कुलुस्सियो 4

1 # इफि 6:9 हे मालिको, थै ओ जांण नै आपरा दासो साथै न्याव अर चौखौ वैवार करौ के, सरग में थौरे माथै भी एक मालिक है।

पौलुस री विसवासियो रै वास्तै सलाह

2थै सावचेत रेन परमेसर री पराथना अर धन्यवाद दैणै में लागोड़ा रैवौ। 3थै म्हौरै वास्तै भी पराथना करौ के, परमेसर मांनै आपरा वचन अर मसीह रौ भेद सुणाणै रौ मौकौ दैवै, जिण वास्तै म्हैं जेळ में हूं। 4इण वास्तै भी पराथना करौ के, में इण भेद नै खोलनै बता सकूं, जिण तरैह ऊं म्हनै बतावणौ चाहीजै।

5 # इफि 5:16 वगत नै मूंगो समझ नै बारै वाळा रै साथै बुद्धि ऊं वैवार करौ। 6थौरी बोली हमेसां चौखी अर मीठी रैवै, जिण ऊं थै हरैक नै ढ़ंग ऊं जबाब दे सकौ।

आखरी नमस्कार

7 # प्रेरि 20:4; 2 तीमु 4:12 # इफि 6:21,22 म्हारौ लाडलौ भाई, विसवास जोगो सेवक अर परभु में म्हारौ साथी तुखिकुस थांनै म्हारै बारै में सगळी बातां बता देवेला। 8म्हैं तुखिकुस नै इण वास्तै थौरे खनै मेलूं हूं ताकी ओ थांनै म्हारा समाचार दे सकै, जिण ऊं थांरा काळजा नै हीमत मिळै। 9#फिले 1:10–12इण रै साथै म्हारै लाडला विसवास जोगा भाई उनेसिमुस नै भी भेजूं हूं। ओ थांरा देस रौ हीज रैवण वाळौ है। ऐ दोनूं थांनै म्हारा अठै रैवण वाळी सगळी बातां बता देवेला।

10 # प्रेरि 19:29; 27:2; फिले 1:24; प्रेरि 12:12,25; 13:13; 15:37–39 अरिस्तर्खुस जिकौ म्हारै साथै जेळ में बंद है अर मरकुस जिकौ बरनबास रौ भाई है, ऐ थांनै नमस्कार कैवै है। मरकुस रै बारै में म्हैं पैला ही थांनै कयौ हो के, ओ जद थौरे खनै आवै तो इणरै साथै चौखौ वैवार करजौ। 11यीसु जिकौ यूसतुस रै नाम ऊं औळखीजै, ओ भी थांनै नमस्कार कैवै है। खतना करयोड़ौ मे ऊं ऐ तीन लोग हीज म्हारै साथै परभु रै राज वास्तै कांम कर रिया है। इण ऊं म्हनै घणी हीमत मिळी है।

12 # कुलु 1:7; फिले 1:23 इपफ्रास जिकौ थांरा देस रौ रैवण वाळौ है, थांनै नमस्कार कैवै है। ओ यीसु मसीह रौ सेवक हमेसां थौरे वास्तै दुख रै साथै पराथना करै है के, आप लोग पका रेन विसवास रै साथै परभु री इछा में मजबुत रैवौ। 13म्हैं इण बात रौ गवाई हूं के, ओ थौरे वास्तै, लौदीकिया हैर रै वास्तै अर हिरापुलिस हैर रा रैवण वाळा रै वास्तै घणी मेनत करी। 14#2 तीमु 4:11; फिले 1:24; 2 तीमु 4:10; फिले 1:24लाडला वैद लूका अर देमास थांनै नमस्कार कैवै है।

15लौदीकिया रा भाइयो नै अर नुमफास अर उण री घर री मंडली नै नमस्कार कहीजौ।

16जद थै इण कागद नै पढ़ लौ तो, इणनै लौदीकिया री मंडली में भी पढ़ा दीजौ अर यूं हीज लौदीकिया रा नाम लिखयोड़ा कागद नै थै भी पढ़ लेजो। 17#फिले 1:2पछै अरखिपुस ऊं कहीजौ के, जिकौ सेवा परभु थनै सूपी है, उणनै सावचेती ऊं पूरी करजै।

18म्हैं पौलुस म्हारै हाथ ऊं नमस्कार लिखूं हूं। म्हैं हांकळौ में बन्धियोड़ो हूं, याद राखजौ। परभु थौरे माथै दया करता रैवै। आमीन।

Currently Selected:

कुलुस्सियो 4: RWR

Highlight

Copy