Nehemia 12
12
Babitambua ni Balawi
1Babitambua ni Balawi balia baabwelele ni Zerubabeli mwina Shealtieli pamo ni Yoshua ni baba:
Babitambua ni baba:
Seraia, ni Yeremia, ni Ezra,
2ni Amaria, ni Maluku, ni Hatusi,
3ni Sekania, ni Rehumu, ni Meremoti,
4ni Ido-Ginetoni, ni Abia,
5ni Miyaminu, ni Moadia, ni Bilga,
6ni Semaia, ni Yoyaribu, ni Yedaia,
7ni Salu, ni Amoki, ni Hilkia, ni Yedaia.
Baba i baali bakulu ba babitambua ni ba mikowa yabo pa musita wakua Yoshua.
Balawi ni bo ni baba:
8Yeshua, ni Binui, ni Kadimieli, ni Serebia, ni Yuda, ni Matania waali mulombozi wa nghimbo ya kutasia, wene pamo ni ba mu mukowa wakue.
9Bakubukia ni Uno, ni ba mu mikowa yabo, baali baimana bakenteene musita wa kulonghana.
Nvyalo yakua Yoshua Kitambua Mukulu
10Yoshua waavyele Yoyakimu, Yoyakimu waavyele Eliasibu, Eliasibu waavyele Yoyada, 11Yoyada waavyele Yonatana, Yonatana waavyele Yadua.
Bakulu ba mikowa ya babitambua
12Yoyakimu lu-aali Kitambua Mukulu, babitambua baali bakulu ba mikowa ni baba:
Meraia waali wa mu mukowa wakua Seraia,
Hanania waali wa mu mukowa wakua Yeremia.
13Mesulamu waali wa mu mukowa wakua Ezra,
Yehohanani waali wa mu lupua lwakua Amaria.
14Yonatana waali wa mu mukowa wakua Maluki,
Yusufu waali wa mu mukowa wakua Sebania.
15Adina waali wa mu mukowa wakua Harimu,
Helkai waali wa mu mukowa wakua Merayoti.
16Zakaria waali wa mu mukowa wakua Ido,
Mesulamu waali wa mu mukowa wakua Ginetoni.
17Zikiri waali wa mu mukowa wakua Abia,
Piltai waali wa mu mukowa wakua Miniaminu ni Moadia.
18Samua waali wa mu mukowa wakua Bilda,
Yehonata waali wa mu mukowa wakua Semaia.
19Matenai waali wa mu mukowa wakua Yoyaribu,
Uzi waali wa mu mukowa wakua Yedaia.
20Kalai waali wa mu mukowa wakua Salai,
Eberi waali wa mu mukowa wakua Amoki.
21Hasabia waali wa mu mukowa wakua Hilkia,
Netaneli waali wa mu mukowa wakua Yedaia.
Meena a babitambua ni a lupua lwa Balawi
22Balawi ba mu elia nsiku yakua Eliasibu meena abo ni aza: Yoyada ni Yehohanani, ni Yadua baalembelue kuba bakulu ba nghanda ya basibo pamo ni babitambua bakulu mpaka mu buteeko bwakua Dario wa ku Persia.
23Ni Bena Lawi, masiiko a mu nghanda ya basibo, baalembelue mu kitabu kya bintu byaali byakitika, mpaka mu nsiku yakua Yohana mwana mwalalume mwina Eliasibu.
Butantiko bwa miilo ya mu Nghanda yakua Leza
24Bakulu ba Balawi, Hasabia, ni Serebia ni Yeshua mwina Kadimieli, baali baimana bakenteene ni Balawi nabo, baatantikilue kuti bembe nghimbo ya kulumba ni kusantila kukonkana ni mafunde akua likolo Daudi muntu wakua Leza.
25Matania, ni Bakubukia, ni Obadia, ni Mesulamu, ni Talmoni, pamo ni Akubu, i baali bakalinda ba pa mulyango, kabili i baali bakalinda ba nghanda ingi ya bukonto lya pa milyango.
26Babo i baaliko mu nsiku yakua Yoyakimu mwina Yoshua, Yoshua mwina Yozadaki, ni mu nsiku yakua ndabukizi Nehemia, ni yakua kitambua Ezra kasambilizia wa mizilo.
Kibumba kyazuukiiwa
27Lubaazuukiizie kibumba kya Yeruzalemu baakebele Balawi mu nkendo yabo yonse, kuti beze bakite nsikunkulu ku Yeruzalemu basansamukile ni kutasia koku balimukwimba, balizia binsekelembue, ni binanda ni mazeeze. 28Bakemba ba mu lupua lwa Balawi baakolongheene kufuma mu byalo bizyungulukiile Yeruzalemu, ni kufuma mu mizi ya ba Netofati, 29ni kufuma ku Beti-Gilgali, ni kufuma ku makaba a Geba ni Azimaweti, pantu bakemba baali baikuuliile mizi yazyungulukiile Yeruzalemu. 30Babitambua ni Balawi baisambile, ni kwiswesia kukonkana ni mbeela, kabili baaswesiizie bantu ni milyango pamo ni kibumba.
