Hosea 6
6
Leza wasoka Baizraeli kuti balapile
1“Ize tubwelele kuli Yawe.
Wakituzanghununa tuputu tuputu,
inzi wakaba kutukosia.
Wakitukisia,
inzi wakatukakilila bilonda byetu ni kutundapa.
2Pa kyamba kya nsiku ibili wakaba kututuntumuna.
Mu busiku bwa butatu wakaba kutubuusia,
pakuti tukabe bakose pa ntanzi yakue.
3Kansi tumumane Yawe.
Tumumane twakoniizie.
Kisinka nga vilivyatula koba,
i vi-ali wakaba kumoneka.
Wakaba kwiza kuli fwefue nga nvula ya muloboko,
nga nvula ya mpeleezio iliyatomia pa kyalo.”
4“We Efraimu! Nkukite syani?
We Yuda! Nkukite syani?
Ntono yenu ili nga fuube wa lukeelekeele,
nga lume lwa kumakia lusililwakokola kuzeeza.
5Ni pakako, nakimiputulania tuputu tuputu
kupitila mu bakabika bane.
Nakimipaya na twebo twa mu kanua kane,
bupinguzi bwane bwaakasaama nga kisue kya koba.
6 #
Mat 9.13; 12.7 Pantu nene ntonene nkumbu, tekuba ngelelo,
ni kunakila Leza
kukila ngelelo ya kuzizia.
7Inzi ku Adamu,#6.7 Ao Nga Adam; Mu Kiebrania Nga bantu bainoonene kipingo,
koko, kubasibanga ba kisinka kuli nene.
8Gileadi i muzi wa bankitatubi,
muzi utiikaaniiziwe na mulopa.
9Nga vili mabumba a bapoti balibafyamina bantu,
i vili ni libumba lya babitambua.
Balibaipaya bantu mu nzila ya ku Sekemu,
ni kukita bintu bibiipile.
10Nakimona kintu kibi mu Izraeli.
Momo mulimukukita Efraimu bukambue.
Izraeli waitiikania.”
11“Ni palwakua wewe Yuda,
musita wa kuzombolua uteaniiziwe.
Musita unakaba kubwezia bakakua ba pa bantu bane.”
Currently Selected:
Hosea 6: KBTP
Highlight
Copy
Compare
Share
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.