फिलेमोन 1

आवभगत

1ओ कागद यीसु मसीह रा सुभ संदेस नै सुणावण रै कारण जेळ में बंद पौलुस और भाई तिमुथियुस री ओर ऊं, म्हारै प्यारै साथी फिलेमोन, 2#कुलु 4:17बेन अफफिया और अपांरै सिपाई साथी और फिलेमोन रै घर री कलीसिया रै नाम है। 3अपांरा पिता परमेसर और परभु यीसु मसीह री दया और सानति थौरे माथै हमेसां रैवै।

4-6जद म्हैं परमेसर रा पवितर लोगां और परभु यीसु मसीह रै साथै थौरो परैम और विसवास री बातां सुणूं हूं, तो हमेसां थौरे वास्तै परमेसर नै धन्यवाद देवूं और पराथना करूं हूं, के थांरा विसवास ऊं पैदा होई दयाळु भागीदारी लोगां नै मारग बतावै। जिण ऊं उणौनै उण सगळी चौखी चीजों रौ ग्यांन रै जावै जिकौ मसीह रा मकसद नै आगै बढ़ाणै ऊं अपांरै बीच में रैह री है। 7क्यूंकै हे भाई, म्हनै ओ जांण नै घणी हीमत और सानति मिळी के, थै आपरा भाई जैड़ा हेत ऊं परमेसर रा पवितर लोगां रा मन लीला हो गिया है।

उनेसिमुस वास्तै विणती

8म्हनै मसीह में थांनै जिकौ करणौ चाहीजै उण वास्तै हुकम देवणा रौ हक है, तौभी 9म्हैं पौलुस, जिकौ बूढ़ो हो गियो हूं और यीसु मसीह रा सुभ संदेस रै कारण जेळ में बंद हूं। थारै ऊं परैम ऊं उनेसिमुस वास्तै विणती करूं हूं। 10#कुलु 4:9जिकौ जेळ में म्हारै ऊं सुभ संदेस सुण्यौ और विसवास करणा ऊं म्हारौ बेटौ बणग्यौ। 11ओ पैला थारै कोई कांम रौ कोनीं हो, पर अबै ओ थारै अर म्हारै दोनो रै घणै कांम रौ है। 12म्हैं म्हारै इण काळजा रा टुकड़ा नै पाछौ थारै खनै मेलूं हूं। 13म्हैं जिकौ सुभ संदेस रै कारण जेळ में हूं, इणनै म्हैं सेवा वास्तै म्हारै खनै थारी जगा राखणी चावतौ हो। 14पर हे फिलेमोन थारी इछा रै बिना इणनै नीं राखियौ। ताकी थै इणनै दबाओ नीं, पर आंणंद रै साथै म्हारी सेवा वास्तै इणनै म्हारै खनै रैवण दो। 15हो सकै ओ थारै खनै ऊं इण वास्तै थोड़ौ आगौ रियौ, ताकी हमेसां थारै खनै रै सकै। 16अबै इणनै नौकर ज्यूं नीं, पर भाई ज्यूं राख जो। इणनै नौकर ज्यूं नीं, पर भाई ज्यूं परैम करजै। क्यूंकै ओ परभु में म्हारौ घणौ लाडलौ है। 17अगर थै म्हनै थारौ साथी समझौ तो, इणनै भी म्हारै ज्यूं मानजो। 18ओ थौरो कीं नुकसाण करयौ है तो, इण रौ नुकसाण म्हारै नाम मांड दीजौ। 19म्हैं पौलुस म्हारै हाथ ऊं लिखूं हूं के, उनेसिमुस रौ सगळौ नुकसाण म्हैं भर दूंला। म्हनै ओ याद दिलावण री जरुत कोनीं के थूं म्हारै जिन्दगी भर रौ करजदार है। 20हे भाई परभु में थै म्हारी आ बात मांन जाईजौ। ताकी मसीह में म्हारौ मन राजी रैवै।

21म्हनै पूरौ विसवास है के, जिकौ म्हैं थांनै कयौ, उण ऊं बढ़नै करौला। इण वास्तै भरोसौ करनै ओ कागद थनै लिखूं हूं। 22ओ भी कहूं के, थै म्हारै रैवण रै वास्तै प्रबन्ध करजौ। क्यूंकै म्हनै विसवास है, थौरी परमेसर ऊं पराथना रै कारण म्हैं वेगो छूट नै थौरे खनै आऊंला।

आखरी नमस्कार

23 # कुलु 1:7; 4:12 इपफ्रास जिकौ यीसु मसीह रै कारण म्हारै साथै बन्धियोड़ो है थनै नमस्कार कैवै है। 24#प्रेरि 12:12,25; 13:13; 15:37–39; कुलु 4:10; प्रेरि 19:29; 27:2; कुलु 4:10; कुलु 4:14; 2 तीमु 4:10; कुलु 4:14; 2 तीमु 4:11मरकुस, अरिस्तर्खुस, देमास और लूका जिकौ म्हारै साथी है उणौरौ थनै नमस्कार। 25अपांरा परभु यीसु मसीह रौ अनुग्रह थौरे सगळौ री आतमा माथै हमेसां रैवै।

Currently Selected:

फिलेमोन 1: RWR

Highlight

Copy