रोमियो 13

अधिकारियों री आग्या मांनौ

1हरैक मिनख अधिकारियों रै अधीन रैवै, क्यूंकै कोई अधिकार ऐड़ौ कोनीं, जिकौ परमेसर री तरफ ऊं कोनीं है। अर जिकौ अधिकार है, वो परमेसर रै ठैरायोड़ा है। 2इण वास्तै जिकौ कोई अधिकार रौ विरोध करै है, वो परमेसर री आग्या रा विरोध करै है। अर जिकौ परमेसर री आग्या रौ विरोध करै है, वे डंड पावैला। 3क्यूंकै हाकिम बड़िया कांम रा कोनीं, पण बुरै कांम रै लियै डर रौ कारण है। इण वास्तै जे थूं हाकिम बेखौफ रैवणौ चावै है, तो बड़िया कांम कर उणरी तरफ ऊं थारी सौभा होवैला। 4क्यूंकै वो थारी भलाई रै लियै परमेसर रौ सेवक है। पण जे थूं बुराई करै, तो डर, क्यूंकै उणरी तरवार बेकार कोनीं है। वो परमेसर रौ सेवक है, जिकौ भूंडा कांम करणैवाळौ माथै परमेसर रौ क्रोध लावै है। 5इण वास्तै उणौरै अधीन रैवणौ जरुरी है, नीं कैवल डर रै कारण बल्कि थौरे आपरै अंते रै कारण।

6 # मत 22:21; मरकु 12:17; लूक 20:25 इण वास्तै लगान भी दिया करौ, क्यूंकै अधिकारी परमेसर रा सेवक है अर हमेसां इण कांम में लागयोड़ा रैवै है। 7इण वास्तै हरैक रौ हक चुकाया करौ। जिणनै लगान चाहीजै, उणनै लगान दो। जिणनै चुंगी चाहीजै, उणनै चुंगी दो। जिण ऊं डरणौ चाहीजै, उण ऊं डरौ। जिणरौ आदर करणौ चाहीजै, उणरौ आदर करौ।

8आपसी परैम रै अलावा किणी रौ करज अपणै ऊपर मत राख, क्यूंकै जिकौ दूजौ ऊं परैम राखै है, वो इण तरैह व्यवस्था नै ही पूरी करै है। 9क्यूंकै ओ की “व्यभिचार नीं करणौ, हत्या नीं करणी, चोरी नीं करणी, लालच नीं करणौ,” अर इणनै छोड़ वळै कोई भी आग्या हो तो सगळौ रौ सारांस इण बात में पायो जावै है, “अपणै पड़ोसी ऊं अपणै ज्यूं परैम राख।” 10परैम पड़ोसी री कीं बुराई कोनीं करै, इण वास्तै परैम राखणौ व्यवस्था नै पूरी करणी है।

11वगत नै पिछांण नै ऐड़ौ इज करौ, इण वास्तै की अबै थौरे लियै ऊंग ऊं जाग उठनै री घड़ी आ पूगी है, क्यूंकै जिण वगत म्हौ विसवास कियो हो, उण वगत रै विचार ऊं अबै म्हौरौ उद्धार नैड़ौ है। 12रात घणी बीत गी है, अर दिन निकळन वाळौ है। इण वास्तै म्हौ अंधारै रै कांमां नै त्याग नै, उजाळै रा हथियार बांध लौ। 13ज्यौ दिन रौ सौभा दैवै है, व्यौंही म्हौ सीधी चाल चालौ, न की रंगरेलियो अर नसेबाजी में, नीं व्यभिचार अर लुचपन में, अर नीं झगड़ै अर जळण में। 14बल्कि परभु यीसु मसीह रै स्वभाव नै धारण कर लौ, अर सरीर री इछाओ नै पूरी करणै में मती लागयोड़ा रैवौ।

Currently Selected:

रोमियो 13: RWR

Highlight

Copy