Kutendeka 23
23
Kufua ni kuziikua kwakua Sara
1Sara waikeele pa kyalo myaka 127 2Sara waafwiliile ku Kiriati-Arba (i kulanda nangue Hebroni) mu kyalo kya Kanaani, ni Abrahamu waile paali mubili wakua Sara walimukulila ni kuloosia.
3Abrahamu waafumine paali pabiikilue mubili wakua mukazi wakue, waya kubaana baana bakua Heti nangue, 4#Bae 11.9; 13; Mii 7.16“Nene kono ndi mweni ni mulendo pakati kenu, n'mpeeleko nkendo imulimwaziikapo, ni ne nziikepo mukazi wane evi aye wali kule ni nene.”
5Bahiti baamwasukile Abrahamu. 6“We mwinzio, unvua! Wewe uli mulombozi mukulu pakati ketu, tepali muntu alikukaana kukupeela kilibu kya kuziikamo mukazi obe. We muziike sie mu kilibu ki-ulikusaakulapo.”
7Kupwako, Abrahamu wafwinamina bekala kyalo ni baana bakua Heti 8ni kubaana nangue, “Mwe bamwinzio, kine mwangitabila kuziika mukazi wane kono, namilomba mumwane Efuroni mwana mwalalume mwina Zohari 9ansisie lisele lya ku Makipela lili ku nkingo ya bukaba bwakue. Mumwane alande mutengo wa bolia bukaba pa menso enu, evi ikabe nkendo yane ya kuziikamo.”
10Efuroni Muhiti waali waikeele pa bukata bwa baana bakua Heti, waamwasukile Abrahamu ntanzi ya baana bakua Heti pamo ni bonse baali baingila mu ozo muzi nangue, 11“We mwinzio, unvua, nene nakupeela bukaba bonse pamo ni lisele lilimo, nakupeela bebi byonse pa menso a bantu bane. Ziikamo mukazi obe.”
12Abrahamu waakontamiine ku bekala kyalo 13ni kumwana Efuroni pa menso a bekala kyalo walanda nangue, “Inzi kine watona, nakulomba untwilizie. Ndikukusita bukaba. Ale twama nfolanga, ni ne ndikuziikamo mukazi wane.”
14Efuroni waamwasukile Abrahamu nangue, 15“We mwinzio, unvua, bobu bukaba kine bwasitua na shekeli 400, kuti byatukitaki nene ni wewe? Ni pakako, ziika sie mukazi obe.” 16Abrahamu waamwitabiizie Efuroni, Abrahamu waamupendeele Efuroni nfolanga i-aalandile ntanzi ya baana bakua Heti shekeli 400 ya mutofue mu kipendo kya basulu.
17Bukaba bwakua Efuroni bwa ku Makipela bwaali bwali lya ku kabanga ka Mamure, ni bimuti byonse, ni lisele, byaamanikile kuba 18byakua Abrahamu ntanzi ya baana bakua Heti ni ntanzi ya bonse baali baingila pa mulyango wa muzi wakue.
19Pa kyamba, Abrahamu waamuziikile mukazi wakue Sara mu lisele lya mu bukaba bwa ku Makipela bwaali bwali lya ku kabanga ka Mamure, (i kulanda nangue Hebroni) mu kyalo kya Kanaani. 20Bukaba ni lisele lyaalimo byaamaniiziwe na baana bakua Heti kuba byakua Abrahamu, kuti biye byaali bunonsi bwakue ni nkendo ya kuziikamo.
Currently Selected:
Kutendeka 23: KBTP
Highlight
Share
Copy
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.
