1 Иоанн 5

Бо амыдыралдың күткүлгелерин тиилээри

1 # Ин. 1:12Иисусту «Христос-тур» деп бүзүрээр кижи бүрүзү Бурганның ажы-төлү болур. Адазынга ынак кижи бүрүзү Ооң ажы-төлүнге#5:1 Азы: «Ооң Оглунга». база ынак болур. 2# 1 Ин. 2:5; 3:24; 4:13Бурганга ынак база Ооң айтыышкыннарын сагып чоруур болзувусса, Бурганның ажы-төлүнге ынаавысты оон билип алыр бис. 3# Ин. 14:15; 2 Ин. 1:6 || Мф. 11:30Бурганга ынаавысты Ооң айтыышкыннарын күүсеткенивис-биле көргүзер бис, а Ооң айтыышкыннарын күүседири берге эвес. 4# Ин. 16:33 || Эф. 6:16Чүге дээрге Бурганның ажы-төлү болур кижи бүрүзү бо делегейни тиилээр, а ол тиилелге бистиң бүзүреливис ачызында чедип алдынар. 5# Мф. 14:33; 1 Ин. 4:15Ынчангаш Иисус – Бурганның Оглу деп бүзүрээн кижиден өске, кым бо делегейни чаалап алырыл?

Бурганның Оглунуң дугайында херечилел

6 # Ин. 14:17; 15:26Кым бисче суглуг база ханныг#5:6 Суглуг база ханныг – бо сөстер-биле Иисустуң сугже суктурганын база хере шаптыртканын көргүскен бооп чадавас (Мф. 3:16; Ин. 19:34 көр). келген ийик? Иисус Христос-ла болгай. Ол бисче чүгле суглуг эвес, а суглуг база ханныг келген. Ооң херечизи – Сүлде-дир, чүге дээрге Сүлде алыс шынныг болур. 7Ындыг-дыр деп херечилээн үш херечи бар#5:7 Эң сөөлзүредир бижээн каш санныг сөзүглелдерде бар «Ада, Сөс болгаш Ыдыктыг Сүлде олар-дыр. Оларның алыс бүдүжү чаңгыс» деп сөстер эң бүзүрелдиг грек сөзүглелдерде таварышпайн турар.: 8Сүлде, суг база хан ол-дур. Олар шупту чаңгыс-ла ол чүүлдү херечилеп турар. 9# Ин. 5:36Бир-тээ бис улустуң херечилээнин хүлээп алыр болганывыста, Бурганның херечилелин оон оранчок чугула кылдыр хүлээп көөр ужурлуг бис. А Бурганның херечилээни мындыг: Ол Бодунуң Оглунуң дугайында херечилээн-дир. 10# 1 Ин. 1:10 || Мф. 3:17Бурганның Оглунга бүзүрээр кижи ол херечилелди бодунуң сеткилинге шыгжап чоруур. А Бурганның чугаалаан чүвезинге бүзүревес кижи Ону мегечи кылдыр көргүзер, чүге дээрге ындыг кижи Бурганның Бодунуң Оглунуң дугайында херечилелинге бүзүревес-тир. 11# Ин. 1:4; 5:26; 11:25; 1 Ин. 1:2А ол херечилел мындыг: Бурган биске мөңге амыдыралды хайырлаан, ол амыдырал Ооң Оглунда бар. 12Кым Оглу-биле харылзаалыгыл, ол кижиде амыдырал бар, а кымда Бурганның Оглу-биле харылзаа чогул, ол кижиде амыдырал чок.

Биске мөңге амыдыралды хайырлаан

13 # Ин. 20:31Бурганның Оглунуң адынга бүзүрээш, шуптуңар мөңге амыдыралдыг бооруңарны билип алзыннар дээш, мен бо бүгүнүң дугайында силерге бижидим. 14# Мф. 7:7-8; Ин. 14:13-14; 1 Ин. 3:22Ооң күзел-соруунга чүүлдештир кандыг-бир чүүлдү Оон мөргүп дилээр болзувусса, Ол бисти дыңнаар деп, Бурганга ыяк бүзүрээр бис. 15Оон чүнү-даа дилээр болзувусса, Ол бисти дыңнаар деп билир болганывыста, Оон чүнү-даа дилезивиссе, ол чүүлдү алырывысты база билир-дир бис.

16 # Мф. 12:31-32; Мк. 3:29; Евр. 6:4-6; 10:26Кандыг-бир кижи өлүмге чогум чедирбес бачыт үүлгедип турар эжин көрүп кагза, ол эжи дээш мөргүүр ужурлуг, Бурган ынчан демги эжинге дириг артарын хайырлаар. Мен өлүмге чогум чедирбес бачыт-биле холбашкан улус дугайында чугаалап тур мен. Өлүмге чедире бээр бачыт база бар болгай. Ындыг бачытка борашканнар дээш мөргүңер дивейн тур мен. 17Бурганга шынчы эвес үүлгедиг бүрүзү-ле бачыт болур, ынчалза-даа дорт-ла өлүмге чедирбес бачыт база бар. 18# Ыд. ыр. 118:3; 1 Ин. 3:9Бурганның ажы-төлү апарган кижи бачыт үүлгедирин уламчылавас дээрзин билир бис. Чүге дээрге Бурганның Оглу ону кадагалаар#5:18 Азы: «Бургандан төрүттүнген кижи бодун кадагалаар». база эрлик аңаа хора чедирип шыдавас. 19# Лк. 4:6; Гал. 1:4Бүгү делегей эрликтиң чагыргазының адаанда-даа турар болза, Бурганның ажы-төлү болурувусту билир бис. 20# Ин. 1:1; 20:28Ол ышкаш Бурганның Оглунуң келгеш, алыс шын Бурганны билип алзыннар дээш, биске угаап билиишкинни эккелгенин билир бис. Ынчангаш бис алыс шын Бурган-биле сырый харылзаалыг амыдыраар бис, чүге дээрге Ооң Оглу Иисус Христос-биле харылзаалыг-дыр бис. Ол дээрге алыс шын Бурган-дыр, Ол дээрге мөңге амыдырал-дыр.

21 # 1 Кор. 10:7, 14Ажы-төлүм, дүрзү-бурганнарга мөгейбейн, оларны оюп чоруңар#5:21 Өске бурунгу сөзүглелдерде бо сөстерге «Аминь» деп сөстү немээн..

Currently Selected:

1 Иоанн 5: Ы.Б.2025

Highlight

Copy