Romans 4
4
Te faka tautau o Abraham
1Tera, a nia ma tatou ka mmuna ki tatou puna ko Abraham te mmana o tatou kivi? Sea tana faka saa ranga ia nea nei? 2Kae koia ke tukuna tonu ki Tupua i ana nea ne fai, koia ku fai koa ngangea ke tara kiei. Kae koia ka si see tara ia mata o Tupua. 3#Gal 3.6.Te Pepa Tapu e muna,
“Abraham ne fakatonu ki Tupua kae faina i tana paanaki ki Tupua,
koia ne faka tonu riaina te tangata tonu.”
4Te tangata fai fekau, koia e tauvi, na tauvi si see fai pe te sori more, kae te tauvi fuarei o ana fainga fekau. 5Kae te tangata e paanaki soro fuarei i Tupua e nai faka atea ria ko te tangata titisara ke tonu, kae siei i faasi o ana fainga fekau ne fai, koia i tana paanaki ki Tupua ne nai faka patino riaina koia te tangata tonu. 6Ko David ne nai munakina koa nea faka peinei, vasia koia ne nai araara fakina ko te fakatapu ria anga o tangata ne faka patino ria e Tupua, siei i faasi o ana fainga fekau:
7“Fakatapu ria ko faoa aratou sara ku faka ngaromia e Tupua,
ma ratou sara kua ufia riaina!
8Fakatapu ria ko tangata ana sara ka si see faka maanatu riaina e te Ariki kiei!”
9Ea te fakatapu ranga noko muna ko David kiei, te ngangea fuarei ki faoa ku faka rau tangata, pe ki faoa fokia siki faka rau tangata? Te fakatapu ranga nei ki faoa fokia siki faka rau tangata. Faina te Pepa Tapu e muna:
“Abraham ne fakatonu ki Tupua kae faina i tana paanaki ki Tupua,
koia ne faka tonu riaina te tangata tonu.”
10Vasia fea ne faka patino ria iei? Vasia ku oti na faka rau tangata? Siei! Ne faia i na vasia siki faka rau tangata. 11Ma ne nai saua ria ko te faka mailonga anga o te pungaumu, ke faka ari tana paanaki ki Tupua, i vasia koia siki faka rau tangata. Tera, Abraham te puna oratou kaatoa e fakatonu ki Tupua maafa rei onia koratou si se ne faka rau tangata, tera ke faka patino ria kia ratou ke ttaka kiei. 12Ma koia fokia te mmana o ratou ku faka rau tangata, siei i aratou faka rau tangata anga fuarei, kae koratou noko ttaka ia fai ora sokotasi o te paanaki o tatou puna ko Abraham i na vasia siki faka rau tangata iei.
Te tongi a Tupua e fakkau i te paanaki
13 #
Gal 3.29. Tupua ne tongi kia Abraham ma ki ana afu koa taangata nei ka soria kiei. Te tongi nei ne fai, siei faina ko Abraham ku tautari kia Fono, kae faina tana paanaki ki Tupua ne faka patino ria koia te tangata tonu. 14#Gal 3.18.Kae tera pe nia ma Tupua ne tongisaki ke soria ina fuarei kia ratou e tautari kia Fono, tera te paanaki a taangata e faka seke atamai ma te tongi a Tupua e seke tafito. 15Maina ia Fono e nai aumai ina ko te teke o Tupua, kae ngangea e seke fono, si see saeakina koa fono fokia.
16 #
Gal 3.7. Tera te tongi e fakkau i te paanaki, ke sori maori e Tupua i na roto laoi ko tana tongi anga kia afu kaatoa o Abraham, siei fuarei kia ratou e tautari kia Fono, kae kia ratou fokia e paanaki pea Abraham noko fai. Maina ko Abraham tatou puna faka tupua kaatoa. 17Pe te Pepa Tapu e muna,
“Kuou ku kau faia ko kee te puna o nga turaurau kaatoa.”
Tera te tongi e laoi ia mata o Tupua iei ko Abraham ne fakatonu. Ko Tupua e nai faka orangia ko te mate, ma e faka tupu koa nea foou mai ia nea siki au.
18Ko Abraham ne fakatonu ma ne paanaki soro faka taangata, ma tera ne faia, “Te puna o nga turaurau kaatoa.” Pe te Pepa Tapu e muna, “Tera ou afu ka tokarava maatea rei pe nga fetuu.” 19Koia ku piri ke fua te rau ko ana tau, kae maatea rei tana paanaki ki Tupua, maafa rei onia koia ku tautau matua, ma ko Sarah ku tautau matua ki fai tama. 20Maina tana paanaki maatea rei, koia si se ne faka tuka tuka ki te tongi a Tupua. Tana paanaki ne nai faka makeke riaina koia, ke rausapai ki Tupua. 21Koia ku fakatonu maori rei ko Tupua ka nai faia pe nia ma ana ku tongi kiei. 22Teinei arei “ko Abraham ku faka patino riaina e Tupua te tangata tonu”. 23A taranga, “koia ku faka patino riaina te tangata tonu”, si se ne tusia riaina kia koia fuarei. 24Kae ku tusia riaina fokia ke faka patino ria te faoa tonu, kotatou e fakatonu kia Tupua ne nai faka masike ria ko Jesus Christ tatou Ariki mai na mate. 25Koia ne soria ina ke tamatea faina ia tatou sara, ma ne faka masike riaina ki te ora ke nai faka tonu sia kotatou ki Tupua.
Currently Selected:
Romans 4: TKP
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.