Romans 10
10
1Taina ma ee, toku fatu manava e fifia ki Tupua ki nga Israel koratou ka ma faka saofia. E maatea aku rotu kia koratou! 2Kuou e faka ari kia kotou ko te maori: koratou ku faka tuu rei ki Tupua, kae ko ratou faka tuu si see fakamau ki te poto maori. 3Koratou se ne ratou iroa ina ko te faka tonu e aumai ina mai Tupua, kae koratou ku fai ko aratou kee riu ara ia, tera koratou ku si se tuku raro maso koratou ki te faka tonu ranga o Tupua. 4Maina ko Christ te faka oti anga oa Fono, tera pe koai e fakatonu, ku tukuna tonu ki Tupua.
Te faka sao ranga ki te kano fenua kaatoa
5Ko Moses ne nai tusi ina ki fai tuku tuku tonu ki Tupua tautari kia Fono faka peinei: “Koai e tautari kia Fono ka faka orangia.” 6Kae munakina i te Pepa Tapu ki fai tuku tuku tonu ki Tupua tautari ki te fakatonu faka peinei: “Kau see fesiri maso kee, ‘Koai ka poi ki te vaerangi?’ ” (ke aua ifo ko Christ ki raro). 7Kau see fesiri fokia: “Koai ka ifo ki a raro oa taangata nei?” (ke aua ake ko Christ ki runga mai te mate). 8Kae te Pepa Tapu e munakina faka peinei: “Te taranga a Tupua i ou tafa, i ou rau ngutu ma i tou fatu manava.” Tera ko te taranga o paanaki e matou tuufakina. 9Kae ko kee ke tara ki tou muangutu, “Jesus e Ariki!” ma e fakatonu i tou fatu manava ko Tupua ne nai faka masike riaina koia mai te mate, ko kee ka faka saofia. 10Maina i tatou paanaki i tatou fatu manava kotatou e tukuna tonu ki Tupua, ma i tatou tara i tatou muangutu, kotatou e fakasao fia iei. 11Te Pepa Tapu e muna: “Pe koai e fakatonu kiei, ka si se faia ke faka maa.” 12Te tusi ranga nei e taanakina te kano fenua katoa, faina siei se kese anga ki vasia o nga Jew ma nga Gentile, ma te Ariki sokotasi e Ariki kaatoa rei, ma e fakatapu riaina kaatoa koratou e kaaranga kiei. 13Pe te Pepa Tapu e nai munakina: “Koratou kaatoa e tapa ki te ingoa o te Ariki Tapu ka faka saofia.”
14E ma fai faka fefea kia ratou e kaaranga kiei, kae koratou ku see fakattonu? Ma e ma fai faka fefea kia ratou ke fakattonu, kae koratou ku see fakarongo kia taranga? Ma e ma fai faka fefea kia ratou ke fakarongo, kae a taranga si see araara fakina? 15Ma e ma fai faka fefea a taranga ke araara fakina, kae si see fakkauna ko se tangata ki tua ke tuufaki? Pe te Pepa Tapu e nai munakina, “E maatea rei na taurekareka kia ratou e aumai te Rongo Laoi!” 16Kae koratou si se ne fifia fakaoti ki te Rongo Laoi. Ko Isaiah maso koia ne muna,
“Te Ariki ee, koai ku fakatonu kia tau taranga?”
17Kae tera, te fakatonu e aumai te fakarongo ranga kia taranga, ma te taranga e aumai ina mai te tuufaki ranga kia Christ.
18Kae kuou e fesiri: Ea, e tonu koratou si se ne fakarongo kia taranga? E tonu rei koratou ne fakarongo kiei, pe te Pepa Tapu e nai munakina:
“Te ooro oa ratou reo ku kavea kaatoa rei ia taangata kaatoa nei.
Ko aratou taranga ku oko ki te faka motu anga oa taangata nei.”
19Fokia kuou e fesiri: Ea, te kano fenua o nga Israel si se ne ratou iroa ina? Mataki nea ko Moses ne muna:
“Kuou ka kau faia ke kotou makau kia koratou siei te kano fenua maori.
Kuou ka kau faia ke kotou teke ki te kano fenua tupu sea.”
20Ma ko Isaiah ku muna faka mata purotu:
“Kuou ku maua ria ea ratou ku se ne faara kia kuou,
kuou ne faka saa kia koratou ku se ne feesiri kia kuou.”
21Kae ki nga Israel koia ne muna,
“Te aso kaatoa rei kuou ku fora ki tua oku rima
ke faka afe mai ko te kano fenua saeaki ma te fenua tititua.”
Currently Selected:
Romans 10: TKP
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.