Psalms 39
39
PSALM XXXIX.
David maun be whush afore the Lord: man’s but a fain an’ a feckless creatur, frae the day that he cam, till the day he maun gang: David, like the lave, maun win hame.
Till the sang-maister, till Jeduthun:#1 Chron 16:41; 25:1; Ps 62 an’ 77, Headins. ane heigh-lilt o’ David’s.
1Quo’ I, I maun waird my gate, in case be I slip wi’ my tongue: I maun steek my mouthe fu’ stieve,#39:1 Heb. wi’ branks. sae lang ’s the ill-doer’s afore me.
2I keepit sair sugh i’ the lown;#Ps 38:13 I wheeshtit me, even frae gude: bot my dule, it wauken’d the waur, ay.
3My heart was het i’ my breast;#39:3 Heb. i’ my inside wi’ my thought, the lowe kennl’d: syne spak I right out wi’ my tongue,
4Lat me wit, O Lord, o’ my en’;#Ps 90:12; 119:84 an’ the meath o’ my days, what it’s a’: how bruckle ’am syne, I sal ken.
5Alake! but some han’-breid ye made my days; an’ my time ’s like naething afore ye.#Ps 90:4 #Ver. 11 Ps 62:9; 144:4The stievest man on yird can stan’, ilk#39:5 Heb. weak as weakness ilka man: whilk word is Abel; Gen 4:2 ane o’ them ’s weak as Abel: Selah.
6Man daikers, atweel, in a gloam; na, they fash themsels a’ for nought: he harls gear thegither;#Job 27:17; Eccles 2:18, 21, 26; 5:14 bot kens-na, the same wha sal aught.
7Bot now, what leuk I for, Lord; my thoughts they are a’ on yerlane:
8Frae my wrang-gangins a’ redd me out; the geck o’ the gowk mak me nane.
9I was whush;#Job 40:4, 5; Ps 38:13 I ne’er open’d my mouthe; for I wat yerlane did it.
10Haud aff me a wee, wi’ yer weight:#Job 9:34; 13:21 ’am dune, wi’ the dirl o’ yer han’.
11Whan ye ding the brawest wi’ blauds for sin; ye wear his pith awa like a moth:#Job 4:19; 13:28; Isaiah 50:9; Hos 5:12 Sure ilk man ’s weak as Abel: #Ver. 5 Selah.
12Hearken my bidden, O Lord; an’ eke till my schraigh gie heed; be-na ye whush at my taivers:#39:12 Heb. my tear. for ’am but a gangrel wight wi’ thee;#Lev 25:23; 1 Chron 29:15; Ps 119:19; 2 Cor 5:6; Hebr 11:13; 1 Peter 1:17; 2:11 hameless, like a’ my faithers.#Gen 47:9
13Haud aff me, Lord, or I gather pith;#Job 10:20, 21; 14:5, 6 afore I gang by, an’ nae mair o’ me.
Currently Selected:
Psalms 39: SCOWAD
Highlight
Copy
Compare
Share
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
