силерниң кайыңар-даа өлүрүкчү, ооржу, кем-херек үүлгедикчизи болбазын азы киришпеске киржип, хирлиг холун пашче сукпазын – ындыг чүүлдер дээш хилинчек көрбезин. 16# 1 Пет. 2:19-20А христиан болганыңар дээш хилинчек көрзүңерзе, оон ыятпаңар, харын Христостуң адын эдилээниңер дээш Бурганны алдаржыдыңар. 17# Рим. 2:9 || Иер. 25:29Шииткел үези чедип келген, ол шииткел Бурганның улузундан эгелээр. Бодап-даа көрүңер даан, ол бистен эгелээр болганда, Бурганның Буянныг Медээзин тоовайн барган улусту кандыг хуу-салым манаар деп?!

18 # У. ч. 11:31 Чөптүг-шынныг кижи арай деп камгалал ап турда, бачыттыг, бузуттуг улус дугайында чугаалаан дүжүү чүл?

19 # Ыд. ыр. 30:6; Лк. 23:46Ынчангаш Бурганның күзел-соруунуң аайы-биле хилинчек көрүп чоруур улус, буян тарыырын уламчылавышаан, бады-шынчы Чаяакчызынга боттарының амы-тынын бүзүреп хүлээдип берзин.

Currently Selected:

1 Пётр 4: Ы.Б.2025

Highlight

Copy