31Na-anine banombozi ba Bayuda basele peulu kibumba. Naasaakwile mabumba abili akata a bakemba aali aimba nghimbo ya kutasia kuti akonkemo.
Libumba limo lyaile lya ku kulio pa muulu kibumba lyalungi ku mulyango wa kizyalala. 32Babo bakemba baali baakonkelue na Hosaia, ni nsempu ya bakulu ba Bayuda, 33ni Azaria, ni Ezra, ni Mesulamu, 34ni Yuda, ni Benyamina, ni Semaia, ni Yeremia, 35ni baana bena babitambua baali batweme ntandala i Zakaria mwina Yonatana, ni Yonatana mwina Semaia, Semaia mwina Matani, Matani mwina Mikaia, Mikaia mwina Zakuri, Zakuri mwina Asafu. 36Bange ba mu mukowa wakue baakonkelepo ni baba: Semaia ni Azareli, ni Malalai, ni Gilalai, ni Maai, ni Netaneli, ni Yuda, ni Anani, baali balizia binanda byakua Daudi muntu wakua Leza, ni Ezra kasambilizia wa Mizilo waali wabatangiliile. 37Lubaafikile pa mulyango wa kasulo, baaselele mu biselelo bilungheeme ku muzi wakua Daudi, bapita nghanda ya bukolo yakua Daudi, ni kuya ku kyamba lya ku kibumba mpaka ku mulyango wa menda uli ku kabanga.
38Ni libumba lya bubili lya balia baali baimba nghimbo ya kusantila, baile lya kuso peulu kibumba, nene naakonkelemo nali pamo ni nsempu ya bantu. Twaile kupita lya pa lupungu lwa kikuka, mpaka kolia ku kibumba kikata, 39ni peulu mulyango wakua Efraimu, ni peulu mulyango wa kale, ni peulu mulyango wa masabi, ni peulu lupungu lwa ba Hananeli, ni lupungu lwa katua kamo, mpaka ku mulyango wa mikooko. Twaapeleeziizie lwendo lwetu ku mulyango wa bakalinda.
40Ni pakako, mabumba onse abili aali aimba asantila aimeene mu Nghanda yakua Leza pamo ni nene.
Nene pamo ni nsempu ya bantu ba pa bakateeka. 41Babitambua baali balizia ntandala ni baba: Eliakimu Maseia, ni Miniaminu, ni Mikaia, ni Elioyoenai, ni Zakaria, ni Hanania, 42ni Misea ni Semaia, ni Eleazari, ni Uzi, ni Yehohanani, ni Malkia, ni Elamu, ni Ezeri. Bakemba baimbile basamwine pamo ni Yesiraia mulombozi wabo.
43Bobo busiku bantu baeleele ngelelo ingi basangaleele pantu Leza waabasansamusiizie na nsansa ikata. Banakazi pamo ni baana ni bo baasangaleele. Nsungu ya nsansa ya mu Yeruzalemu yaunvwikile kule.
Ngelelo ya mpupo mu Nghanda yakua Leza
44Pa ozo musita, baasaakwile bantu bakusunga milue, momo mwaali mwasungua bintu bya ngelelo palua Nghanda yakua Leza, buzombozi bwa ntomono, ni kamo ka pa lyanondo, bibaali bakolonghania kufuma mu makaba a mu mizi kuti biye byali bya babitambua pamo ni Balawi kukonkana ni mafunde, pantu Bayuda baawamiinue na babitambua pamo ni Balawi baali babomba. 45#1 Mil 25.1-8; 26.12Baafikiliziizie miilo i baali babombela Leza wabo ni ya kuzuukia nga mwaakitiile bakemba ni bakalinda ba pa milyango, nga mubeeleele mafunde akua likolo Daudi ni akua Solomoni mwana wakue. 46Pantu kale, mu nsiku yakua Daudi ni Asafu, kwaali banombozi ba bakemba, kabili kwaali kwali nghimbo ya kulumba ni kutasia Leza. 47Kutula pa musita wakua Zerubabeli, ni Nehemia, Baizraeli bonse baafumiizie nsempu ya bupe bwa kubalua busiku pa mulandu wa bakemba ni bakalinda ba pa milyango, kabili Baizraeli baali bafumia ni inge nsempu pa mulandu wa Balawi, Balawi ni bo baali bafumia nsempu ya byabupe pa mulandu wa bantu ba luvyalo lwakua Haruni.
Currently Selected:
Nehemia 12: KBTP
Highlight
Copy
Compare
Share
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.
